أقرب ياالشيهان(نستجلي الموقف

[ابو عادل]

أقرب ياالشيهان(نستجلي الموقف أقرب ياالشيهان(نستجلي الموقف أقرب ياالشيهان(نستجلي الموقف أقرب ياالشيهان(نستجلي الموقف أقرب ياالشيهان(نستجلي الموقف

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام ردية صفا وتعفّ عن لغوالكلام=من صدقها نسبق بها باقي العلوم الثانية
شفناك ياالشيهان في وكرك وردينا السلام=نستجلي الموقف معك في يوم والاثانية
[/POEM]

[الشيهان]

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/23.gif" border="double,4,black" type=2 line=0 align=center use=ex num="0,black""]يامرمحبا يالشاعر اللى جاي من وسط الزحام=نفسي لكم ياصاحبي والله ماهي شانيه
من بعد رديت السلام ابشر بعزك والسلام=عيني تشوف اقلوب وسط اضلوعها المتحانيه[/POEM]

الله يستر من هذي الطرق

[ابو عادل]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عل البقا يااللي ترحب بي على حسب النظام= وان سارت الاقدام فالطرقة مهي متوانية
الأمر لله والمواقيف العظيمة للعظام= وانته بعينك تلتفت للقاصية والدانية
[/POEM]

[الشيهان]

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/23.gif" border="double,4,black" type=2 line=0 align=center use=ex num="0,black""]الشيب مايبدي براس الطفل في وقت الفطام=لاتتعب اقدامك ترى دنياك دنيا فانيه
اليا جلس راعي العقل في جنب حاكم مايضام=يعطيه شور يمجده ويعيش عيشه هانيه[/POEM]

[ابو عادل]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان كان ودك بيتك يعمّر معك تسعين عام=احسب حسابك فالبنا ماكل طوبة بانية
أيام اورّدها الروى وايام اصدّرها حيام= وارجع واقول العلم من شانك مهو من شانية
[/POEM]

[ابو عادل]

ترى توقيعك يخوف ياالشيهان
يوم اشوفه أقول رد عليه بخمسة أبيات
زين سويت يوم شلته.

[مشاكس]

ولول ولول
يهبو وش مسريكم
فهذا الليل وروغات الحيل
لكن مالكم الا من يقشقش لكم
وتروحون ترقدون
يا مدير اندرهم وصكك البيبان

[ابو عادل]

ياالله مساخير وفال خير
انت منين طالع فهاالبرد ؟
روح بفتنتك عنا بعيد تراهم يحترونك في الاستراحة بالعشا
وحنا لادعيناك ولافرحنا بجيتك.

[الشيهان]

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/23.gif" border="double,4,black" type=2 line=0 align=center use=ex num="0,black""]بيت الصقور معمرا ينطح براسه فالغمام=وانا ليا غنيت يامكثر طروق الحانيه
افطر نهار العيد وليا صمت في وقت الصيام=واعرف تفاسير المعاني لو لغتك المانيه[/POEM]

[الشيهان]

مشاكس حظر هي ناقصه مانتخارج من ابو عادل نطيح في مشاكس الله يعين راح الشيهان وين الفراعه