قصيدة دينية

[فارس بني حميد h-h]

قصيده ناخذ منها الفوايد والحكم
هاذي معلقة يابو وليد
ولابد يكون الشعر من هذا النوع

ماقصرت

[ابو انس]

صح لسانك يانسيبي
كلمات من ذهب
وفيها الحكمة والارشاد
والخبرة
ــــــــــــــــــــــــــــــــــــ
الاجودي ماحب للغير تذليل=والنذل يرضى لسامي الروح كرها

صح لسانك شاعرنا المتمكن

[حسن حامد]

المشاركة الأصلية كتبت بواسطة خلف بن عبدالعزيز الثمالي

بسم الله الرحمن الرحيم


قصيدة مقدمة ومهداه إلى ابني / وليد بن خلف بن عبد العزيز وإلى جميع الأبناء حفظهم الله

[frame="1 80"][poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
بسم الله الرحمن مهلـك هـل الفيـل =قوم ابرهه الأشرم ونـاوي حجرهـا
سبحانه أرسـل لـه طيـوراً أبابيـل =ترمي أبرهه والقـوم جاهـا قدرهـا
والحمـد لله عـد مـا سيـلٍ يسيـل =وإعداد مـا دارت وكمّـل شهرهـا
الخالق اللي أنـزل الـروح جبريـل =على أحمد بمصحف ليهـدي بشرهـا
اللي جعل ثنتين مـن بعـد تحصيـل =وحـده نعيـم وثانيتـهـا سعـرهـا
ثم الصلاة مليون مـن بعـد تهليـل =على النبي المختـار للـي نشرهـا
من بعدها يا ابني استمـع للتفاصيـل =وأبيات أبوك العود لأجلك سطرهـا
اعمل بها وأخبر بهـا اللـي مباتيـل =الجاهليـن بصفوهـا مـن كـدرهـا
ما جربوهـا مثـل منشـي التماثيـل =اللي عرف وش هي من اللي فطرها
هذا وأنا محدٍ نصحنـي مـع الجيـل =اللي مضى يوم إني أطـرد غبرهـا
لكن قبل أرسل لـك العلـم ترسيـل =شب الحطب واحذر يصيبك شررهـا
واجعل على طارف لهبها الجراميـل =من سمْرها وإلا قرض هو وجرهـا
حتى ليا احمر القرض عنّهـا زيـل =كُبر القـرم حتـى تسـاوي قررهـا
قرّب لهـا كـل المـون والمعاميـل =مـن بـن وإلا هيـل وإلا صفرهـا
وإلا عويدي إن فاح وسط الفناجيـل =واحذر من الجذوه تحـرّق هررهـا
فنجانها خلّـه يجـي نصـف تكييـل =لا تطفحه بالكيف يـا بـوك شرهـا
وفلل قلمـك بسايـل الحبـر تفليـل =واكتب على بيض الورق من دررها
الأولـه مـد النـظـر والتخايـيـل =اطلق عنـان الفكـر ناظـر قمرهـا
وانظر يا بوك بـدون صـدٍ وتكليـل =نجم السما اللي شع حلـى سهرهـا
انظر شجرها كيف سـوى مظاليـل =والرعد هو البـرق والمـزن ترهـا
رد اهتمامـك بالبشـر والمراسيـل =ذيك الرياح وقـوس يتبـع مطرهـا
وأنظر لذيك الشٌمخ والفُطّـر الحيـل =والطير هو والحوت ناظـر بحرهـا
ما الله خلقها مـع جميـع العباديـل =مع جنّها لعبـه لمـن هـو شبرهـا
الله خلقـهـا للعـبـاده وتجـلـيـل =ربـك وتسبيحـه لأنــه سبـرهـا
والثانيه الإيمان مـن سـت تكميـل =علم بها جبريـل وأحمـد ضمرهـا
وأعرف ترى الإسلام من غير تطويل =أركانـه الخمسـة نبيـك ذكـرهـا
صل الفروض الخمس من دون تأجيل =هاذي عماد الدين يـا مـن ظفرهـا
والحج فرصة وحظ من نـال تقبيـل =هاك الحجـر وذنوبـه الله غفرهـا
وشهر الصيام أغنمه ذا شهر ترتيـل =ترتيل قرآنلـه اغنـم ليالـي وترهـا
وأخرج زكاتك والتصدق من الميـل =وأفزع لنـاسٍ جـوك خلـو ديرهـا
هذا وللإحسـان يـا بـوك تفضيـل =إليـا عبـدت الله بنهـار وسحرهـا
كنك تـرى الخـلاق عنـد التباهيـل =وإن ما تشوفه شـاف دارج وعرهـا
بالليـل صـل وادع رب البلابـيـل =ترى الدعاء مـخ العبـادة وظهرهـا
والصبر ما أحلى الصبر عند البهاذيل =جاك الفرج بالصبر ولّـى عسرهـا
واتق إلهك وأحـذر الظلـم والغيـل =الظلـم ظلمـة لظالـمٍ مـن بطرهـا
تاج العمل إخلاص من بعـد توكيـل= اخلص وتب واعزم خوادعك ذرهـا
ما صح غير الصـح وإلا الأباطيـل =ترجع على راعي الخطا من خطرها
والثالثـة الأهليـن مـن دون تدليـل =بـرك بهـم والأم قـبِّـل مـدرهـا
حتى توفـق عـل دربـك تساهيـل =رضا وسخط ربك رضاها وضجرها
من بعدهم بوصيك بأهل المواصيـل =جار ورحيم احـذر تقطّـع جسرهـا
والرابعه يابـوك مـن ذي التعاليـل =أخلاقك الزينه ومـن هـو ذخرهـا
مع التواضع ترتفـع فـوق شهليـل =والله يحبـك قبـل حبـك خيـرهـا
تحصل مع أخلاقك ومن غير تشكيل =على الطلب ما ناله اللـي خسِرهـا
وإلا التكبر شيـن مـا فيـه تبجيـل =مكروه عند الناس ما هـو بنظرها
والخامسة الضيفـان ويـا المداهيـل =ناسٍ تزورك يـوم لا شـك زرهـا
حـي بضيوفـك واشعلـن القناديـل =ترى الضيافه خيـر تلقـى أجرهـا
لا تختفي يابوك لـو جـاك هابيـل =وإلا بعـد قابيـل قـدّر جـررهـا
قابل وحط اللي معك وانت حلحيـل =لا ترسل ابنك لجـل يقطـع دبرهـا
مال البخيل يروح بعـد المحاصيـل =وإن مد لـه مـولاه يـده اختبرهـا
خلك غيور وحس من غيـر تهويـل =للغيره إن جـت حـد للـي يغرهـا
لا تنعكس بك شك بأهـل المنازيـل=ولياك تجلب هـرج يجـرح وقرهـا
والسادسه يالليـث علـم الرياجيـل=الأجـودي والنـذل اسمـع خبرهـا
الأجودي واسمه من الجـود كالنيـل =والنَّذْل هذا اسمه حصل من قشرهـا
الأجـودي نـوٍ تلـتـه الهمالـيـل =والنذل جدب أمحل ثراها وشجرهـا
الأجـودي يعطـي بحـبٍ وتجزيـل =والنذل يبكـي ليـن يعطـي حقرهـا
الأجودي الأجواد صوبـه مداخيـل =والنذل ينصاه الشبـه مـن دشرهـا
الأجودي ينـدى ليـا جـاه ولويـل =والنذل ما قد نـد وجهـه لمضرهـا
الأجودي وافي من أهـل المعاديـل =والنذل مـا يوفـي وناسـه غدرهـا
الأجودي ما ينكـر العيـش صمليـل =والنذل ينكـر بعـد بطنـه عمرهـا
الأجودي مـا حـب للغيـر تذليـل =والنذل يرضى لسامي الروح كرهـا
الأجودي مـا قـد تشفـى بمعاليـل =والنـذل يشفـى ثـم يتبـع أثـرهـا
الأجودي ما هو براعـي المهازيـل =والنذل يوذي لين يعـرف ضررهـا
الأجودي ما هـو براعـي النواقيـل =والنـذل ينقـل بعـد ربـك سترهـا
الأجـودي مـا يتبـع أم الخلاخيـل =والنذل يبرم حـول باحـة خدرهـا
الأجودي ما يخـدع أهـل المفاتيـل =والنـذل ايـات المنافـق حصرهـا
الاجودي يدمح فـي دون المكاحيـل =والنذل من مزحه كراعـه قصرهـا
الأجودي مثل السيـوف المصاقيـل =والنذل حلشـا مـا تعـدت ثمرهـا
الأجودي يحسب حسـاب النوازيـل =والنذل ما يحسـب بـلاوي دهرهـا
الأجودي استح منـه عنـد المقابيـل =والنذل جنّـب عنـه يلقـى حررهـا
أحر مـا عنـد أجـودي بالكلاكيـل =تراه الأبـرد عنـد نـذلٍ حضرهـا
والختم صلـوا بعـد مليـون تهليـل =على النبي المختـار للـي نشرهـا
الأجودي واسمه من الجـود كالنيـل =والنَّذْل هذا اسمه حصل من قشرهـا[/poem][/frame]

تحياتي
أخوكم الشاعر / [glint]خلف بن عبد العزيز الثمالي[/glint]

صح لسانك ملاييييييييييييييين يا ابو وليد
قصيده جزله من راعي الجزاله
حكم وعبر ومواعظ
دمت بخير

[الريم]

صح لسانك على هذه الرائعه الجميله
والتى تستحق الاشاده والأطراء من الجميع
وننتظر من نبعك الصافى المزيد

تقبل مرورى

[شبيه الريح]

صح لسانك يا ابو وليد ابدعت في نسج هذه الأبيات الطويله
التي صغتها لنا بلمستك الشعريه الخاصه بك
(( فأنت من القله الذين نشهد لهم تنوع في مواضيع اشعارهم ))
دمت لنا شاعرا نفخر به

[ماجد]

صح لساااانك ياوليد
قصيده جميله

[سلطان الثبيتي]

قصيده الحكمة
مايجيبها الا حكيم

صح لسان يابو وليد

[مهنا الثمالي]

صح لسانك ياابا وليد قصيدة جيده

تستحق الشكور لها وانت شاعر نضم كبير ونتمنى نشوف جديدك وفقك الله ياابا وليد

اهدء من \ مهنا حماد الثمالي

[روعه]

صح لساااانك ياوليد
قصيده جميله

[خلف بن عبدالعزيز الثمالي]

النّاقد المحترم/أبو عبدالمحسن
أشكرك على المرور,والرّد الجميل
والنّقد الأجمل .

دمت بخير,وعافية