من المسؤول ؟؟؟

[ABO TURKI]

المشاركة الأصلية كتبت بواسطة الدآنه الثمآليه

اشكرك يابو تركي على إثآرة هالموضوع المهم

وماهذا الا نقطه من بحـــر

وهالحـــآل مستمــــــــر ومن سيئ لأسوأ للأسف

آنـــآ آحمّل كـــآمل المسؤليه للأم
الأم هنــــآ مسؤله عن بنتها المتزوجه والغير متزوجه
لانو مستحيـــــــــــــــل يكون فيه زوج يشوف زوجته بلبس مو لائق
او آب يشوف بنآته بلبس مو لائق
ويكون رآضي انهم يطلعون فيه مستحيـــــــــــل لايمكن استوعب....
للأسف الشديد كثير يستغفلون آزوآجهم وآهلهم من هالنآحيه
فيه لبس معقول ويكون لائق بمثل هالإحتفآل
لكن فيه لبس مستحيل يكون لائق بالعكس يطلع غبي وبآيخ وفآضح وغثيآن ووعععع وكل ابو شي
اللي حز بخــآطري بالحيـــل ان بعض الأمهــآت الله يؤجرهم بس
اذا حد نبـههـــآ على بنآتها قآلت

(ماعاد نقدر فيهم وآزرينــآ فيهم)




يــــــــــآربي بس تصلح لنا انفسنا وذريآتنـــآ ولاتبلينـــآ

من متى بالله فيه آم ماتقدر ببنآتها لهالدرجه ؟؟

من متى فيه بنآت يمشون على هوآهم لين يوصل فيهم لهالحد؟؟
وربي اني آحزن يوم إني اشوف ام تمشي وورآهــآ بنآتها بلبس مو محترم
شــ اللي حــآدنــآ نحط نفسنا بموضع نــقــد وسُمعه وكلآم نآس ؟؟؟
مآ آظن فيه شي حآدنـــآ نسوي كذا آبدن
انا اتكلم عن اللبس اللي يشد انتبآهـ الأغلبيه وينقدونه من شدة ماهو سيئ
وبالأول والأخيـــــــــــــــر

كلن بعقله رآآآآآآضي ماعـآد لحد على أحد كلمه

تمرمر قبولي يابو تركي

مشكورة الدانة ولكن قبل الأم من اشترى وهو الأب أو الزوج ولهم كلمتهم إن كانوا ............
وإن كانو غير ذلك فالله المستعان

[ABO TURKI]

المشاركة الأصلية كتبت بواسطة البروفيسور

أخي أبـــو تركي أشكركــ على الموضوع الغايه في الأهميه والمطروح للنقاش,,

وفي نظري / يتحمل الجميع هذا الخطأ الفادح,,
اوذلك بدأَ بالأم في المنزل : لأنها الأقرب لبنتها من غيرها’’فلو ربتها منذ الصغر على الحشمه واللبس اللا ئق لما تجرأت البنت لما ذكرت,,

ثم الأب/ فهو ولي أمرها والمسؤل عنها,, وذلك بمتابعتها,, وونصحها ومراقبتها في اللبس دائماَ ..فكيف:لا يدري وهو من يوصلها لحفلة الزواج؟؟
ولمــــاذا لا يرى ما تلبس ابنته قبل خروجها للزواج أو الشبكه,,
(طبعاَ كل هذا من الصغر ,,)أقصد التربيه الاسلاميه السليمه الصحيحه,,


الـــــزوج/ آآآآآآآه من بعض الأزواااااج،،،،
اللي على قولكـــ (يــــــــرعى)
أين ذهبت قوامتك على زوجتكــ؟
أين الرأي المسموووووع؟ والمحافظه؟
أين الغيره ؟والحشمه ؟؟؟؟؟؟
والا (فـــــــالح) تودي أسووواااااااق ,,ومشاااااغل ,,,وكوافيررراااااات,,,وتحاااااااااسب ,,فقط؟؟؟؟
وتقول (لبس العافيه) ولا كأنكــــ ((رجـــــــــــــل)),,

تفبّـــــــل تحيات/أخوكـــــ,,,ودمت بحفظ المــــــولى..

آآآآآآآآآه من الآباء والأزواج أنا ما فاقع قلبي الا هم والا الأم غالبا كلمتها ضعيفة أمام
تجبر بعض الفتيات
مشكووووووووووور أخي البروفيسور

[ABO TURKI]

المشاركة الأصلية كتبت بواسطة بندر عبدالعزيز

موضوع شيق وجميل تحياتي لك يابو تركي

مرحبا بولد العم

شاكر لك مرورك

[ABO TURKI]

المشاركة الأصلية كتبت بواسطة مايميزني لقب

اولا

مشكور ابو تركي
بس وش علامك العريس والعروووس
شكلك تبي تتزوج وتبيها في صالحك <<<<<<<ههههههه
الله يحفظلي ام تركي مو مقصرة علي في شي
وبعدين لا يلدغ المؤمن من جحر مرتين

اللبس مساله شخصيه بالانسان الا اذا تعدت حدود الشرع
واللي يلقي بالمسؤليه على الاهل مو صحيح الاهل علمووووو وكبروووووو
ومااعتقد فيه ام او اب يرضى ان بنتها تلبس لبس يسئ لهم
طيب واللبس الخليع والفاضح الموجود في الزواجات
وانتي امرأة وشايفة اللي حاصل تتوقعيم مين اللي رضيبه
اهم شي ان يكون النصح لله ولله
مو علشان العيب والناس
لان لو كل رجل ربى ابناءه على الخوف من الله اولا ماراح يتعب معاهم في الاقتاع
مشكلة كثير من الرجال ان العيب والناس اهم من الحراااااام
وهنا الاشكال فرق بين الاب اللي يقول حرام
واللي يقول عيب
طيب اللي ما عنده لا عيب ولا حرام كلها سواسية عنده
اش نقول عنه وأتوقع هذا هو المسؤول عن اللبس الموجود
والشباب بحكم مراهقتم يحبون التمرد على كلمة عيب وفضيحه من الناس
الله يهدي بناتنا وشبابنا للخير
ويتقون الله في اهلهم ويكونون وجه مشرف لهم في كل مكآآآآن

ثاني شي فيه عتب بسيط على كثير من النساء وخصوصآآ الامهات لما تجي توصف بنات الناس لاولادها
وخاصة لما يكون متزوج ماله داعي نشر كل مايختص بالنساء عند الرجال فلانه لابسه فلانه سوت
هاذا شي قبل مايكون قلة ذووووق حرام ومايجووز
مايونيز كلنا عندنا أمهات وفيه كبيرات في السن ما يعجبهم الحال المايل
وودها تفضفض بنية طيبة ما تقصد شي هذا اولا
ثانيا أنا واحد من مجموعة بيوت وصلها الخبر عن طريق أمهاتهم عن تلك الفتاة
هداها الله تخيلي نظرتهم لها ولو فكر أحد البيوت في الخطبة لإبن من أبنائه
تتوقعين يروحون لبيت الفتاة ذات اللبس الفاضح والخليع
الجواب مستحيل لأنه مادام هذا لبسها وهي ما تزوجت كيف بتسوي بعد الزواج
ولذلك الأولى الابتعاد عنها من بدري لأن اللبس في رأيي يدل على التربية
ومن تربيتها سليمة ووراها رجال في البيت سيكون لبسها محتشم بعكس من تربت على القنوات الفضائية وما عندهم عيب وفوق هذا الرجال الموجود في البيت طلي وانتم بكرامة

هاذا رائي وعساكم على القووووووووووه

رأي راهي أحترمه
أسعدني تواجدك

[ABO TURKI]

المشاركة الأصلية كتبت بواسطة ^كآبتشينو^

السسسلامو عليكم..

كنت اتصفح المنتدى وشفت هالموضوع فحبيت اشارك وقبل ذالك اشكر ابو تركي
العفو نسكافيه
... طبعا موضوع اللبس ماهو بيد الام ولا الاب ولا الزوج بيد البنت نفسها الوازع الديني اكبر رادع
طيب واذا ماعندها وازع ديني نتركها على كيفها عادي
أين دور الأسرة أين دور رجل البيت في التدخل في مثل هذه الأمور
أقلها قبل ما يمشي يشوف لبسها وإذا كان مو محتشم الباكور على علباها
وبعدين اذا ام شافت بنت بهذا المنظر تاخذها ع جنب وتنصحها وعشان مانكون مثاليين احدى معارفي تعرضت لمثل هذا الموقف مع ان اللبس لم يكن لدرجة الخلاعه فراحت وحدة من الامهات لام هذي البنت ومانصحتها الا فضحتها قدام الحريم بعد كم زواج بنت هذي الام لابسة لبس العن من لبس الاولى العيب عندنا بالحريم ماعندهم اسلوب ابدا في النصح ...
أي نصح ينفع مع واحدة ما تفهم العيب وجات بلبس فاضح
أتوقع ردها راح يكون مهين لمن قامت بنصحها
وبعدين العتب الثاني ام تجي تحكي لولدها بنت فلان لابسه كذا ولابسه كذا وش تبي؟؟؟

ليش مانصحتها وتركتها لله بدل ماتفضح فيها ؟؟؟
نفس ردي على مايونيز في المقطع الأخير وبعدين هي اللي خلت نفسها
فرجة للعالم تستاهلووالله لو عندي أخ أو ابن على وجه زواج ومابقي
الا هي يقعد عزوبي أحسن ما ياخذ واحدة بهذا الشكل
ما عندها لا عيب ولا حرام
فاظفر بذات الدين

ثانيا فيه مبالغه كثير نادرا ماتجد ثماليه اصل وفصل << !!!! تتفصخ بالبس لدرجة مشينة ومعيبه

أصابعك مو سوا <<يمكن موبايلي يمكن زين خخخخخ
دعابة

تشكراتي

العفو نسكافيه
أسعدني مرورك

[منقاش]

من المسئول ؟.
سؤال جوابه واضح يبو تركي .
المسئول , الرعاه , كلكم راع وكلكم مسئول عن رعيته ...
ألأب راعي , والأم راعيه , والأخ راعي على أخواته وأخوانه , وعوين لوالديه في الرعايه , الخ....
والمسئول , هو كل من يرى أو ترى منكر ولا تنكره , وتقول أنا ويش لي ولخلق الله , ويتناسون مراتب تغير المنكر اللي من ضمنها اللسان ...
وهالحين خلنا نعود من حيث أبتدينا , من عند الوالدين .
فالأب اللي يتحلى بصفات القوامة والرجولة , تلقاه مثل الأسد اللي ما يخرج أحد عن طاعته في عرينه , وألأم الواعية الصالحه هي اللي تزرع الفضيله في بناتها , وأقل المعاني ما تترك بنتها عرضه للنقد بسبب تعريها أو سوء سلوكها ...
لكني أقدر أقول بعبارة قصيره , أغلب صلاح أوخراب البيوت يجي من ألأمهات , فأياكم وخضراء الدمن .
وينشأ ناشىء الفتيان فينا @@@ على ما كان عوده أبوه .
والأم مدرسة أذا أنت قد أعددتها @@@ أعددت جيلا طيب ألأعراق .
وما من مولود ألا ويولد على الفطرة , وأبواه ينصرانه أو يهودانه أو يمجسانه ..
والختام , أشكرك وأشكر والدتك بعد تمعرت وجيهكم من المناظر اللي ذكرتوها , وهذا ماهو مستغرب من أمثالكم , واشكركم بعد أنكرتم على أصحابها على ألأقل بهذا الطرح , وهذا الدور لو قام به كل واحد منا بمثل ما قمتم به, كان أختفت المناظر المقززه .
واحب هنه أني أنبه واقول , أن هذي المناظر من سلوكيات التعري الشاينه , ما تكثر ألا في أوساط المتخلفين , أما ألأسر الواعيه , مستحيل تلقى هالمناظر المقرفه في أوساطهم ....

[ABO TURKI]

المشاركة الأصلية كتبت بواسطة هيكل

السلام عليكم ورحمة الله وبركاااااااااااااااته
اولاً /اشكر اخي الكريم على هذا الموضوع الذي يستحق العلاج مباشرةً
بدلاً من النقاش
ثانياً/اللوم يقع على عاتق الجميع من البنت نفسها حتى والديها , او الزوجة وزوجها
ثالثاً/التربية السليمة ثم الدعااااااااااء الدعااااااااااااااء
رابعاً/كل واحد منكم يذهب الى خزانة زوجته ,وابنته ليتأكد من انه كما قال بن عواض.
ملحوظه /قرأت هذا الموضوع على الاهل ,وللاسف كان ردهم ان بنات ونسااااء من يدعين الالتزام هن اكثر عرضة لمثل هذا اللبس بحجة انها بين نسااااااء وانه لاحرج عليها للاسف
شيء محزن ان نجد هذا العري والخلاعة في مجتمع قبلي
نصيحة اخيره من اخ لكم ربما يصغركم بكثير :
راااااااااااعوا الله في انفسكم ونسائكم,القي اليها نظرة قبل خروجها من المنزل للمناسبه ,وعدل منها ماتراه يخل
الله اصلح نسائنا ,وبناتنا وبنات المسلمين اجمعين
اللهم اصلح لنا شأننا كله

أشكر لك مداخلتك أخي هيكل
وبرأيي أن المسؤول الأول هو رجل البيت سواء كان زوج أو أب أو أخ لو كان له رأي وهيبة
ثق تماما أن كل الأمور ستكون على مايرام
قابلت أحد الزملاء في سوق وكان أهله معه طبعا من بعد هذا اللقاء وأنا أكره هذا الرجل
لما رأيته من لبس مخصر وضيق وظل عيون وكحل على أهله وكأنها في زواج وهو خلفها كا الحـــ......... يحمل الأكياس طبعا ابتعدت عنه وأنا متأكد حتى لو كلمته أو سلمت عليه سيكون في غاية السعادة وربما يجعلني أطيل النظر ليتفاخر بمن معه
أعوذ بالله من أشباه الرجال

[ABO TURKI]

المشاركة الأصلية كتبت بواسطة أبو عبدالرحمن

الله يعطيك العافية أخي أبو تركي...

أشاهد بعض الردود ..وكأنها تتكلم عن أناس خارج الحدود!!وما دري إن لم يكن هو المقصود! فقد يكون: الأب أو الأخ أو ابن العم!!!

وأقول: لا أجد أن أهم الأمور التي يجب أن نهتم به هى التربية الذاتية لكل أفراد الأسرة..واقتناعها بما تحمل من مباديء وقيم..

نسأل الله أن يصلح أحوالنا وأحوال المسلمين في كل مكان..

أسعدني مرورك وزاد الموضوع نورا بوجودك ابو عبدالرحمن

[إحفظ الله يحفظك]

يعطيك العافية
حكم لبس القصير والضيق من الثياب


* سؤال : فضيلة الشيخ : إن بعض الناس اعتادوا إلباس بناتهم ألبسة قصيرة وألبسة ضيقة تبين مفاصل الجسم ، سواء كانت للبنات الكبيرات أو الصغيرات . أرجو توجيه نصيحة لمثل هؤلاء ؟؟* الجواب : يجب على الإنسان مراعاة المسئولية ، فعليه أن يتقي الله ويمنع كافة من له ولاية عليهن من هذا الألبسة ، فقد ثبت عنه صلى الله عليه وسلم أنه قال : " صنفان من أهل النار لم أرهما بعد ... وذكر نساء كاسيات عاريات ، مائلات مميلات، رءوسهن كأسنمة البخت المائلة ، لا يدخلن الجنة ولا يجدن ريحها .." [رواه مسلم ] وهؤلاء النسوة اللاتي يستعملن الثياب القصيرة كاسيات ؛ لأن عليهن كسوة ، لكنهن عاريات لظهور عوراتهن ؛ لأن المرأة بالنسبة للنظر كلها عورة ، وجهها ويداها ورجلاها وجميع أجزاء جسمها لغير المحارم .
* وكذلك الألبسة الضيقة ، وإن كانت كسوة في الظاهر لكنها عري في الواقع ، فإن إبانة مقاطع الجسم بالألبسة الضيقة هو تعري . فعلى المرأة أن تتقي ربَّها ولا تبيِّن مفاتنها ، وعليها ألا تخرج إلى السوق إلاَّ وهي متبذلة لابسة ما لا يلفت النظر ، ولا تكون متطيبة لئلا تجر الناس إلى نفسها فيخشى أن تكون زانية .
* وعلى المرأة المسلمة ألا تترك بيتها إلا لحاجة لابد منها ، ولكن غير متطيبة ولا متبرجة بزينة وبدون مشية خيلاء ، وليعلم أنه صلى الله عليه وسلم قال :" ما تركت بعدي فتنة أضر على الرجال من النساء " [متفق عليه ] ففتنة النساء عظيمة لا يكاد يسلم منها أحد [ابن عثيمين –منار الإسلام ]


حكم لبس البنطلون


* سؤال : ما حكم لبس البنطلون للفتيات عند غير أزواجهن؟ * الجواب : لا يجوز للمرأة عند غير زوجها مثل هذا اللباس ؛ لأنه يبين تفاصيل جسمها ، والمرأة مأمورة أن تلبس ما يستر جميع بدنها ؛ لأنها فتنة وكل شيء يبين من جسمها يحرم إبداؤه عند الرجال أو النساء أو المحارم وغيرهم إلا الزوج الذي يحل له النظر إلى جميع بدن زوجته ، فلا بأس أن تلبس عنده الرقيق أو الضيق ونحوه والله أعلم [ابن جبرين – النخبة من الفتاوى النسائية ]

[ABO TURKI]

المشاركة الأصلية كتبت بواسطة منقاش

أن هذي المناظر من سلوكيات التعري الشاينه , ما تكثر ألا في أوساط المتخلفين , أما ألأسر الواعيه , مستحيل تلقى هالمناظر المقرفه في أوساطهم ....

جبت الزبدة يا شيخ منقاش يحسبون انهم بالتعري ماشين مع الموضه وهم أبعد مايكون عنها
بالعكس أصبحوا يتبعون الفوضة وفرجة لخلق الله ويعتقدن أنهن بالتعري سيصبحن في غاية الجمال
وهم بالعكس كشفوا أجسادهم للحشرات
أنا أرى المرأة كالحلوى أذا انكشفت وقع عليها الذباب وإذا صانت نفسها بقيت بحلاوتها

كل الشكر لك يا شيخ منقاش على ردك الرائع