نبات المرار

[منقاش]

وعليكم السلام ورحمة الله وبركاته
كلمة حق أقولها ولو كانت مره , ما عاد يشق لك غبار يبو عبدالرحمن , وراح فيها الشيخ سلام بعد سحبت البساط من تحت أقدامه , ولاحظ , ما قدر هالمره يعلق حتى لو بكلمتين ...
ولا هي غريبه أن الطالب يطلع أحسن من أستاذه , وكما يقولون , النتيجه دايما يحسمها الشوط ألأخير , وانا شايفك سرت تشد حيلك وتحث الخطى , والشيخ سلام أبتدا يكسمل ويسحب في رجليه , ويبدو أنه ما فيه أحد يقدر يوقفك عند حدك ألا أبو نقشه .
بس ليتك تقول لي من فرعنك علينا يا فرعون ؟, وتقول لي من وين أشتريت كتاب حليفي الدكتور قشاش حتى أشتريه مثلك ؟.
أما بخصوص أستفساراتك , فيبدو أن مرجعي القريب ما يقدر يفتيني , وأعتقد أني مضطر أصدر وآخذ عينه من فروع الشوكه حتى أعرضها عليه والا على خبير غيره .
وعندي ظن يا رفيقي , والظن أكذب الحديث , أن ألأسم اللي رايح ألقاه لهالشوكه في ديارنا يبي يقلب عليك ألأمور كما يقولون راسا على عقب , لأن وصف أبو حنيفه اللي ذكرته ما ينطبق تمام ألأنطباق على هذي الشوكه .
ولاحظ كلامه اللي يقول فيه (له ورق طوال عراض , ، يخرج في رأس كل شعبة كرة كبيرة ) , ألا أن كان السروي اللي جاب العلم لأبو حنيفه ما عنده خاتمه مثلي .