مشروع هدم المحاجي (ح4).

[منقاش]

مشروع هدم المحاجي (ح4). مشروع هدم المحاجي (ح4). مشروع هدم المحاجي (ح4). مشروع هدم المحاجي (ح4). مشروع هدم المحاجي (ح4).

بسم الله الرحمن الرحيم
بعد تصدرساري الليل مجلسنا , دفع التكايه عن يساره شويه , ثم أستقعد واحتبى (من ألأحتباء) بالعمامه , وواصل يسرد في سالفة كبار المحاجي , وجلساه عن يمينه وعن يساره مقرين أذانيهم ومنصتين له في ضيافة ابو نقشه دام ظله الشريف بحلته العامره , والمخاوي كان واقف يدور بالشاذليه , ويدرج في الدول على الحاضرين .
المهم ,,, استرسل في السالفه حتى قال , لا تحسبون عصابة المحاجي دوبها تعلم رمي الشباك ونصب المصايد , لالالا, من زمان وهي تدهر أدهار , وهدفها بالدرجه ألأولى والثانيه والثالثه جمع المال والثروات بكل الوسايل , ومن كل المصادر مشروعها وممنوعها , ما تفرق .
ومن أقدم المحاجي اللي نصبتها العصابه نفسها , محجاة العبيد , وبداية القصه , أنهم وجدوا بالتجربه أن أحسن الخامات اللي تصلح للأستثمار في مجال الأستعباد هم ألأفارقه السود , لأن ألأفريقي يتميز بعضلات وقامه وقوه جسديه , وهذي الصفات هي المفضله في الرق والرقيق .
يعني أن أخواننا ألأفارقه كانوا أحسن بضاعه , لكن ويش هي الوسيلة العمليه المربحه للأستثمار في بيعهم بأعداد كبيره ؟, الجواب , ما وجدوا ألا الخطف .
لكن كيف لواحد أقصر قامه وأضعف بنيه يخطف ناس بالجمله وهم بدنيا أقوى منه واجد ؟ , كيف والخاطف أذا وقف جنب واحد من المخطوفين ما يجي أحيان نصه ؟.
كان الحل , بناء المحاجي ,, وبالتخطيط والذكاء والخبث يمكن تعويض فارق القوه بميات المرات , ويعود حينها القوي هو الضعيف , والضعيف يعود هو الأقوي , كيف ؟, ببساطه , تشغيل الأفارقه في خطف الأفارقه الثانين , وبعدها يسلمون المخطوفين للعصابه مقابل مبلغ زهيد أحيان ما يشري حذاء للخاطف , يعني صيد ألأفارقه السود وتحويلهم لرقيق كان عن طريق أستخدام ألأفارقه ضد بعضهم , أفريقي يصيد أخوه , وفخار ويكسر بعضه .
وحالما يستلم الخاطفين المختطفين يسلسلونهم في الرقاب والرجلين والأدين , ويعسفونهم ويحطمونهم بالتنكيل والتغريب والتجويع والأهانات , ويشحنونهم بالجمله وهم يرزحون تحت القيود في أضيق وأتعس مكان في أسفل البواخر مع البهايم والبضايع والروايح حتى يوصلونهم لأسواق النخاسه في أوربا وأمريكا وغيرها , ولا ينزلونهم للبيع والحراج حتى يرخرخون ويستسلمون لدرجة أن الواحد منهم ما يقدر يرفع نظره في أحد حتى لو بصق الله يكرمكم في وجهه .
وهذي هي مرحلة أكتمال الهزيمه النفسيه اللي بعدها يصبح الضحيه بأشارة واحده من راس أصبع طفل يوقف ويقعد ألأفريقي لو كان طوله مترين .

من ما سمعت ما قدرت أكظم غيظي, وانفجرت بالطلايب , وقاطعت ساري بعد تناولت القداحي (بندق) من على وتد كانت معلقه عليه في عرض الحده , وأعتزيت , أني أبو نقشه اللي يورد القول الفعل , يخسون مايقدرون يسونها وبدر الدجى ينبض فيه عرق واحد .
فز الحاضرين بعضهم شارد مثل المخاوي وحلفاه من شيهان وشياه , وبعضهم مسكوني وهدوني وسموا عليه بالرحمن , وبعد تعبوا معي جلسوني وأفتكوا البندق مني , وقالوا , الله يرحم قتلاك يا شيخ منقاش , طلبناك بالله تكبك من الهيلمان وتروق حتى الرجال يكمل السالفه وتفهم الخاتمه .
بعد هدأت العاصفه , واصل ساري وقال , ومن العجايب أن العصابه نفسها هي اللي تزعمت فيما بعد حملة تحرير العبيد بعد كانت تجارة الرق مبتكره ومحتكره من قبلهم , والسبب أنهم بعد تكدست الثروات في خزاينهم , وبعد أصبحوا يغرقون دول بحالها في الديون , وجدوا أن أحسن وسيله للتحكم في سوق العمل هو تمليك اليد العامله لراس المال بدلا من أرباب العمل (اللي هم سادة العبيد) .
بعباره ثانيه , اللي في يديهم دراهم مثلهم , ويا قلهم , هم وحدهم اللي يقدرون يتحكمون في اليد العامله , ويقدرون يشغلونها , ويقدرون يستعبدونها بهدوء بعد يسقطونها في فخ الديون بأسلوب تشجيع ألأستقراض والفوايد المركبه (الربا) وهي ما تدري .
شفتم كيف تشقلبت محجاة العبيد ؟, وكيف طلعت بموديل جديد ما فكر فيه حتى الشيطان نفسه ؟, وكيف أصبحت الموس عامه على كل الروس , وأصبحت العبوديه عامه على كل الناس أبيضها وأصفرها وقمحيها واسودها ؟, والفضل يعود لمصيدة ومحجاة الديون بالفوايد المركبه (الربويه) , وهذا النوع من المحاجي أبتلع دول بكبرها وأصبح دخلها ألقومي كله ما يسدد أحيان فوايد الديون لوحدها .
وهنه كلمة حق لابد أقولها , ترون مصيدة أو محجاة الديون فيها ظلم بالسويه يحقق العدل بين الرعيه , لأن المفسدين بناة المحاجي ما يتحيزون ولا يميزون بين الدول , كله طير على قول المكاويه .
وحتى تعرفون معنى كلامي , خذوا مثال أمريكا البيت ألأبيض والكونقرس ومجلس الشيوخ والنواب والحزب الديمقراطي والجمهوري , هذي ألأمريكا مفرشه منتوفه تلفظ أنفاسها في قلب المصيده , وترزح تحت دين عام وخاص مهول أغرقت فوايده البلد صاحب أعظم موارد طبيعيه وبشريه في بير لها فم ولا لها قاع .
وعودا على بدء أقول, انتبهوا لأهم عنصرين في حكاية محجاة أو مصيدة العبيد , وهي , تشغيل أفريقي في صيد أفريقي آخر ,, والعنصر الثاني , ألحاق الهزيمه النفسيه بالضحيه حتى يستحكم بها اليأس وتستسلم .
وهذي العنصرين أصبحت قاعده مستمره ومستديمه , تستخدم في كل المحاجي بأشكال وأحجام وأساليب مختلفه , فمثلا, لو ألقيت اليوم نظره على العراق والعراقين , تلقى اللي مكن العصابات ألأجنبيه من ألأستمرار في نهب ثروات العراق والعراقيين هم عراقيين , ولو ظهر عراقي حر وغيور وأعترض , وقال في صباح يوم من ألأيام , وآآآصباحاه , وآآآعراقاه , يا عباد الله , ويش هذا اللي ساير في بلادي وعلى أخواني في الدين والوطن , يااااعباد الله وين الولاء والبراء , ووراكم ترضون بهذا الباطل اللي طم وعم ؟, الباطل اللي ما يرضاه الله ورسوله , وتأباه الرجوله والشيم .
هذا الغيور اللي قال واصباحاه , ما يمسي ألا في أبو غريب , ولا يقبض عليه ألا زبانيه من بني جلدته , ولا ينكل فيه ويعذبه أن ما قتله ألا زبانيه عراقيين من اللي تشوهت جيناتهم بسبب اليورانيوم وأصبحوا ما ينجبون ألا أطفال مشوهين .
وكل هالأعتقالات والتنكيل والتعذيب اللي يصب في النهايه في مصلحة النهابين يتم بالقانون اللي وضعه المندوب السامي لعصابه المحاجي مستر بريمر, وبمباركة من سياسين ومثقفين ومخبلين ومراجع دينيه سيستانيه ولا سيستانيه .
أما أفراد العصابه ألأبطال فنادرا ينزلون من أبراجهم العاجيه في أمستردام وجنيف وباريس ونيويورك وجوهانسبيرق ولندن وتل أبيب وغيرها.
نادرا ينزلون ويتنازلون ويعفرون جزمهم على تراب العراق وماه وهواه الملوث باليورانيوم ولو لسويعات , ولو حصل وطبوا على ثرى العراق الملوث , ما طبوه ألا على متن طايراتهم الخاصه , ولا سكنوا ألافي أفخم الفنادق من فئة السبع نجوم في ضيافة العراقيين في أماكن مدججه بحراسات عليها حراسات , ويحول دونها حواجز من خلفها حواجز .
وفي الغالب ما هم بحاجه يكلفون على أنفسهم , لأن غيرهم يخدمهم , وأول خدمهم تلقاهم من بعض نشاما العروبة والأسلام من العراقيين والعراقيات اللي ينكلون ويقتلون في بعضهم خدمة للعصابات الأجنبيه الغازيه , ومره ثانيه , العمليه فخار ويكسر بعضه , ومن يهن يسهل الهوان عليه.
شفتم كيف شكل المحجاه في هالمره ؟, وشفتم من هم الضحايا اللي أنصادوا فيها ؟, وبأيدي من أنصادوا ؟.
أما من هم أكابر مجرميها الصيادين بناة المحاجي ؟ , فهم ناس يحثون على الديمقراطيه ويزاولون الدكتاتوريه في أبشع صورها .

قاطعت ساري , وقلت , ولد , وقف واللي جاء وفى وكفى , وناظر السامعين أغلبهم نايمين , وقف وخلي باقي علومك حتى القابله عسى السامعين يكونون وقتها مفتحين عيونهم , ولو كان أني أشك أن العيون المفتحه خلفها قلوب تغط في نوم عميق وطويل .
والى هالحد نتوقف , وفي الحلقه الجايه يجيكم بقية علوم المحاجي , وتعرفون على أهل المحاجي , وعلى المرشحين لهدمها على روس أصحابها , فألى ذلك الحين أستودعكم الله , والسلام عليكم ورحمة الله ....

[المقداد]

الله يرحم والديك ووالد والديك يا شيخ , فعلاً أنت تقدم مواد دسمة جداً قل من يعيها , وسالفة أم المحاجي شيقه جداً أذ لا أكاد أنتهي من قراءتها إلا وأعود اليها مجدداً , وليتك تسلط الضوء قليلاً على المحاجي اللي قريب منا ونعايشها نحن والله يرحم مقاتيلك ,,,

شكراً وسأعود للتفاصيل بعد الحلقه القادمه ..

المقداد

[منقاش]

حليفي العمده المقداد بن ألأسود : أشكرك على ألأطلاع والتعليق , ويسعدني أنك مستمتع باللي كتبه حليفك .
ومحبك ابو نقشه يوصيك ويوصي كل ألأخوه القراء بالتحفظ التام في الردود , وكما يقولون , عوم واحذر لثيابك ...

[أبو عبدالرحمن]

يمدحون زراعة الحب.
ليتك يا أبو نقشة تروح تزرع ركيبك بالشعير والحب ..الشتاء وصل

[منقاش]

يبو عبدالرحمن , الله الله في توصيل ألأمانه اللي عندك للشيهان , وترى ألأمانه تبرت منها السماوات والأرض .
لاهنت وصلها له حتى يعرف أن سعره عند المخاوي بالكاد يساوي كيس حب . وشكرا ..

[الشيهان]

المشاركة الأصلية كتبت بواسطة منقاش

يبو عبدالرحمن , الله الله في توصيل ألأمانه اللي عندك للشيهان , وترى ألأمانه تبرت منها السماوات والأرض .
لاهنت وصلها له حتى يعرف أن سعره عند المخاوي بالكاد يساوي كيس حب . وشكرا ..

يا الله مساء خير لاشر ولامنقاش فيه

علومك غانمه وافيه كافيه ياساري اليل ولاعيب عليك الا انك تسولف بهذي الهروج الطيبه في مجلس منقاش
لكن ناخذ السمين من قولك ونترك منقاش عساه ((بالفرنتيت ))؟؟؟؟؟ والله اني ما اعرف معنى الفرنتيت رغم انها دعوه قديمه لكن احس انها اقوى من قنبلة هوريشيما

عموما ياسارى اليل لاتغالب الهروج مغالب وتتعصر بعلوم وانت ودك بالخير وخايف من الشر يعني عين في الشحمه وعين في اللحمه المحاجي باقيه ما بقى البشر والهامور ياكل السردين

اما انت يامنقاش مشكلتك انك رجال بالعاميه مسطح والفصحى سطحي ما تعرف مضامين العلوم وجواهرها ورموز الافعال والاقوال

الحب اسمه مرادف للحُب
ومفرده حَبه وفعل الحُب العملي حِبه اي بوسه على الخد
فلك ان تتخيل كم بوسه في هذا الكيس
عليك ان تنشغل هذه الليله بعد حبات القمح في الكيس وتتخيل كم بوسه اهداها لي المخاوي (( مقابل كل حبه حِبه اي بوسه ))

اتحدى ان يكون هناك انسان في هذه الدنيا قد اهدى من يحبه بوسات بمقدار عدد حبات هذا الكيس

شفت بامغفل قد ايش يحبني المخاوي وما هو مضمون ورمز هديته ياللي ما تفكر الا في كرشك

[مخاوي منقاش]

بالعافية بالشيهان بس فيه ناس تنباس وفيه ناس تنداس زفيه ناس ماتوده من الناس واذا هذه قاعدة صحيحة فانا انشا لله مسافر لباكو الاسبوع القادم وسوف اخذ عشرة اكباس التهي فيها لان اللي يستاهلون الحب كثير هناك ماهم مثل بعض الناس والعياذ بالله

[منقاش]

الشاعر الغاوي الشيهان : ماعمري شفت واحد مثل الماء من تحت التبن مثلك , الله يهديك وبس ...
وبخصوص أكياس الحب اللي دحدرها علينا المخاوي أحترت في هدفه من هالهديه , كيس حب ؟ , مسروقه من الجمعيات الخيريه ولا لقي يستثمرها ألا يرسلها علينا ؟ . ممكن .....
يقول بدون كيماويات وبدون أسمده ؟, أقول ويش دراك يالمخاوي عن اللي زرعوها واللي عبو الأكياس وكتبوا عليها أن كانوا صادقين والا كاذبين؟. وبعدين يا مغفل ما أنت داري أن الحب اللي يزرع في ربوع الطايف المانوس كله بدون كيماويات ؟.
تبا لك سائر هذا الشهر , وعشر تبات لهداياك ......

[مخاوي منقاش]

فعلا الشيهان من تحتك يجري( خل سنأ يشرحها لك لانك غبيئ ماتفهم )واللي يبيعون الحب اعرفهم ماهم مثل حقين الطائف وتسويقهم لرمان اليمن على انه من الطائف

[الشيهان]

ياشيخنا المخاوي الكبير بحكمته وحلمه
الحقيقه انني تمنيت اهديك اي شي من مزروعات بلاد ثماله ولكن كما تعرف فهذا منقاش الاشر قد سعى في بلاد ثماله فسادا واهلك الحرث وهو الان يجري لاهلاك النسل عبر حمله شعواء ينشرها بين ابناء القبيله يحثهم بوجوب قبول تطعيم انفلونزا الخنازير لعلمة القين وشراكته الفعليه مع المنتجين لهذا اللقاح المشؤم وماله من تاثير على النسل

المهم ارجوا ان تتقبل هديتي المتواضعه من بنيات افكاري المضمونه والتي لم تتعرض للتخريب من منقاش وهي موجوده على هذا الرابط
http://www.thomala.com/vb/showthread.php?t=50265

اما انت يامنقاش فلك ان تعلم ان الكيس اللي عندي غير الكيس اللي عندك فما قاله المخاوي عن الحب ينطبق على كيسي
اما كيسك فقد اخبرني المخاوي انه من قمح العراق المشبع باليورانيوم وذلك لتجربته على البشر فقد نسطيع تحويلك الى انسان مشع بدل ما كنت انسان مطفي