ليتني طفل!!!

[مخـــاوي الليل]

ليتني طفل!!! ليتني طفل!!! ليتني طفل!!! ليتني طفل!!! ليتني طفل!!!

ليتني طفل(ن) على طول الحياة
لاكـبـرت ولا لـقيـت اللـي لـقيـت

من عنا وهموم واحزان وآهات
من شقى وظنون وحرمان المبيت

ليـتـنـي ومـن الطـفولـه للـمــات
ليتني عقب الطفـولـه ماحيـيـت

أشهد إن دنياي هـذي خـذ وهـات
بس هات أكثر من اللي قد خذيت

الصديق أضحك لـه بسن وشفـاة
لين يسلى مادرى إني ماسليت

من بلي يصبر ويجزى بحسنات
واحمد الله صابر(ن) يوم ابتليـت

مالي إلا رافع السبع سموات
ربي المعبود ماغيره دعــيـت

المشاكل سكرت كل الجهــات
لين حارت خطوتي لامن مشيت

بس أنا قد الهموم الكايدات
قدها وإن أعتزيت لها أعتزيت

التشاؤم راح واللي فات مات
مرحبا بك يالفرح من وين جيت

أشكرك من قلب ياعذب الصفات
بك فرحت وطاب وقتي واهتنيت

يا أمير الكون ياسيد البنات
يابعد عمري تدلل وش بغيت

أنقذ الغرقان ياطوق النجاة
الأمل في طلتك من يوم جيت

واعرف إن (مخاوي الليل)مايبات
ماينام الليل كانك ما دريت

[حسن عابد]

المرة هذي غير عن كل مرة فيه رتوش بسيطه تستطيع تعديها في القادم
مودتي

[النادر]

قادم في عالم الاحساس يرسم للغد المقبل اضواء

اذا كانت هذه البدايات ....بشيئ من المراجعه والتركيز يصبح اجمل

تمنياتي لك بالتوفيق

[ABO TURKI]

مخاوي أبدعت هذه المرة
استمر فإذا كانت هذه البداية فسيكون لك شأن بإذن الله

تمنياتي الصادقة لك بالتوفيق

[أوفى الخلق]

صح لسانك وانا حاس انك راح تكون شاعر فطين وخيالك صرااحه واسع
بارك الله فيك

[سنا الهجرة]

يعطيك العافيه على هذا النقل أخي مخاوي الليل ..
واسمح لي أن اذكرك بأن المنقول .. ليس هذا مكانه الصحيح ..
سوف تنقل للديوان الادبي

كنت اتمنى أن تذيلها بــ كلمة ( منقول )