حصن غياض للبيع بسعر مغري .

[أبو علي]

بفضل من الله ثم بجهود المخلصين البررة ابناء العمومه تم منحي حصن غياض والقرى المجاورة له التراثية لا المنازل الحديثه ولا املاك الاوقاف المجاورة حصلت على صك من المحكمة الكبرى بمنحي الحصن المشار اليه وبحدوده الاربعة المعروفه والتي تم شهادة الشهود والمعرفين لهم من الاصحاب والاحباب .

ورغبة مني لا مجبر ولا مكره ببيعـــــــــــــــــــــة ارجو ممن لديه الرغبة في الشراء فليتقدم بالمزاودة العلنية التي تبداء من يومنا هذا حتى نهاية الاسبوع .

اخوكـــــــــــــــــــــــم المخلص بن عزاب

[@ بن سلمان @]

بارك الله لك في ما منحت وما ملكت
المثل يقول:
بن عزاب اولى بلحم ثوره



وأمسى حصن غياض بيض عتابه =ماهزته صـم الجبـال الشهاليـل
يبقى حصن غيـاض كـل يهابـه =مد السلاح ورتـل الخصـم ترتيـل

[رويعي الغنم]

بالله عليك يا حسن يبن عابد بلغ أبوك عن هالفضيحه وأنا من جهتي ما أنا مقصر , وتكفى يا خلف يبن عبدالعزيز أن كنت حيا ترزق لا تأخر عن الواجب
وترون أقل ما فيها كيف ابن عزاب يهيننا ويعرض حصن القبيله اللي داخل في صكي للبيع ؟؟.

[abonayf]

اولا نرغب التأكد وذلك عن طريق الاتي :
كتابة اسماء الشهود .
كتابة اسماء المزكيه .

وياليت يكون الامر مرفق بالصور عشان نعرف بس من يكونون .

ياولد العم بتبيع اثر للقبيله .
الضاهر عورش فعلا كان له اثر عليك وينكم يخوياه في عورش ترون بنرفع قضيه عليكم الرجال راح من عندنا عاقل وارى علومه قام يجي فيها بعض شك ........
ياتنفون عن انفسكم المساس بولد عمنا وتثبتون ان ماجا من يمكم مايشوش عليه ولا ترونا فيكم .

[ابو عادل]

ماشاء الله تيارك الله امسك لي واقطع لك
بن عزاب يعرض الحصن للبيع ورويعي المعزا يدعي فيه كن مافيه غيركم تعال يابونايف
وابو تركي وبن عواض وينكم عن الفضيحة المجلجلة عموما من الزبون الأهبل اللي رايح يشتري الحصن وهو عارف راعيه تدرون جدي غياظ الله يرحمه موقف الحصن والا كان بعناه من زمان لكن قال تروه وقف ياعيالي لعيال الظهور عن عيال البطون وهذولي الثنين لاعيال ظهور ولاحتى بطون .
اشهدوا ياجيراني اني بطربقها على روس الثنين بن عزاب ورويعي النعاج مدري المعزا
والميدان ياحميدان والذال تبكيه امه.

[أبو علي]

ابو عادل عاني الله ثم عانيك تفكني من هذا المجنون اللي بيدعي عليه في حقي ومالي ، انت ما تشهد معي اني تعبان لي اربع سنوات في صك ما طلع هاليومين ودوبني ابفرح الا والرويعي طاب عليه ، انا ما بنساك لا انت ولا عيال عمي الله يحفظكم وابو نايف عصابة راسي ، وابو فهد الصاحب القديم وانت كلكم عيال عمي الفزعه نبي نظهر الرويعي وبعدين تنحل بيننا ، السهاله السهاله .

[abonayf]

العنو ابليس وتعوذو من الشيطان

الحصن ( وقف مشاع ) كلمه جديده من قاموسي واليكم نفسيرها

وقف كلمه تدل كما تعرفون لما لايمكن بيعه انما يمكن الاستفاده منه لمن كان له به نصيب .
مشاع تعني للجميع وليس لشخص واحد .
وهذا يعني ان الحصن لنا جميعا وليس لشخص واحد .
ولاكون محايدا في هذا الامر نظرا لكثرة المدعين الان بالملكيه اليكم الحل التالي
نحدد موقع الحصن ونرى اقرب بيوت واملاك مقربة من الحصن تثبت بالتواتر ان موقع الحصن هو من هذه الاملاك وان اصحابها هم من سمح ببناء الحصن بموقعه وعلى هذا نثبت الملكيه .

قولو تم
اما مسألة بيع الحصن فهذا امر اخر اعتقد والله اعلم ان بن عزاب به اثر من رحلة عورش وياخوفي يكون ماورد في الجلقه الثانيه من قصتهم المشهوره ( العوارشه في رحلتهم الى عورش ) وقد ذكر بالحرف الواحد مايلي :
ابن داخل أكتشفه عن طريق ألأرواح الشريرة التي يتعامل معها
انا خوفي تكون انتقلت لصاحبنا لكن انتم قريبين منه والمستشفى ماهي بعيده روحو اكشفو على الرجال واذا ثبت به شيئ علمونا نقيم دعوه على المتسببين .

[المشتاق]

يا ثمالة
لا تفتتنوا على صعيد وحجر
الحصن في ملك بن عزاب والاملك رويعي والا في ملك ابو عادل هو في مكانه حاضر وتاريخ
صاخ الشيطان لا تصير حرب اهلية واتفقوا بينكم وحكموا منقاش وارضوا معه عدلية راعي السواني وابن ابي محمد ولا تقولون ما قال مشتاق لكم حصنكم حصنكم

[منقاش]

ألأوله أقول أن أعقلكم يا ثماله أبو نايف والمشتاق ومنقاش , وأخبلكم رويعي الغنم وابن عزاب وابو عادل وابن داخل .
والثانيه تعرفون المصايب اللي سواها فيه قليل الخاتمه رويعي الغنم لكن اللي سواه فيه ما يمنعني عن هرجة الحق والحكم بالحصن لرويعي الغنم واركب ابن عزاب ثور واركب أبو عادل تيس رضوه لرويعي ورادعه لهم حتى ثاني مره يكبون عنهم الصماطه والهيامه والدعوجه الكذابه .
وهذا الحكم برضى عقال ثماله اللي يمثلهم الشيخ ألمشتاق ...
صدر هالحكم في سفر من عام ثمانيه وعشرين واربعطعشر ميه .

[حسن عابد]

ماشاء الله عليك يابن عزاب قدرت تحرف وتصرف في غياظ ولا احد دري عنك من ورثته ولا المسؤلين عنه رويعي وابو زيد

هذا انجاز منك واذا بعت ماني معلمهم فقط تعطيني 75/ 100يعني ثلاثة ارباع

ومتنازل بالربع لك وانت تدري ليش الحصن حصننا والجد جدنا والصك الاصلي عندنا

[@ بن سلمان @]

منقاش
ما تشوف يا والد انك تعجلت
اليوم 29 محرم الله يختم لك بخير
للعموم :
انا دوري فقط مراقب منتديات ومالي ومال الامور اللي تحصل برا المنتدى
لكن لي وجهة نظر للعقال وهي انه لابد ونربط بين طرح الموضوع الان وتوقيته مع المقابلة اللي يجريها رويعي الغنم مع جورج بوش , الامر فيه ما فيه , وكل ما اخشاه ان رويعي يستغل فترة التنويم المغناطيسي اللي يقضيها بوش ويقنعه بتدخل عسكري وعندها الله اعلم من عواقبها .

[بن وافي]

طيب عندنا حصن يا بن عزاب لايكون طلعت عليه صك واحنا ماندري
والله تسويها
بصراحة لازم نوثق حقوق القبيلة من الآثار
لأنه بن عزاب الظاهر ودة يتاجر في التحف والآثار المسروقة

[ABO TURKI]

يا خوفي يكون بن عزاب متفق هو ورويعي الغنم وبوش
وحصننا بيروح عند الامريكان اللي ضاحكين عليهم
والله يستر من التدخل العسكري
انتبه يا بن عزاب لا تدخل الاجانب ديارنا
وارجع لعقلك وكب الحصن محله
وخلنا نرجع عند حدود 1380 ونسوي خارطة الحصن
ونعيش في سلام

[بن عواض]

الله يستر عليكم كلكم أنا مادريت عن هذي العلوم الا متأخر والصكوك التالية ماتمسك علي الكوك الاوله غياض من النتفان والحصن للنتفان وانا قلبت في صكوك عندي قديمة ولقيت صك الحصن فيها والحقيقة علشان اقطع الشك باليقين راح اسوى بوابة في المدخل وامنع الدخول لتراث اجدادى واعمل مكتب ومديرة عمي ؟؟؟ والشاطر يقرب
ولي فراسة حب ما انطحن يعدي من البوابة بدون اذن المدير ونايبه ولد عمى المرابط هناك على طول .

[أبو علي]

علوم عدل يابو فهـــــــــــــــــــــــــــــــــــــــــد

[أبو علي]

بن سلمان المبلغ اللي دفعته اعتبره سومه اولى ما ني قايل شي بس خل الامور تستقر ونبداء المزاوده وما لك هم انت صاحب وماني مبدي عليك احد والمسأله مزاد علني .

بن وافي حياك الله الحصن اللي على بالك انا شريك فيه اتركه ما هو هم الان ، تعال بس خلك في صفي انا وانت عيال عم والمال واحـــــــــــــــــــــــد .
بن عواض صكك اللي عندك تلقى جدنا واحد في النهاية وحنا عيال عم بس اقفوا معي ضد الغرباء اللي ما لهم لا صغيره ولا كبيرة بيننا .

وحدو الصفوف يا عيال العم بن سلمان فتح المزاد بمية الف والخير جاي يمكن يصل المليون ........................

[@ بن سلمان @]

بن عزاب
كان ودي الامر يكون سر بيني وبينك
المبلغ ما هو مشكلة وزي ما قلت لك الشيك جاهز ومصدق
الان بعد افتضاح الامر اخشى يكون رويعي الغنم عرض الموضوع على بوش واي تدخل من بوش ربما يضطرني اسحب نفسي من الموضوع , وانا اشوف في الحالة هذه تندب لك احد لزيارة الى موسكو يعني اعتبرها تشتيت ذهن لرويعي الغنم وفرصة لالتقاط الانفاس في حالة ردة فعل بوشية منتظرة .

[>>>>المشيلحي<<<<]

تفاتنو ومنقاش سرا الليله يحمل في الحصا بيبني له حوطة
الحقو الحصن سرا

[منقاش]

أن كان تبون كلام شيوخ ما هو ورعنه من حقتكم
من مات أول يبعث أول ,, أول شوفوا حل لمشكلة أبو عادل في كلبه اللي كان بالعفى والعافيه حتى وصلته يد الغدر ( شل خدي عنك يا فراس اللي ما دونك رجال تأخذ بثارك), واللي يسوى عنده قبايل ما هو قبيله واحده , وبعد تصفون الميدان وما بينكم وبينه تعالوا للعلوم الصخيفه والضعيفه من حصن والا غيره .....

[ابو عادل]

ترى يامنقاش فرّاس في عداد الأموات وأقفل ملف القضية وحنا في الميت الحاضر
الحصن ماعليه تعدي بالتحرف والتصرف والبيع والشرا .الحصن وسوحه وفسوحه وطرقه واستطراقه وياويله وسواد ليله اللي تسول له نفسه بس يجيب سيرة الحصن وترى عندي دعوة كذلك في حصن النعير .
وانت يابن سلمان شايف المشاكل وتبغا تشتري من الحراميةأنصحك لا تحط ايدك في الموضوع تبلش وتروح فلوسك بدون بيعة وهم مايمونون على البيع والشرا والحصن لجدي وثابت بجميع الاثباتات الشرعية والقانونية والعرفية وسلامتكم .

[بن داخل]

يابن عزاب
السوم لي والبداية عندي
خل الحصا حقته ابا ابني بها
غرفتين واكشف الطايف وضواحيه
راح باربع من غنم رويعي الغنم وحمار منقاش
قول تم

[أبو علي]

ابو عادل الله يرحم من عقبك اقف عند حدك حصن النعير صكوكه من العهد العثماني والكل يعرف قامت عليه الحروب والناشايب وحقنا جدا عن جد .

اما حصن غياض فهو منحه اخذته من الدوله خلك من القبيلة وغيرها ومنت شايفتي احفر وادفن واشتغل طول السنين حوله الا ابحصل عليه منحه وهلحين جاني انت والفاضين تطالبون يسدك بيت الحجر اللي بنيته وشوفك بنعمه عندك بيت حجر تحسدني على الرضمه حقت الحصن ، اتق الله وخل الجيرة والصحبة تدوم والا والله لاروح المحكمه عند راشد واخرب عليك ...........

[أبو علي]

يا منقاش عان بن داخل جاني بونيت غمارة محمل فيه غنم وحمار شكله سارقها من عندك الحق قدم دعوة على الرجال

[@ بن سلمان @]

بن عزاب
شفت لو خليت الامر سر بيني وبينك كان تمت الامور على سنعنا
هذا ابو عادل يناصح , وهذا بن داخل يزاود
حصنكم عندكم وفلوسي عندي
اصلا انا كان قصدي ارممه وارفعه قامة والا قامتين وسوي له ابراج واربي فيه حمام
لكن علمي والله يارويعي الغنم ليضوي عليكم بوش وهذه دقني