طلبناكم يبو عبدالرحمن

[منقاش]

طلبناكم يبو عبدالرحمن طلبناكم يبو عبدالرحمن طلبناكم يبو عبدالرحمن طلبناكم يبو عبدالرحمن طلبناكم يبو عبدالرحمن

قبل ساعات كنت مشغول أتفرج على كناة الجزيره وعلى المعتمر الصحفي حق أصحابي بوش واولمرت , وليتهم ما تعبوا الصحفيين ولا سوو معتمر صحفي , كل حكيهم كان كذوب في كذوب في كذوب بعضها فوق بعض مثل أكوام الزبايل أذا أضرب عنها عمال النظافه ويحسبون أن نحنا ورعان تمشي علينا أكاذيبهم وورعنتهم.
وكنت وانا أتسمع عليهم أقول في نفسي ماركة زعماء الدول في هالزمان مثل ماركة شيوخ القبايل عندنا اللي تسولف مع الواحد فيهم أشهر ويجي بينك وبينه زاد وملح ولا يفتح لك قلبه والا يعطيك كلمه واحده صادق فيها , مع فارق بسيط وهو أن رؤسا الدول تلقى كل أسرارهم عند نسوانهم وشيخ القبيله ما يطلع اللي في قلبه الا عند ورعه , لأجل كذه أذا بغيت تعرف ويش تحتك يا وغيفه تعلم حرمة الريس ولا تعلم الريس نفسه , وتعلم ورع الشيخ ولا تعلم الشيخ نفسه .
أتركونا منهم ما هذا موضوعنا ,,, العلم وما فيه أني كنت مشدوه مع معتمر بوش وخويه واستغفالهم للمغفلين , وانا فاتح فمي أتسمع عليهم دق عليه الجوال مرتين وسكرته في وجه المتصل وزاد دق الثابت مرتين وقفلت السماعه في وجه المتصل . وبعد المعتمر زاد دق الجوال الا وهو مخاوي منقاش على التلفون بشحمه ولحمه يشكي ويبكي ويلتمس شفاعتي عند أبو عبدالرحمن والمشرفين ,, ويدعي أنه أتصل بي هاليوم لوحده أكثر من عشر مرات واني كنت أسكر السماعه في وجهه كل مره .
أعتذرت منه حتى آخذ بعقله وأبغيها حيله حتى يقصرها ويوجز علومه لكن ما نفع وزاد رغيه ما نقص , ويوم شفته يبي يطولها قلت له : أسمع , تبي تقلل حكيك يا مخاوي وتعطيني علومك من آخرها والا تبي توجبني أزيد أسكر التلفون في وجهك .
رد عليه يوم شافها حمضت وقال : أنا داخل على الله ثم عليك يا شيخ منقاش أنك تشفع لي عند مشرفنا العام وبقية المشرفين يرفعوني من نجمه لنجمتين يحطونها تحت أسمي أتمتع بها باقي عمري مثلك ,, رديت عليه وقلت : أبشر , أني ابو نقشه اللي يشفع في هذي واكبر منها ويورد القول الفعل ,, ولعلمك يا مخاوي , أدري أن كنت بعد ما تدري أنه عندي عشر نجمات , ثم ادري ياللي ما تدري أني أنا اللي طلبت من المشرفين لا يحطونها كلها ويكتفون منها بثنتين تحت أسمي تواضع مني وتخلي عن جبروتي وجبر لخواطر المحرومين من النجوم .
النهايه وبدون تطويل.............
تراني ناصيك يبو عبد الرحمن وناصي بقية اعوانك من المشرفين الظلمه وطالبكم طلب بسيط وهين عليكم ,, طالبكم أنكم تاخذون من نجومي العشر نجمه وتحطونها للمسكين مخاوي منقاش حتى يسير عنده نجمتين بدال نجمه واحده , خلوه يتمجعص بها وينفش ريشه كما الديك الرومي ويكبر بها راسه , وكما يقول المثل اعطوا المجنون على قدر عقله ,, وظني فيكم أنكم ما تخيبون شفاعتي في مخاويه , وسلامتكم أنتم والأعضاء والقراء أجمعين, وعليكم السلام ورحمة الله وبركاته .

[سنا الهجرة]

سالم وغانم يا منقاش

وما أظن أبو عبد الرحمن يبي يرد طلبك بعد هذي الخطبة العصماء الصمعاء الصماء

بس عاد أنت تخبر الترقيات صارت صعبه في المنتدى ولا تجي الا بحبات الخشوم

[الفين]

اقول خل منقاش ومخاويه على جنب الدعوه صارت بالتميز شوف رقم عضويتي وانت تعرف ان الناس مقامات المفروض النجوم اللى فالمنتدى كلها تحت اسمي

[مخاوي منقاش]

اسمع يالاحول الظاهر انك اندمجت مع المؤتمر الصهيوني الامريكي مثل ماتندمج فيفي عبده في دور تمثيلي وصرت تكذب وتروج لبظاعتك فانا نصيت الرجال الي يدسمون الشوارب يامهلوس العقل والا لوبغيت النجوم من الاعداء نخيت اولمورت او بوش ويامالي من النجوم بس ابغا نجومي اسلامية0

[منقاش]

سنا الهجره : أنا مثلك أعتقد أن شفاعتي يبي يقبلها ابو عبدالرحمن , وكما يقولون الكريم ما يرد كريم مثله .
الفين : الرازق في السما والحساد في الأرض .
مخاوي : أن كنت تبغي نجمه أسلاميه خليهم يشيلون النجمه الأمريكيه الخماسيه اللي أعطوك أياها ويبدلونها بنجمه ثمانيه .
وترى سوء سلوكك يبي يتسبب في رد شفاعتي لك وتكون بسببك أول مره ما توجهني الرجال ,,, وبعدين ما أنت مثلي فاقد ابو أمجد والمشاكس , تصدق أنهم فقيده ولو أنت عندي نصيناهم في بيوتهم وصفينا ما بينك وبينهم .

[@ بن سلمان @]

مخاوي منقاش حليف و لاهو برجواك يا منقاش
الرجل مقامه كبير زهو زعيم ويشجع الزعيم عشان كذه انا كملت ملفه و لا باقي الا صورة شخصية حديثه و بدون نظارات حتى لا يتلكك ابو عبدالرحمن و اللي هو الان على سواحل البحر الاحمر ويدلل برجيلاته في موية البحر من الدفاه .

[مخاوي منقاش]

دام ابن سلمان تدخل (الاسطول السادس) فاعتبر النجمة الثانية بالمخبى وانت يابو عبدالرحمن من وينلك بحر هي جدة لازالت على بحر؟ انا لي سنين ماشفت بحر الا الي مليان فيران ومرةرحت ادور بحر ومسكت شمال جدة ومشيت حوالي 80 كلم والله ماشفت البحر والقا باب مفتوح والحارس بالغرفة مادري يصلي او يكلم ولا يردني الا الشاطي الا وكانك بلبنان وفعلا كلهم لبنانين ولبنانيات كما ظهر لي ونظرا لوجود الاولاد معي فقد عدت ادراجي وانزلت اولادي بالشقة ورجعت لكي انكر عليهم بيدي فالم استطع فبلساني ولكني لقيت الباب مسكر ويوم جاني الباكستاني قلت ابي ادخل مثل مشوين قال انت فيه يولي ولا اكلم عمي قلت لا اولي 0

[@ بن سلمان @]

سبحان الله اللي سخر لك الباكستاني
يا اخي احمد ربك النظرة الاولى لك و الثانيه للشيطان
انت ما تذكر في وحده من خطب منقاش كان يوعظنا عيالك ثم عيالك ثم عيال ابليس

[أبو عبدالرحمن]

طلبك غالي وأنت غالي ياغالي !

لكن هذه تسمى رتب ..يعني ما فيه واسطة...ولا يمكن أن نضع شيء حتى يتعدل نظام الرتب!!!

وللتوضيح مع النظام الجديد:. العضو الذي مشاركته أقل من 10 نجمة. واللي أقل :300 نجمتين واللي أقل من 500 : 3 نجمات!! وهكذا...هذا اللي وضعناه!!

[أبو عبدالرحمن]

مبروك لك يا منقاش الـ 3 نجمات
ومبروك للمخاوي الـنجمتين..

ومبروك لابن سلمان الـ 6 نجمات..