الطائرة طارت

[عوض بن سلمان]

الطائرة طارت الطائرة طارت الطائرة طارت الطائرة طارت الطائرة طارت

السلام عليكم ورحمة الله وبركاته
من ايام جيت للرياض ولاول مرة اركب فيها الطايرة
اول ماجيت الرياض كنت فيها حول الاربعين مع سواق للصحة وكان طريق الرياض مسار واحد وجيته قبل سنتين في نزهه ولمست الفرق بين المرة الاولى والمرة الثانية , وامس جيتها عن طريق الجو

[POEM="type=1 font="bold large Arial, Helvetica, sans-serif""]بسم الله الرحمن واجب كل يوم = واجب فوقت الليل واجب ف الصبح
الطائرة طارت ملت قلبي هموم = وان وقعت زادت ملت قلبي فرح
انا عزمت وزادني ربي عزوم = ما كني الا راكب فوق الشبح
مريت مابين السحابه والنجوم = ما كني الا امشي مع الحزم البرح
وانا من رجال ليا جات اللزوم = سحاقة البارود من ذاك الملح
اللي ليا هبت عليهم بالسموم = ما فكرو فاللي صلح واللي طلح
مسكو حدود بلادهم حتى تقوم = واللي يقوم بحملته ما ينسدح
تسلم يا بو متعب عسى عمرك يدوم = ياخادم البيتين يالوجه السمح
يارافع الرايه على شعبك عموم = بالدين والحكمة وشرع الله نجح
حامي وطنا لا خصوم ولا هجوم = من فارعة جيزان الى فارع رفح
ياحامي الشعب الرحوم ابن الرحوم = اقولها منجد ماهي بالمزح[/POEM]

[أبو عبدالرحمن]

صح لسانك يا شاعرنا

والنعم فيك يا ابو شرف

قصيدة يحق لنا أن نفخر بها

[الشيهان]

صح لسانك يابو شرف
ونعم بك وبكل من ياتي بمثل هذا الجمال
والله يعطيك العافيه في حلك وترحالك
وترجع بالسلامه ان شاء الله

[عوض بن سلمان]

المشاركة الأصلية كتبت بواسطة أبو عبدالرحمن

صح لسانك يا شاعرنا

والنعم فيك يا ابو شرف

قصيدة يحق لنا أن نفخر بها

وصح بدنك وما عليك زود

[عوض بن سلمان]

المشاركة الأصلية كتبت بواسطة الشيهان

صح لسانك يابو شرف
ونعم بك وبكل من ياتي بمثل هذا الجمال
والله يعطيك العافيه في حلك وترحالك
وترجع بالسلامه ان شاء الله

وصح بدنك يا شيهان
والنعم بحالك

[سنا الهجرة]

شاعر مخضرم وشعرك له نكهة خاصة
صح لسانك يابو شرف وعساك على القوة

[النادر]

نص راقي وبحر موفق

العرب من اول تحدى للهجن وتغير الحال فاخترت الطرق نفسه الحدا لوسيلة النقل الجديده

وتذكرني بـــ

الجمل يهدر وانا شارد ...........

صح لسانك وعلا شانك والحمد لله على سلامة الوصول

النادر

[ابوسيفين]

صح لسانك ياخالي ،،، لشعرك مكانه خاصه في قلبي لايضاهيها سوى مكانة شخصكم الكريم 0

[ابو عادل]

يأبى الشعراء الكبار إلا أن يستغلوا أي وضع يخرج عن المألوف لديهم
فيعبرون عنه شعرا
صح لسانك.

[خلف بن عبدالعزيز الثمالي]

شاعرنا الكبير/العم عوض بن سلمان
الحمدلله على سلامتك حين صعدت الطّائرة
وحين نزلت منها,بالرّغم من أن الأجواء في ذلك
اليوم كانت متقلّبة,ولكنّ الله سلّم ولطف.

حفظك الله