رد: تهنئه للواء عبدالهادي الثمالي
السلام عليكم ورحمة الله وبركاته
الف الف مبروك يابوزياد وعقبال فريق
واسمحولي ان اكتب هذه المشاركه من الاستاذ القدير ابومحمود يهنئ فيها ابني عمه
اللواء عبدالهادي واللواء عبدالله
يقول:
مبروك مبروك والله والخلايق شهود
مبروك من كل قلبي بالولا والعهود
انتم رجال الشرف واهل الوفا والوعود
تستاهل اكثر هل الطالات ورجالها
مبروك رتبة لوا ياطيبين الفعال
تاج(ن) على روسنا والكل منكم مجال
انتم هل الطايلة واهل الوفا بالفعال
تستاهل اكثر هل الطالات بافعالها
الله يهنيكم اكثر زود مماحصل
هذا عشمنا جميع (ن) ربعنا والاهل
والعز لهل الفخر والتاج للي وصل
تستاهل اكثر هل الطالات ورجالها
العيد يوم اعلن المصدر علينا الخبر
شيخاننا والقبيلة شملنا والجبر
اسعد خبر جالنا واسعد نبا بالفخر
تستاهل اكثر هل الطالات ورجالها
فقام بالرد عليه ابو زياد بالآتي:
الله من علم جاني مع هبوب الرياح
يحمل تهاني من اهل الطيب واهل السماح
فيه العذوبه وفيه الحب والانشراح
يحمل مشاعر هل الطالات ورجالها
طيب يجي من رجال الطيب وقت الغروب
همال مزن(ن)يساهم في انتعاش القلوب
يلقى معزه ومقداره فكل الدروب
يعكس مشاعر هل الطالات ورجالها
لاتحسب اني لحالي في علوم النشب
مني خذ الشعر واما صاحبي للشبب
وصاني اكتب واردد من فنون الطرب
حشمه لمبدا هل الطالات ورجالها
|