من هو الكفء لها ؟

[راعي السواني]

باقي تعرفون القبيله اللي ما تحتاج لشيخ لأنها لم تعد قبيله
وهي القبيله اللي يقول أكثريه منها كل واحد شيخ نفسه .
وهي القبيله اللي ما تطيع عقالها ولسان حال عاقلها يقول لا أمر لمن لا يطاع .
وهي القبيله اللي يقول أغلبها شيخنا ابن معمر .
وهي القبيله اللي ما تناظر يشيخ عليها ألا ولد شيخ حتى لو كان رضيع (يعني وراثه) .
القبيله اللي فيها شي من هالأعراض نصيحه لا يشيخون أحد عليهم ونصيحه لمن شيخوه يرفض الشياخه حتى لا يسير خيشة باب .

[حسن عابد]

صح لسانك ياراعي السواني وتراني ارشحك للشيخه وارشح خمسة اسماء اخرى ان رغبت بالترشيح
المهم بن عزاب يشد حيله وله كل الدعم من اجل وضع لبنه على طريق الخير ان شاء الله

[راعي السواني]

مشكور أخي حسن عابد .
ولكنني لا أصلح للشيخه وأكرهها , ولو جلدت لأكره عليها لصبرت على الجلد دون أن أقبل بها .
فالشيخة فيها التحاكم بغير ما أنزل الله , وفيها ألأخذ والعطاء مع من لا يسمع ولا يطيع ولا يفهم ليتم أفهامه , وكما يقولون كلمة لا تقبل حسرة على قائلها.
وفيها بيئة متخلفة في فض المنازعات والمحاورات والأجتماعات , ومنها تفوح رائحة العنصرية البغيضه .
نعم القبيلة بحاجة الى شيخ يستطيع التعايش مع تلك التناقضات , ومن لديه ألأستطاعة له مني الدعم في غير معصية الله .