|
( تفو ) هي مدح ولاّ شتيمـة
ابيات اعجبتني وحبيت اشارككم بها البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصنـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة منقول تحياتيــ للجميعــ |
رد: ( تفو ) هي مدح ولاّ شتيمـة
مشاء الله 17 مرو على القصيده ولانزلتلهم من زور
معقوله اثاريني مزاجي عكر بهذا الشكل ولا فيه سر ثاني قولو الصدق |
رد: ( تفو ) هي مدح ولاّ شتيمـة
تكرم يا بو فهد عن الردى
مير حنا ندور الشيء الخفيف ثلاث سطور وجاي وتختمها بههههههه تصدق مرت علي هذه القصيدة في المنتدى لو لي حيل أستقعد لك كان إستقعدت وأثبت لك إنها مكرره وخليت المشرفين ينقلونها لقسم المكرر , لكن بيني وبينك جمايل ما ودي أعكرها يسلم لنا الأختيار الذائق والهادف |
رد: ( تفو ) هي مدح ولاّ شتيمـة
صح لسان قايلها ولا هان ناقلها
الحين شركات الاتصال ما قصرت خفضت مكالمات آخر الليل |
رد: ( تفو ) هي مدح ولاّ شتيمـة
اقتباس:
اقتباس:
الله يجبر بخاطرك يامدهش انت والسمهري ولو بعد ردكم هذا يخفسون بالقصيده من اساسها ماعاد يهمني ادري ان اسلوبي بالموضع هذاك جعل الكثيرين يفهمون ان ابوفهد رجل جلف وغير قابل للمرونه ولكن يجب ان يفهم الجميع ان لكل مقام مقال . دمتما بافظل حال |
رد: ( تفو ) هي مدح ولاّ شتيمـة
روووووووووعه يعطيك ربي الف عافيه |
| الساعة الآن 05:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by