ابومفكات مجددا ,,,,,,,,,

[مآ آقبل آنصآف آلحلول]

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

سلام من راسي وراسي في المواقف مايبور
واللي معه عمله تزور لايبيع ويشتري
ادور الدر الثمين اللي من اعماق البحور
اللي يجملني مع العالم ويشرح خاطري

[/poem]

المشاركة الأصلية كتبت بواسطة حسن حامد

يامرحبا جاتك ومعها صوت بارودٍ يثور***فالمنتدى اللي بالرجال ومعرفتهم ينطري

كنت احسب إن المايله جات وعشمها فالظهور***آلين قالولي معه علمٍ تصبر واحتري

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دام البقا بك ياحسن والقلب يغشاه السرور
واهل القصيم موردين التمر واحلاه السري
العلم لاهل العلم والوسواس باقفاص الصدور
مانالها عنتر ولد شداد بعد البحتري
[/poem]

المشاركة الأصلية كتبت بواسطة حسن حامد

ماسرك الليله سوى شيٍ على جمرٍ يفور ***مير العطل منك ولا شفناك الى مزدري

قدمك بحر به قاع غاوي وانت من حوله تدور *** يابو مفكات الرجال النايفه ماتفتري

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حسن ولد حامد بدا يلعب وينبش في القبور
زرعت فيه الطيب مير الطيب عيا يثمري
يابلشة العقال في الخبلان والميسور سور
العين تسهر والضمير الحي من ذنبه بري
[/poem]

المشاركة الأصلية كتبت بواسطة حسن حامد

ماكنت عاقل يوم انا بين الفطاحل فالقصور *** ماخذ الدنيا خبيط وعلو صوتٍ منبري

احلها واملها مابين صدري والشعور *** ياصاحبي دامي مشيت انصحك تاخذها جري

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوجد روحي يالرجال اللي لها قلب وشعور
اللي ليا ربي بلاها بالمصايب تصبري
يامكبر الثيران في الاحجام والعقل محَصور
مير المصيبه كل ماحداها تقوم تغبّري
[/poem]

المشاركة الأصلية كتبت بواسطة حسن حامد

ياحيف عثرات الزمن توشم على جسمك امور ***ماعلّك الى من زمانٍ قد خلابك يستري

تصبح على جورٍ وتمسي مع رجالٍ ماتجور ***والمشكله انك ماتدور في النقيصه من ثري

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضيعت قدرك ياحسن بين الصواني والقدور
وانته تصيح امرار بعد امرار ثم تصفّري
يامنطق البكما طلبتك وانت رحمن غفور
الا تؤاخذني بما سويت لاشاب شعَري
[/poem]

المشاركة الأصلية كتبت بواسطة حسن حامد

لا شاب شعرك يارفيقي لاتدور فالحظور ***اللي يحقق ما اشتهيت ولا بغيته يندري

ترا الحمار الي يناهق ينلعط لاجا يدور ***وانا يديني قاسيه وانته ترا عظمك طري

المشاركة الأصلية كتبت بواسطة ابومفكات

[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اسمك مسجل في الكتاب وبان من بين السطور

وغرقت من وبل الخيال وبالسحاب الزبّري
اعرف بلاد الهند واهل السند من ماضي العصور
والناس واحد يهدم الحله وواحد يعمري

[/poem]

صح لسانك يالشاعر حسن
وصح لسانك يابو مفكات

محاااورة جدا جميلة
امتعتونا ولا تحرمونا
من وجودكم
فنحن ننتظركم