المساعد الشخصي الرقمي

مشاهدة النسخة كاملة : اليوم سرقت موضوع بطران

الحجاج بن يوسف الثقفي
08-08-2006, 04:39 AM
قصيدة فتاة اجبرها ابوها على الزواج من شخص وكتب لها احد الشعراء هذه الابيات على لسانها فلما قرأها ابوها رجع عن امره وجعلها تختار من ترغب وهذه نصيحه لمن يجبر بنته من الزواج بمن لا تحب او لا تريد





يابـوي خلونـي علـى كيـفـي اخـتـار
يابـوي هـذا العـرس مابـه غصيـبـه

يابـوي لاترمـون قلبـي علـى الـنـار
وتصـيـر بـكـره ياجمـاعـه مصيـبـه

يابوي انا اللي عارفـه كـل الاسـرار
قلبـي وانـا ادري فـي دواه وطبيـبـه

يابوي انا مليـت مـن كثـر الاشـوار
والموت مـن شـور القريـب لقريبـه

يبه .. يبه .. يامكرم الضيف والجار
يـاسـيـدي يـاتــاج قـلـبــي حـبـيـبـه

لو شفـت دمعـي تالـي الليـل مـدرار
الـنـوم حاربـنـي وانــا لــه حـريـبـه

في خاطري هم .. وهواجيس وافكار
ماجابـت الورقـا مـن النـوح اجيـبـه

الله يعـيـن الــي مــن الـهـم محـتـار
اعيـش فــي دنـيـاي مـثـل الغريـبـه

الحلـم الاول مــات يـابـوي وانـهـار
ذبحـت حلمـي لـيـه .. والله عجيـبـه

يابـوي زاد الهـم ضاقـت بـي الــدار
صــارت حيـاتـي ياحيـاتـي صعيـبـه

وشعاد لو فـي غرفتـي ورد وازهـار
اشـوفـهـا يـابــوي مـثـلــي كـئـيـبـه

يـاتــاج راســـي لاتحـمّـلـنـي أوزار
تكـفـا طلبـتـك .. لاتـزيـد المصـيـبـه
abonayf
08-08-2006, 07:15 AM
قصيده جميله ونقل موفق
وقد تم نقله الى هنا لمناسبته اكثر
@ بن سلمان @
08-08-2006, 10:06 AM
قصيدة صدق بطرانة
ويبدو لي قريت مرة انها لزهور يوم تقدمت لها وقبل ما تنهبل على بن داخل
بس ابوقف هنا لا يحوسنا رماد السنوات
بن داخل
08-08-2006, 01:00 PM
اختيار موفق ياقزوز
وبعدين يابن سلمان ياحبك في نكأالجروح
ماخلصنا منك ومن حركاتك مع زهور
وهالحين تذكريني ترى الدم بيروح لين الركب
وبعدين اتشمت فيك مع أبو رماد
الأمل
08-08-2006, 06:01 PM
يابـوي زاد الهـم ضاقـت بـي الــدار

صــارت حيـاتـي ياحيـاتـي صعيـبـه



روعـــــــــــــــــــــــــــــــــــــــــــــــ ـــــــــــه


يعطيك العافيه أخـــــــــــــــوي اقزوز

مشكـــــــــــــــــور والله
الأمرالسامي
08-08-2006, 06:36 PM
قصيدة جميلة جدا ونقل موفق

وبعدين ياجماعة خلاص رماد السنين هبت عليه الريح وأصبح رمادا تذروه

الرياح

وكفانا الله واياكم القتل والدم للركب خلاص يابن داخل بن سلمان

عاد والعود احمد ورحبت به الزهور وننتظر عودة بقية افراد الفئة.
ابو فهد
08-08-2006, 09:06 PM
من جد بطران



مشكووووووووووووووووووووووووووووووووووووووووووووووو وووووووور
الحجاج بن يوسف الثقفي
08-08-2006, 10:41 PM
ابونايف شوف شغلات ابوعبدالحمن وصاحبه ابواسم انجليزي فكنا منها
احبك موت ياعسل بس عشان انت الوكيل s9.gif
واحد يحب يتمصلح
الحجاج بن يوسف الثقفي
08-08-2006, 10:46 PM
بن سلمان والله مالي الا الله ثم انت بن داخل راح في الرجلين مع زهور
ادع له ارب الله يرجع له عقله
مادريت عن بن داخل وزهور s65.gif
هذي ان شاء الله تشوفني انزلها في موضوع مستقل
ولا تتريقون على الوليه مهما يجي منها هذي قارورة ببسي وفاضيه
الحجاج بن يوسف الثقفي
08-08-2006, 10:51 PM
الامل والامر السامي وبوفهد
حبايبي الله يسعد لي هالطله قولوا اميييييييييييييييييييييين
ولا يحرمني من ردودكم اللي زي اللوز السوداني s2.gif
تروا احب امذح
وبعدين وش بلاكم على الرماده يجيلها رياح وتطيرها عنكم بعيد
والا اقول نشغل عليها المروحه احسن
أبو عبدالرحمن
08-08-2006, 11:41 PM
سرقة....أظنك صاحب سوابق

ومشكور على هذه السرقة ـ أقصد هذه القصيدة الجميلة...
الأمرالسامي
08-09-2006, 01:09 AM
اقزوز والله انك حبوب


ويعجبني تنسيمك ..... لكن لو تعود لنا ... كلام كثير
الحجاج بن يوسف الثقفي
08-09-2006, 02:46 PM
هلا هلا والله يابوعبدالرحمن
من زمان ماشفناك
شكل الدراهم حقت عمي ابودباخلصت s2.gif
يامرحبا واحد وعشرين مليون
الامر السامي
انا لن ولم ولا يمكن ان اتضامن مع فارة العقمان
حسن عابد
08-10-2006, 04:09 AM
سرقة جميلة ياقزوز

تحياتي
خلف بن عبدالعزيز الثمالي
08-10-2006, 05:09 AM
أسرق ياحبيبي على كيفك أهم شي يكون الموتر بطران اللي بتشرد عليه


أخوك خلف
أبوخالد
08-10-2006, 06:42 AM
بس انتبه فيه ناس تبلغ
ياويلك لويصيدك ابوعبدالرحمن والاصاحبه على قولك
الحجاج بن يوسف الثقفي
08-12-2006, 11:40 AM
ابوخالد انت وخلف وحسونه
اهجدوا لا والله يجيكم شي ماتتوقعونه s65.gif
@ بن سلمان @
08-12-2006, 01:11 PM
اقزوز وانا اخوك
خذ تكفى ذا الشماغ واسكبه زين
بس قدم الطاقية شوي وتطلع تهبل
وودي تسأل بن داخل عن الطبيب اللي صلح له اسنانه
ترى عنده صف الحين مسكت تقول صف السفايين اذا غنى لهم مستور
مصرقع
08-13-2006, 03:34 AM
بسييييييييطة يا منسم
ياحرامي هذي القصيدة انا اللي كتبتها
تروح تسرقها اذا ما اعلم عليك ابو اسم انجليزي يا حرامي
وبعدين يوم اتشفعلك عند زهوور وتشرد يا نذل وتسوي فيها ثقيل
ليه لكن شغلك عندي والشرهة على اللي يصدقك يا حرامي
الشويبري
08-13-2006, 11:16 AM
يعطيك الف1000 عافيه على القصيده المبدعه s71.gif
Abu Asim
08-13-2006, 11:18 AM
قصيدة جميلة

وموفق في السرقات من هذا النوع

مع خالص التحية والتقدير
أعاصير مغرب
08-13-2006, 02:40 PM
أقزوز .. والله إنك منسم دايما
وأول مرة تكتب حاجة زينة .. يستفيدون منها الناس
والدليل إن منها فايدة ...

إنك ناقلها ..وماهي من تأليفك!!!

s2.gif s43.gif
الحجاج بن يوسف الثقفي
08-14-2006, 06:02 AM
بن سلمان ترى هذي بعد التجميل
انت بتعلمني في ابوضروس بن داخل ول يوم تشوفه في العزايم وهومتربع
على الصحن ماشاء الله عليه الله يجعلها بالعافيه s2.gif s9.gif
اشكر كل العيال اللي ردوا عليه واقول لهم ترقبوا السرقه القادمه اجمل من هذي
ابسرق سياره s2.gif لا تصدقون
ططططططططططططططططططاط
الخنساء
08-21-2006, 12:34 PM
احسنت يابطل

صراحة جميلة جدااااااا

ويعجبني فيك الصراحة ( حرامي ويعلم على نفسه )

مو زي بعض المختلسين الجاحدين

وتحياتي لك
الحجاج بن يوسف الثقفي
08-21-2006, 04:23 PM
وش قصدك ياحنساء قصدي ياخنساء
مشكوره على المرور