البلوشي يقول أنا سعودي

[عوض بن سلمان]

البلوشي يقول أنا سعودي البلوشي يقول أنا سعودي البلوشي يقول أنا سعودي البلوشي يقول أنا سعودي البلوشي يقول أنا سعودي

السلام عليكم ورحمة الله وبركاته
عيدكم مبارك وكل عام وانتم بخير

ليعذرني الجميع فأنا منقطع عنكم رغم سؤالي الدائم لمعرفة أحوالكم وجديدكم

قابلت محمد بن داخل وتهددته وأبدا لي عناده وقوة بأسه وهذا من رداة حظه الطايح وثيابه الشلايح فقلت له المنتدى يا حميدان وحتى يجينا من الحج سالم حبيت أشارك معكم منها مشاركة ومنها إظهار عدادي وعتادي أمام بن داخل فبدعت بدعة معناها فيها مع الرد عليها .


البدع :

عندنا في الوطن ما نسمع إلا بلوش وبن بلوش
والسيايير عند الناس ما تمشي إلا بالبلوشي
وإن هرجنا مع الأجواد قالوا لنا نحنا بلشنا
البلوشي يقول أنا سعودي بجنسية بلاش

.................................................. .........

الرد :

والبلوشي يقول أنا سعودي وجدي من بلوش
إخترقت الدفاع وجيت وأرض السعودية فراشي
ابن عمي ولد بخش الذي عندكم باسط فرشنا
والصور عندنا شيء بالأيادي وشيء بالفلاش

[عوض بن سلمان]

البدع :

الله يجعلك يا ذا الكنبيوتر ونته بالنبوش
جاينا بالكبوش اللي من الشام يقرشهم قروشي
وأنت جالس على الشاشة مشوش وترمش بالرماشي
تطلب القهوجي شيشة وبراد والفرجة بلاش

.............................................

الرد :

صاحب البوفية موجود عنده بدال البن بوش
جاك بالبوش والبراد ويقول لك جيب القروشي
وأنت مشتاق للشيشة وكنك فوسط البر ماشي
والعقل فيه ما يكفيه عندك لكن القلب لاش

[أبو عبدالرحمن]

وعليكم السلام ورحمة الله وبركاته

صح لسانك يا أبو شرف..

أي والله عليك بـ بن داخل...عسى رأسه يفك شوي..

وننظره سالما غانما

[@ بن سلمان @]

بن داخل اليوم حاج وبكرة داج
بإنتظار دجته

[صقر قريش]

[المبرِّد]

صح لسانك يا عم عوض
متابعين

[محمد بن حميدان]

صح لسانك يا شاعرنا الجزل...

وعساك على القوة...

[مشاكس]

حياك الله يابو شرف
لا نوصيك في بن د اخل
قرمشه

[المتميز]

خفو على الرجال

ذابحته الصخونه

[سنا الهجرة]

ياسلام عليك يابن سلمات

تغيب وتجيب بالعجيب الغريب


صح لسانك وعلا شان يا شاعرنا المخضرم


علىك به هذا بن دخل يبيله واحد صليب راس