الرجوع للحق فضيلة

[النجم الساهر]

الرجوع للحق فضيلة الرجوع للحق فضيلة الرجوع للحق فضيلة الرجوع للحق فضيلة الرجوع للحق فضيلة

[grade="00008b Ff6347 008000 8b0000"]

السلااااااااااااااااااااااااام عليكم ورحمة الله وبركاته

ياعظيم الشان خلاق البرية
يا اله الكون علام الخفايا

يا اله معتلي بادي عليه
تعلم الخافي عن عيون البرايا

طالبك يارب تمحى كل سيه
جيتك محمل بأنواع الخطايا

تغفر اذنوبي واموت بطيب نية
وجنة الفردوس ياربي منايا

وبعدها لك ياسنا مني تحية
محملة بالطيب وانواع الهدايا

من نفل نجد وخزاماها الندية
لين تاقف عند بابك بالتحايا

تحمل ازكى ورد عطر النرجسية
خالطه بالعود ومسوي سوايا

شم ريحه كل من زارك عشيه
وشمه اللي من ورى ذيك النحايا

وبعدها بنشدك يالنفس الرضيه
كان ريانه تري غيرك ظمايا

علميه اني معه روحه بجيه
وعلميه اني من اوساع النهايا

وعلميه اني من اهل الشاذليه
واهل جود وبيت عز ومن سرايا

كان صده عن قصيدي به زريه
قولي اني لجله احث المطايا

كان تعقيبه على نصي خطيه
والله اني عاذره مابي رزايا

صاحب النيه غلب مليون نيه
ما تخفى واختفى جوف الزوايا

يبدي اعلومه ويظهرها نقيه
مايدس السم في جوف الحنايا

يا عقيد القوم يالمشرف بذيه
طالبه للحق وتعود زرايا

ثم قفى واصبحت عنده زريه
كن وده ترجع الشغلة حمايا

كان مالي ياخوي قابلية
ولا تبي تبدون لي حسن النوايا

كل ماقلته لكم مني عطيه
والله المعبود هو جزل العطايا

ولا تظن السالفة والله دعيه
انشد اهل المنتدى واللي معايا

بلغوا من كان حاضر وسط حيه
وبلغوا اهل المدن واهل القرايا

ان طلب غنيت قافي سامريه
وان طلب غنيت حدري او حدايا

والهجيني طرق في نجد العذيه
لن طلب غنيت به كل الغنايا

بس يرضى ويسمح الخاطر شويه
لين يصبح ماكماه ولا كمايا



[/grade]

[صقر آل مقبل]

عوافي يالنجم الساهر

صح لسانك

تحياتي لك

[الطويِّلي]

صحيت يانجم ولاهنت على هذه القصيده

[محمد بن حميدان]

صح لسانك ... انت شاعر لاشك

[سنا الهجرة]

صح لسانك يا النجم ..

بس قلي وش جاك مني وابشر بالحق .. وان تبي الرد في قصيده إبشر بما تبيه بعد
بس لا تزعل ولا تضيق

[السَّمْهريّ]

صح لسانك يا النجم

[@ بن سلمان @]

صح لسانك يا النجم
وهذا سنا بيض الله وجهه تزهل لك باللي يرضيك وهو راعيها
وأنت تستاهل منه

[ابوسيفين]

هلا يالحليف وصح لسانك ، وعلى الرّغم من إعجابي بجزالة شعرك إلاّ أن ماتضمنته القصيده من شكوى ومعاناه أحزنني 0وكنت للحظات أعتقد أنها مجرد متابعه إلى أن قلت :ـ

ولا تظن السالفة والله دعيه 0000 انشد اهل المنتدى واللي معايا

لكنّك سنّدت على أبو عبدالله وهو تزهّل وكفو 0 حليفي العزيز توقّفت كثيرا عند أبيات عدّه منها :ـ

كان تعقيبه على نصي خطيه 0000 والله اني عاذره مابي رزايا

00000000000000

ثم قفى واصبحت عنده زريه 0000 كن وده ترجع الشغلة حمايا

0000000000000

كان مالي ياخوي قابلية 0000 ولا تبي تبدون لي حسن النوايا

لم أتمنّى أني شاعر في يوم مثل ماتمنيّيته اليوم ، وانت رجّال سمح وقريّب والأمر فيما يبدو هيّن وابو عبد الله يبا يقرّب بينك وبين صاحبك اللي ترى أن عودته ورضاه هي الحل إن كنت على حق في فهمي لعدد من الأبيات آخرها :ـ

كان صده عن قصيدي به زريه 000 قولي اني لجله احث المطايا

وقولك
بلغوا من كان حاضر وسط حيه 000 وبلغوا اهل المدن واهل القرايا

ان طلب غنيت قافي سامريه 000 وان طلب غنيت حدري او حدايا

والهجيني طرق في نجد العذيه 000 لن طلب غنيت به كل الغنايا

بس يرضى ويسمح الخاطر شويه 000لين يصبح ماكماه ولا كمايا

[بن داخل]

قصيدة رائعة
رغم ماتحمله من الأسى
استطاع الشاعر في هذه الابيات
ان يرسم لنا لوحة شعرية تفوح بالشاعرية
رغم أنها لا تعدو كونها عتاب وإظهار حسن نوايا
وللشاعر القدير سنا باع طويل في المجاراة وحيث
أنه ظهر لي أنه على علم بما يعنيه الشاعر فلابد أن نرى
من السنا ما يلطف الأجواء ويدخل السرور على شاعرنا
ويبعد عنه كل الهواجيس التي تراوده ان لم يكن هناك أمر اجهله

[النجم الساهر]

هلا وغلا ياصقر ال مقبل
ماقصرت الله لايحرمنا طلاتك