الكلب ما ينبح عبث

[سنا الهجرة]

الكلب ما ينبح عبث الكلب ما ينبح عبث الكلب ما ينبح عبث الكلب ما ينبح عبث الكلب ما ينبح عبث

[POEM="type=2 bkcolor=#FFFFFF color=#0000FF font="bold large Arial, Helvetica, sans-serif""]اليا بغيت اترز راسك .. رز راسك مَرْجَلَه=ماهو بَزَارِير الثياب اللي مخَنِّقَةْ الرقاب
واليا بغيت اتعز نفسك لا تثير البلبله=ولا تعودها على قاف ليا جا الجد شاب
واليا بغيت اتهز راس العلم لين تبرجله=خلك خوي كتاب لو ترقى على هام السحاب
وان جيت مجلس فيه هرجٍ مثل قوس المِنْقَلَه=الزم خِطَام اقدام رجلك ثم دك ابْها التراب
وان جاك سهم لسان في ظهر الخوي لا تقبله=المسأله ماهي بسهم اخْطَا .. ولاهِي سهم صاب
المشكله لا صرت ما تدري وش اصل المشكلة=واخذت من باب القذارة ما يجيك ابْه الذباب
الكلب ما ينبح عبث .. وان جا يهرول هروله=من باب تحقيق العدالة لا تبادِرْهْ الجواب
خلِّيك ما بين انضباط العسكري .. والهرقله=يحتار فيك اعْدَاكْ .. وش درَّاك يمكن عَضْ ناب
وان سلهمت فيك العيون .. يْمُون عُودْ المِكْحَله=أدخل عيون الناس بالمقياس تلقى النون باب
وان شفت راس -اللي يبين لك عيوبك- قَبِّلَه=كم واحدٍ غافل وبانت له عيوبه ثم تاب
وانظر بمن حولك تشوف آيات ربي منزله=ترى التدبر يا بصير القلب هو عين الصواب
واحفظ لمن يسدي لك المعروف تقدير وصِلَه=وادعي بظهر الغيب له .. عسى دعائك يُسْتجاب[/POEM]

[مراسل ثقيف]

صح لسانك شاعرنا القدير سنا الهجرة، نصائح جليلة تخط بماء الذهب
لافض فوك ولاعاش شانؤك،،

[ابو الثعالب]

صح لسانك ايها الرائع

[أبو عبدالرحمن]

صح لسانك يا ابو عبدالله

نصائح قوية والفاظ ومعاني متماسكة

الله يقويك

[كبريـــآء]

:
:
صح لسآنك
حكمه من آول بيت إلى آخر بيت
:
آعجبتني بصدق

[*شامخة رغم الصعاب*]

رائع ومبدع اخي سنا الهجرة

معاني وحكم جميلة

ويستاهل التميز0

وتستاهل التقييييم 0

[سنا الهجرة]

المشاركة الأصلية كتبت بواسطة مراسل ثقيف

صح لسانك شاعرنا القدير سنا الهجرة، نصائح جليلة تخط بماء الذهب


لافض فوك ولاعاش شانؤك،،

صح أبدانك يا مراسل ثقيف
شرفت ونورت .. الله يحفظك

[سنا الهجرة]

المشاركة الأصلية كتبت بواسطة ابو الثعالب

صح لسانك ايها الرائع

صح ابدانك يابو الثعالب
شرفت ونورت طال عمرك

[سنا الهجرة]

المشاركة الأصلية كتبت بواسطة أبو عبدالرحمن

صح لسانك يا ابو عبدالله

نصائح قوية والفاظ ومعاني متماسكة

الله يقويك

صح أبدانك يا أبا عبدالرحمن
منور دائماً .. الله يحظك
ومشكور على التمييز

[سنا الهجرة]

المشاركة الأصلية كتبت بواسطة كبريـــآء

:

:
صح لسآنك
حكمه من آول بيت إلى آخر بيت
:

آعجبتني بصدق

صح أبدانك يا كبريـــاء
منورة .. الله يحفظك