نقاش مع اخواتنا وبناتنا فقط

[حامل المسك]

نعم نحن نطالب بمنع هذه المعرفات النسائيه والمعرفات الرجاليه المتميعه من المشاركة في هذه المواضيع السخيفة أو المشاركة بها


تركت من مشاركتك ما يمكن الاستفادة منه حول الموضوع رغم إن من يدير الحوار قد انتهى من موضوع المعرفات حسبما أوضح بمداخله سابقه .
ولكن لعل ورودها ضمن موضوع المشاركات يجعلها مقبولة
. نعيد ونكرر من يريد المداخلة فليكن ذلك حول الموضوع وما يتطرق له ومن يريد إخراجنا من الموضوع سيتم التعامل معه بحزم .
........................

أبو نايف

[منقاش]

الزبده : الناس تختلف وجهات نظرها , حتى ألأخوان في البيت الواحد يختلفون , لكن حل الخلافات له مرجع وهو ديننا , وبعده ما فيه مرجع ثاني .
والخلاصه , أن عناوين الحب اللي تطرح في منتدى محترم لقبيله محترمه يكتب فيه الرجال والنساء والفتيان والفتيات ثملان وغير ثملان , ماهي من آدابنا ولا من أخلاقنا من البدايه ونعتبرها خادشه للشيمه والحياء .
والأهم أن طرح مواضيع من هالنوع حرام , لأنها تخلق بيئه مواتيه وجو نفسي يؤدي للهيام والحرام , وكل ما أدى لحرام فهو حرام .
ونطلب من أخواننا المشرفين اللي في أيديهم الصلاحيات , حذف أي مواضيع من هالنوع كائنا من كان كاتبها , واللي يكررها تلغى عضويته حتى لا ينشر في ألأرض الفساد , واللي يتفاعل معه من ألأعضاء ويرد عليه برد مشجع تعلق عضويته .
قميص عثمان وهو الحب في الله ما جيناه , ولا قربناه , ولا نمنعه, وندعيكم كلكم أنكم تحابون في الله , ولا أظن بينكم ولا عشره في الميه يحبون بعضهم في الله ويبغضون في الله في أحسن ألحالات , والباقي حب مصالح , أو حب بكش ,, والشباب ما عندهم حب في الله أصلا ألا واحد في ألألف , والرجل أو المرأه ما يجوز يصرحون لبعضهم بالحب في الله حتى لا ينقلب في غير الله .
المناقشات والردود بين الجنسين يجب أنها تكون منضبطه وعقلانيه وخاليه من التوددات والرقه الزايده واللحون الحنينيه , وخاليه من التغنج والتميع والتكسر اللفظي , وخاليه من المزاح المرفوعه فيه الكلفه والعفه بين الجانبين , وانتم تعرفون معنى كلامي .
وبطلونا من الرد بين الجنسين اللي فيها , يسلمووووووووووو .
هذي بوسه ومعها مزه ملتزه , وقلة شيمه بين رجل وامرأه في حدود عقلية منقاش , كيف به عند الشباب الفتيان اللي يدورون لهالكلام يصدر من الجنس الثاني دوره, ويبحثون للعلوم هذي حتى في ذنب الكلب.
أي عضو يلاحظ خرق في السفيه المفروض يبادر في أصلاحه وينكر المنكر , يبلغ المشرفين , يرد على المخطين بالنصح وان ما فاد النصح بالتخذيل , أو يحتج علانيه ويطلب ألأعضاء المشاركه .
ولا تكرهون المصارحه والمكاشفه اللي يسمونها هالحين الشفافيه , لأن البيت اللي تدخله الشمس ما تعيش فيه الميكروبات , ولأننا نعين بهالمواقف أخواننا المشرفين اللي تكرموا بخدمتنا الله يجزاهم عنا كل خير ويكثر من أمثالهم , وسلامتكم.