هذي القصيدة من أقرب قصائدي الى قلبي أتمنى أن تكون قريبة الى قلب المتلقي أيضاً

[سنا الهجرة]

زان جو الشّْعْر والمعنى على بالي خطر=بعد ما زال الخطر والخوف والعيش المرير
يستريح الخاطِر وْياخذ من المامضى عبر=واللي مثلي خابر الدنيا واخذ منها الكثير
وان تفكر في زمان فات واعْيَتْه الفِكَرْ=تابع اخبار الديار الطيبه عبر الاثير
عاشقٍ للدار مَرْخصْها ولا عنها قصر=لو وطت رجلينه الرمظا وتكويه الهجير
هيييييه ياحلو الربيع وريح زخَّات المطر=واحتباس الشمس عن وجه الصحاري من عِصَير
لا طلع للشمس نور ولابدا نور القمر=متعة الخاطر دفاة الجو فاليوم المَطِير
تعكس خدود الروابي لون نبتات الزهر=والخزاما والنفل والشيح يكسيها عبير
والدلال مبهره والنار وبيوت الشعر=والفراسة والقنص والبير واخطام البعير والجبال
الخضر من ماطاك إلي مد النظر=يبهج عيوني سناها والهوى والجو غير
من يعيش بجوها عن غيرها غض البصر=لانها اجمل من قصور الحضر وافراش الحرير
علمتني كيف اجيب من القصايد ما ندر=سلوة الجُهاّل والعُقَّال والشيخ الكبير
من خيالي صُغتها معنا تواصيف وعبر=قصة القريه وراويها بحبكتها خبير
خابرٍ بالدار واهل الدار والما والشجر=ماخفى من وصف ديرتنا قليل ولا كثير
كم جبالٍ قِدْ مشيت بروسها منذ الصِّغَر=وكم شعابٍ تعرف اقدامي ونا توي صغير
في شبابي ذقت مر الوقت واصْرُوف الدهر=مفْترشت الزل لين ادميت ظهري بالحصير
إعتبر يا جيل هذا الوقت لا جاك الخبر=كيف كان أجدادنا اللي كانوا اغناهم فقير
كان ما يلقون زاد النار اكثر من شهر=وكان جوع وكان خوف وكان شرٍ مستطير
كان يمشي منهم الرجال وضعه في خطر=كان يسرح في خطر ويعود والموقف خطير
مثل ماقال المثل ماشي على كف القدر=مؤمنٍ بالله راضي بالقدر شرٍ وخير
ماكتب ربي على المخلوق مامنه مفر=واللي ربي كاتبه صاير وغيره ما يصير
نحمد اللي عزنا بالدين من بين البشر=واصطفانا بالرساله ثم زاد الخير خير
يوم تممها بنور البدر في خمسة عشر=فارسٍ دانت له الصحرا ودانت له عسير
لين وحدها وسماها وشهَّد من حضر=قال هذي المملكه عن شرع ربي ما تحير
كان ذاك اليوم يوم الفصل واليوم الاغر=وانكتب للي حضر ميلاد لو عمره قصير
في بلاد بفضل ربي زايلٍ عنها الخطر=فالشمال وفالجنوب وين ما وجهت امير


.

[أبو عبدالرحمن]

إبداع ...سنا الهجرة

والحمد لله على نعمه الظاهرة والباطنة...

فعلا قصيدة لا مناص أن تكون قريبة من قلب كل من يقرأها...
صح لسانك

[مشاكس]

والله بعد كذه وش نقول
الا صح لسانك وسلم بنانك
بس فيه دعوه ثانيه
أنابدعي وأنت قول آمين





( الله يسهل لك اللبشه وتبلش معه )

[سنا الهجرة]

إبداع ...سنا الهجرة

والحمد لله على نعمه الظاهرة والباطنة...

فعلا قصيدة لا مناص أن تكون قريبة من قلب كل من يقرأها...
صح لسانك


بارك الله فيك يابو عبدالرحمن وشكرا على مجاملتك اللطيفه

[سنا الهجرة]

والله بعد كذه وش نقول
الا صح لسانك وسلم بنانك
بس فيه دعوه ثانيه
أنابدعي وأنت قول آمين





( الله يسهل لك اللبشه وتبلش معه )

صح بدنك يا مشاكس
وكفاني الله شرك انت ولبشه أنا ماني بـــ قدكم

[المستشار]

صــــــــــــــــــح لســـــــــــــــــانك وبيض الله وجهك على هذي القصيدة الرائعة

[سنا الهجرة]

صــــــــــــــــــح لســـــــــــــــــانك وبيض الله وجهك على هذي القصيدة الرائعة

المستشار


تعقيبك وطلتك هي الروعه بالنسبه لي الله يكرمك

[عثمان الثمالي]

صح لسانك سناالهجرة



وبيض الله وجهك على هذي القصيدة الرائعة

الله يعطيك العافيه

[سنا الهجرة]

صح لسانك سناالهجرة



وبيض الله وجهك على هذي القصيدة الرائعة

الله يعطيك العافيه


وجهك أبيض يا عثمان يا مشرفنا الغالي

[ثمالي مليان شعر]

حلووووووووووو

[سنا الهجرة]

حلووووووووووو

شكرا ثمالي مليان على مرورك الكريم

لا عدمتك

[حسن عابد]

زخات المطر عسى ممطورين مثلنا
صح لسانك ملايين

[سنا الهجرة]

زخات المطر عسى ممطورين مثلنا
صح لسانك ملايين

وين ممطورين يا حسن

ما عندنا الا السموووووووووووووووم اللي تصلخ الوجه

الله يجيرنا من الشر

شكرا لك وتهناكم الرحمه

وعساها سقيا رحمه وفراش خير

[ابوعهد]

مبدع
يسلمووووووووووووووو

[ساحر البسمه]

فعلا قصيده رائعة بروعة قائلها

وانا اجزم ان شهادتي فيك مجرووووووووحه حيييييييييييييييل

ابدااااااااااااااااااااااااااع في ابدااااااااااااااااع

ماتجي على طرق من طروق الملعبه المعروفه حتى نسمع لها صيت

الصدق شيء يثلج الصدر

وماكنت اتوقع حرمه شاعره تكتب عن اشياء زي كذا من قديم الزمن وعجائبه



تقبلي مروري

[ساحر البسمه]

اعتذر شديد الاعتذار للاخ : الهجره

خويك شاف التاء المربوطه وعلى باله انه اسم مؤنث

ارجوا السموحه وياليت تقبل عذري

والله ثم والله اسف وانا مستغرب مايكتب مثل هذا الاشياء الا الرجال لانهم عاصروها

اآآآآآآآآآآآآآآآآآآآآآآآآآآآآآآآآآآآ سف

دمت لنا بكل ود واحترام

[ثماليه والعز ليه]

رووووووووووووووووووووووعه صح لسانك

[ابوعهد]

يسلمووووووووووووووو
كان هنا
ابوعهد

[سنا الهجرة]

مبدع


يسلمووووووووووووووو




الله يسلمك يابو عهد

شاكر لك مرورك

[سنا الهجرة]

اعتذر شديد الاعتذار للاخ : الهجره


خويك شاف التاء المربوطه وعلى باله انه اسم مؤنث

ارجوا السموحه وياليت تقبل عذري

والله ثم والله اسف وانا مستغرب مايكتب مثل هذا الاشياء الا الرجال لانهم عاصروها

اآآآآآآآآآآآآآآآآآآآآآآآآآآآآآآآآآآآ سف


دمت لنا بكل ود واحترام




ولا يهمك يا الغالي .. الامر ما يستاهل

وهذي الامور تحدث في أحسن المجتمعات

شاكر لك مرورك واطرائك اراقي

[سنا الهجرة]

رووووووووووووووووووووووعه صح لسانك



ثماليه والعز ليه;..
تواجدك هنا كان اروع

صح بدنك

[سنا الهجرة]

يسلمووووووووووووووو

كان هنا

ابوعهد



أبو عهد

مرورك على متصفحي مرتين .. زاده تشريف

لا عدمتك

[اميره بكلمتي]

صح لسانك يسلمو

[سنا الهجرة]

صح لسانك يسلمو



صح أبدانك يا بنت الاكابر . . مرورك شرفني

[النجم الساهر]

حق لابي عبد الرحمن ان ينعتها بذلك ن



ماذا اقول لم تترك شيئا الا تناولته هنا

وهذا يدل على مساحة خيالك الجيد والذب استطعت من خلاله ان ترسم هذه الصور

فهي جديرة بأن تلامس احساس كل شاعر لما حوته من المعاني والمفردات التي تدل على قوة قائلها في الخلط بين الماضي والحاضر وبين القرية والمدبنة وبين الخفير والامير وبين الشمس والقمر وبين لون
الروابي ولون الزهر

[سنا الهجرة]

حق لابي عبد الرحمن ان ينعتها بذلك ن





ماذا اقول لم تترك شيئا الا تناولته هنا

وهذا يدل على مساحة خيالك الجيد والذب استطعت من خلاله ان ترسم هذه الصور

فهي جديرة بأن تلامس احساس كل شاعر لما حوته من المعاني والمفردات التي تدل على قوة قائلها في الخلط بين الماضي والحاضر وبين القرية والمدبنة وبين الخفير والامير وبين الشمس والقمر وبين لون

الروابي ولون الزهر




ما شاء الله عليك يالنجم الساهر وش خليت ..
هذا الكلام الحلو كله لي .. انت ماشاء الله عليك حتى تعبيرك قصيده

الله يعطيك العافيه على هذا الاطراء الذي هو أكبر من حقي بكثير

شاكرا لك مرورك يالغالي

[الذيب]

ياخي وش اقول والله رائع بكل ماتحمله الكلمه من معنى

صح لسانك مليون مره

[سنا الهجرة]

ياخي وش اقول والله رائع بكل ماتحمله الكلمه من معنى

صح لسانك مليون مره


الله يحفظك أخي الذيب .. ممنون لمرورك وتشريفك

صح ابدانك ملايين

[ابو مشاري]

صح لسانك يابو عبدالله وعساك علا القوة

انت نجم ونعم والله فيني وفيك

[سنا الهجرة]

صح لسانك يابو عبدالله وعساك علا القوة



انت نجم ونعم والله فيني وفيك




صح ابدانك يا بو مشاري
الله يقويني ويقويك على الطاعه ..

والنعم بحالي وحالك وانا خالك.. وصح للسانك

[بنت شيوخ]

http://up.bentvip.com/up/20090102222912.gif (http://www.bentvip.com/)

[سنا الهجرة]

http://up.bentvip.com/up/20090102222912.gif (http://www.bentvip.com/)






وبارك فيكي أختي بنت الشيوخ

أشكر لك مرورك

مع دعواتي لك بالتوفيق

[ABO TURKI]

هذي القصيدة من أقرب قصائدي الى قلبي أتمنى أن تكون قريبة الى قلب المتلقي أيضاً
أنت كلك على بعضك قريب من القلب فما بالك بقصائدك
سلمت يا شاعرنا

[سنا الهجرة]

أنت كلك على بعضك قريب من القلب فما بالك بقصائدك

سلمت يا شاعرنا



الله يجزاك خير يابو تركي ... أول مره احس اني انحرجت ههههههه
والله القلوب عند بعض .. الله يسلم هالوجه

لا خلا ولا عدم

[مزاجيه ~]

ابيات رائعه واحساسك جدا راقي

كلمات ذهبيه نسقت بأجمل الاقلام
ننتظر جديدك بكل شوق..

دمت~

[سنا الهجرة]

ابيات رائعه واحساسك جدا راقي


كلمات ذهبيه نسقت بأجمل الاقلام
ننتظر جديدك بكل شوق..


دمت~



الروعه في كلماتك أختي مزاجيه

وحضورك يزيد متصفحي توهج


شاكر ومقدر تواجدك

[حسن حامد]

صح لسانك
وخل عنك البخل في قصائدك وانت قاعد تقطر علينا بالقطارة
نبي كل يوم قصيدتين


شكلي راعي طويله ولا لا
بس ياسنا قصائدك لها طعم ثاني
تسلم يمينك
لا خلا ولا عدم
تقبل مرور اخوك ابو حامد

[سنا الهجرة]

صح لسانك

وخل عنك البخل في قصائدك وانت قاعد تقطر علينا بالقطارة
نبي كل يوم قصيدتين


شكلي راعي طويله ولا لا
بس ياسنا قصائدك لها طعم ثاني
تسلم يمينك
لا خلا ولا عدم

تقبل مرور اخوك ابو حامد




صح أبدانك يابو حامد

والله تستاهلون كل خير .. والشرف لي طال عمرك بأني أكتب لكم

لكن مثل ما يقولون الشي إذا زاد عن حده ينقلب ضده

وعلى قول الشاعر اللي يقول


كل ما قلت له يابن الحلال *** المحبه عطا . . وانته بخيل

التفت لي وهو عجلي وقال *** لذة الحب بالشي القليل