( ثرمده ) من هنا وهناك 7

[أستــــــــــاذه ملاك]

المشاركة الأصلية كتبت بواسطة H Y T H A M

البرد كسمر عظامنا - الله المستعان - بجامه داخليه وبجامه خارجيه وفوقهم فروه
والشراريب ماتزحزح من الكراعين - نجد بردها برد وحرهآ حرر .!

الوكاد الطايف هالسنه جاهم برد غيررر
الوآلده الله يحفظها تقول من زمآن ماجانا كما هالبرد ياولدي ماغير متكهملين في البطآطين
الله العالم المنآخ تغير عن أول بوآجد .!

أشوفك مطلع على الشأن السياسي - الرياضي رغم فترة الغياب
وش مصآدرك غير النت - خليني أنتفع منك كود الله يفكنا من الجلسه قدآم هالمزغور .!

أولاً : الحمد لله على سلآمتكـ يالمنديالي ألف لابآس عليكـ << من زمآآآن عن الهرولة والهجوله ..



ثانياً: قلت مابثرمد لحد ماتنتهي الإختبآرات .. << جآلسه أقرأ كل واحد وثرمدته شدني رد هيثم .. قلت بسجل دخولي وأكتب قبل تطير الطيور بأرزاقها







قلت لازم أترجم الكلمات الثمالية لغير الناطقين باللغة العربية







ترجمة الكلمآت التي بالأحمر والتي تحتها خط



:

الكراعين : جمع كراع ويطلق على الرجل بكسر الراء وتسكين الجيم
سواء كانت لإنسآن حيوان جمآد بلاد << لا لا بس إنسان حيوان .. ومن خبرتي بالنت أهل العراق عندهم أكلة اسمها ( تشريبة الكراعين ) ومن ضمن المقآدير ( كراعين خروف ) << أم البراءة ..
وهي تسمى حالياً : كوارع وباللغة الإنجليزية BIGMOUTH

كمآ : مثلُ ذلكـ .. أي بالأوردو سيم سيم صديق ..
أو كما يذكر كبآر السن كماها : أي مثلها

متكهملين : كهمل يتكهمل تكهملا.. أي تغطى وغالباً مايطلق على التغطية باللحاف الثقيل ..
وعندما يزعل الشخص ويدخل غرفته يقآل : دخل غرفته وتكهمل ..<< أحس انها كلمة فارسية هع

البطاطين : في بداية الأمر أحسبها البطاطا .. ولما قلبت الألف إلى ياء وأضيفت النون شك الراوي

وهي مايغطى به كمآ ذكرنا سآبقاً
لن نعيد

المزغور : ( عندي إحسآس أنها تطلق على أخواننا تف تف بسم الله علينا ... وفي بعض الاحيآن أحس انه اسم اللي هكر إيميلي ودخل المنتدى باسمي ملآك الروح ..<< الله لايعطيه عآفيه .. عشآن كذا قلت مستحييييل ارجع لمعرفي القديم ..وبدلته بذا الاسم )

المهم المزغور بالعادة تطلق على الطفل الكثير الشقاوة ..
وعندما يدعى عليه يقولون ( عسآكـ بالزغرة أهجد )

سأضع مقطع يوضح ذلكـ ولكن قبل الدخول والمشاهدة أقرأ الفاتحة سبع مرآت .. وسورة البقرة إن أمكن .. < صآدقة في هذا الأمر لأن سورة البقرة .. أخذها بركة و تركها حسرة و لا تستطيعها البطلة.
المشهــــد ::
[youtube]LsPzBhdmeFo[/youtube]

إن أصبت فمن الله وإن اخطأت فمن نفسي والشيطآن

ملاحظة : المصدر من جهآت عليـــا موثوق بها
لهــا خبرة بعلوم العرب 40 عامـــاً

لي عودة للثرمدة .. << موقف مر في بحيآتي لا أنساه

أنتظروني

[أبو رامز]

حياك الله يالمونديالي عودا حميدا
يا حبي لسواااااااالف الشيبان ههههههههههههههههه
الله يكون في عون المتكهملين والمتلفلفين في البطاطين
الحين اتأثر من اجوائكم واقوم اطفي المكيف!!
ذبحني البرد!!
خخخخخخخخخخخخخ
ما علينا...
طلع العراااااااااق آخر العرب والحمد لله
الحين نثرمد عن السياسة وإلا نرجع لدكة ابو مهند
اللي من كثر السوااااااالف والثرمده والقصايد اللي ما تخلص تصدعت!
أخاف نثرمد سياسة وتنقشع الدكة!
ههههههههههههههههه

[المنديالي]

المشاركة الأصلية كتبت بواسطة @ بن سلمان @

حياك الله أيها المثرمد المثرمت
ما أبطى من جاء ولو إني شفت تحركات لأبي مهند أقلقتني لكن حلوة تصريفتك له للمنتدى الرياضي
كريكاتير حلو ولو إني لا أجيد قراءته بقدر ما يزعجني تعبير الشارع العربي والشارع الرياضي وكل هذه الشوارع ما لها غير تفسير واحد هو الفوضى والغوغائية

أشوف اللي يبنون في الجدار ما بقى عندهم إلا ست بلكات وما أدري هي تكفي وإلا لا

يامرحبا ترحيب كبير

الثرمده لاتحلو الا بصحبة الخيرين امثالك فمرحبا الف

ضحكت البارح يوم شفت ردك على موضوع الدكه هذا لين اللي يشوفني يقول المنديالي انهبل

يا فتان تبغى تخرب بيني وبين ابو مهند هاه

قريتله رد انتبه فيه ابو مهند لعملية اشعال الفتيل فكان كما توقعت منتبه ويعرف اللي بيخربون لكن يبدو اننا سنعمل بطريقة العصابات الله ييكفينا شرها اذا احسو بالخطر مايفكرون الا بالتصفيه لكن المصيبه مانقدر نصفيك راح علينا مجنونها فما معنا الا نتحمل ونحاول نحاصرك فكريا ..... ويكفي هنه لا اجيب العيد .


الشارع اذهب معك بان التعبير مبتذل ويبدو لي والله العالم انه وصف دخيل علينا فلما لايقال الشعب مثلا لا اعلم ولكن يبدو ان الغرض منه ان يقابل كلمة العامه مقابل كلمة المثقفين مدري يمكن .

وبعدين يبنون ولا يقعدون بيغلق الطوب واضنه مايكفي لكن اضنهم بيحطون فوقه اسلاك شائكه ولو اراحو انفسهم وفعلو مثل عمر بن الخطاب رضي الله عنه في القصه المشهوره عندما اتاه رسول كسرى يبحث عنه فوجده تحت الشجره فقال ( عدلت فأمنت فنمت ياعمر ) .

[ABO TURKI]

المشاركة الأصلية كتبت بواسطة أستــــــــــاذه ملاك

المشهــــد ::
[youtube]LsPzBhdmeFo[/youtube]

ههههههههههههههههههه
وربي رووووووووووعة هذا من جد مو ورع شكله جني بسم الله علينا
وأحلى شي يوم حط رجله ابو الشباب ما ينشره والله لو اني مكانه كان انسخطت مكاني
ههههههههههههههههههههه

[أبو عبدالرحمن]

حياك الله أخي المنديالي

الحمد لله على السلامة..أجر وعافية

وسعدت بطلتك ونشاطك

[المنديالي]

المشاركة الأصلية كتبت بواسطة وآثقة الخطى

يــآهلا يالمونـديــالي .. الحمدلله على ســــــــــــــلامتكـ

وبجد افتقدنــا للثرمــده ..

وكنا نبغى نسوي لك مفاجأه.. نفتح قسم جديد اسمـه الثرمــده بس خفنا تبطـي وماتجـي وتخرب المفاجأه <<< ^_^

آآآخـر الغيبـــــــــــات يـــآآآرب ..

وان شااء الله ترجع بصحـه احـلى من أول ... وبنــشاط اكـــبر ..

يعطيكـ العــآفيه ..

يامرحبا ببنت العم

الله لايجعلكم تفقدون غالي كلاتكم يا اعضاء موقعنا السعيد بكم وبتواجدكم

اما انكم تسوون قسم ثرمده .... لاوالله الا احتسنا وبيطردنا ابو عبدالرحمن هو يالله الخراج معه والموضوع واحد كيف اذا كثرت ..

وبعدين تعالي

انا ومثرمد لكن مثلك انتي وملاك والسنافيه وكتاباتكم اللي تخلي الواحد يحلق في سمى الابداع وين نوديها ........ قريت موضوعك اللي حط رابطه ابو خوله ( صديقي الدود ) بصراحه دمعت عيني جعلك الله قرة عين لوالديك وبمثلك فاليفخر الاباء .

[@ بن سلمان @]

المشاركة الأصلية كتبت بواسطة ابومهنـــــد

حياك الله يالمنديالي حيالله رئيس الحزب يامرحبا ترحيبة مثنية..

وأجر وعافية وعسى الصحة تمام.؟

صراحة شهادتك للموضوع الدكة اعتبرها وسام تميز..
ولاتنسى ان الموضوع الدكة كان امتداداً من مواضيعك الشيقة يعني
الربع الي لنت خابر يبوون ينشبونها بيني وبينك انا خابرهم ولذالك لوتلاحظ
كتبت باول موضوع الدكة (امتدادا لمواضيع المنديالي)يعني حفظاً لحقوقك بلكتابة
كتبنا ذالك<<يعني امثال ابن سلمان<<جساس>>وابوتركي لاتخليهم يخربون حزبنا
وانا اخوك..هؤلاء يعتبرون حاقدون لنجاح الحزب وتقدمة في المنتدى.!!

وصراحة وانا اخوك مو انا الي افتقدك الا المنتدى كامل كان يبحث عن المنديالي<ياحبني لك
عموما فكرة نقل موضوع الدكة للرياضي فكرة سديدة في محلها ولو ان بعض الناس حاول يجعل
من فكرتك عقبة بيني وبينك لكن انا مؤيدللفكرة وموااصل رغم كثر المخربين للحزب..

المشاركة الأصلية كتبت بواسطة المنديالي

يامرحبا ترحيب كبير
الثرمده لاتحلو الا بصحبة الخيرين امثالك فمرحبا الف
ضحكت البارح يوم شفت ردك على موضوع الدكه هذا لين اللي يشوفني يقول المنديالي انهبل
يا فتان تبغى تخرب بيني وبين ابو مهند هاه
قريتله رد انتبه فيه ابو مهند لعملية اشعال الفتيل فكان كما توقعت منتبه ويعرف اللي بيخربون
.

ما شاء الله تبارك الله عليكما
رغم تحركات أبو مهند في الأسبوعين الماضيين ونشاطه أثناء غيابك والذي أعتقد أنك تخفي وراءه أمراً إلا أن كلاكما يسيس للآخر من خلال ردود الأفعال على هذا الموضوع ويفرش له الطريق بالورود لنهاية تريدان من خلالها الخروج بأقل الخسائر عكس الأحزاب في لبنان متناحرة وإن أظهر بعضها الأصطفاف مع بعض وهذا يجعل يدي ممدودة إلى جانب أيديكما طالما الوفاق هو الظاهر

[رفيق دربه]

ألف ألف ألف الحمد لله على السلامة
ماتشوف شر بإذن الله
أستمتعنا بكل ثرمدة طرحت وعســــــاااك دووووم بصحة وعافية
متابعين وبعنف لكل ماهو جديد يالمنديالي@
ولاهان أبومهنـــــــد؛؛؛
دمتم بألف خــــــير

[ساعدي وافتخر]

الحمدلله على السلامه يالمنديالي

وماتشوف شر


ومتابعيـن للثرمده الممتعه والشيقه


بروح أتكهمل في البطانيه عن البرد خخخخخخ

[وآثقة الخطى]

المشاركة الأصلية كتبت بواسطة أبو خولة

يا قو قلبك يا منديالي قواه..
كل هذي المدة ولا حتى تطل علينا ولو طلة..
تصدق أني كل ما حاولت أبتعد وأغيب لظروف متطلبة مني..
أأجلها وأقول خلها وقت ثاني..!!
هذا وأنا دخلت المنتدى بالصدفة..ومن غير معرفة لأحد بالمنتدى..!
فمن خلال تصفحي للمنتدى أعجبت بقصيدة لأبو عبداللة (سنا الهجرة)
استمريت اتابع قصائده وبعض المواضيع المتفرقة على فترات..
قررت بعدها أن أسجل بالمنتدى حتى أشكره على قصائدة..

وبعد قراءتي في رمضان لكتابات واثقة الخطى
وخصوصاً هذا الموضوع
http://www.thomala.com/vb/showthread.php?t=64349

أصررت على أن أحاول بأي طريقة أن أسجل بالمنتدى..فساعدني أحدهم في أستعادة كلمة المرور
وكانت نيتي بس الشكر للكاتبة والشاعر وبعض أصحاب المواضيع الهادفة
وما أدري إلا وأنا مغرز بالمنتدى ما قدرت أبتعد عنه..!
تعلمت اشياء كثيرة..واستفدت فوائد عديدة..
كلها بإجتهاد شخصي..!

السلام عليكم ورحمة الله وبــركـآته
أبو خوله ~ يـشرفني ويــُسـعد قلبي أن أسمع هذا الكــلام من كـاتب قدير مـثلكــ ..
ولي الفخـر بـ أن تكون أحد المـتـآبعين لأبجديتي ..
فنحـن منكم واليكم .. ولولا الله ثم تشجيعكم .. لما عـشقنا نزف القــلم ..
فلا تفكـر في المغيب او الإنـقطاع ..
قم بما لك وبما عليكـ ثم عود الى هنــا ..
دع المنتدى في وقت فرآغكـ للترفيه ع النــفس .. وإذا انقطعت اجـبارياَ وليـس اختيارياَ .. فـستجد مقعدكـ محجوز لكـ كمــا هو .. مثل ماخلينا مقعد المونديالي محجوز لحد مارجع لنا بالسلامه الحمدلله

والله ياأستـاذ في أحد المنتديات قال لي عـضو مثل كلامكـ .. كنت كاتبه خـاطره تقريباَ عن الأم او شئ زي كـذا .. فيحـق لي ان أشعر بالفخـر مدام لقلمي مـعجـبين مثلكم ..
لذلكـ أحـرص عـادة على أن تكون خواطـري دينـيه . توعويـه . من الفطره عن الأم الأب ..
فـ أنا اخـشى ان أكتب خواطر عاطفيه واسترسل بالكـلام دون وعــي ..وأخذ وزري ووزر القــارئ ..
وسأحـاول جـاهدة على أن يتـسم قلمـي دومــاَ بالبراءه ..
وأحمد الله ان نـالت كـلماتي على إعجــابكم ..

واللهم إجعل قلمـي لايكتب الا مـايرضيكـ يـــآآرب ..

وهـذه الخـآطره بالذات شفتها باأكثر من منتدى
بس نـسبوها الأعضــاء لنـفـسهم
يعني بس تكتب عنوان الخاطره بقوقل تـشوف انواع السرقـــات ^_^
في وحده كتبتها بس مو بقلم الأعضاء .. كتبتها بالمنتدى العام وتركت اسمي تحتها وقالت ممـا رآق لي
<<<جـبرت بخـاطري يعني خخخخ
لذلك دائم لما أكتب خاطره عن فلسطين بالذآت اكتب تحتها عبارة لا أحلل النقل دون ذكـر المـصدر
لأن هذا النوع من الخواطـر ع طول ينتـشر بالمنتديــات

وأولاَ وأخـيراَ

شكـراَ لكـ على كلماتكـ التي زادتنــي سروراَ وثــقه ..
حفظكـ المولى وأدامكـ ورزقك فوق ماتتمنــى