[abonayf]

[qu]

القصيـــة الاولى :
_______________


القصـــة السادسه :
_________________

كانت هناك طالبه من طالبات الكليه كانت تسكن فى احدى القرى وكان يغلب عليها طابع البداوه من حيث لبسها لقلة ذات اليد ..
وكانت من المتفوقات فى دراستها. وذات يوم مرت احدى الطالبات ورأتها فقالت : (شوفوا البدويه ) فحزت هذه الكلمه فى نفس الطالبه فلما وصلت بيتها كتبت قصيده هي ابلغ رد واسمعتها اياها في اليوم التالي، واليكم القصيده :

أيه ابدويه ريحتـى بـن وبهـار "" هذا شرف ماهو بحقـى خطيّـه
انا ابدويه بنت حرٍ مـن احـرار "" فزعات ربعـى بالشدايـد قويّـه
انا هلى يابنت وافيـن الاشبـار "" كانك جهلتى مـن انـا ياغبيّـه
ياجاهله ماتغذى الشمس الانـوار "" حنا كما شمسِ على الارض ضيّه
حناهل الطولات هيبـه ومقـدار "" حنّـا مثـال للشـرف والحميّـه
حنا الطنايا للكرم رمـز وشعـار "" حنـا خـويٍ مايخلـي خـويّـه
الذيب يوم انه عوى وسط الاسعار "" عشّوه ربعى مـن سنيـنٍ مديّـه
يوم ان جدك وثّق القفـل بالـدار "" بيت الشعر مفتوح صبح وعشيّـه
للضيف ريف وللمعاديـن جبّـار "" نرد الفيـاض ولانهـاب المنيّـه
يابنت لو بكتب من الشعر أشعار "" تعجز معانـى حـروف الابجديّـه
اللعب..خلّى اللعب لعيال شطـار "" لاتدخلين السيـل وانتـى نديّـه

___________________==============_________________

[القصــــــه السابعة :
______________
الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يزقهم الله ولكن أمر الله قد نفذ وانقطعت من ذلك الزمان ديارهم ....... ( ولم ينجبوا أولادا ) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخرابات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءة بأن يمكث عندهم حتى يقضي الله أمرة فلم يستجب له أحد منهم ...................... فقال فيهم الأبيات التالية :

قال الذي يقرا بليا مكاتيب ******* ياللي تقرون العمى من عماكم

ياعيالي اللي تشرفون المراقيب *** تريضوا لي واقصروا في خطاكم

خذوا كلام الصدق ما به تكاذيب **** مثل السند مضمون للي وراكم

ياعيال لا صرتوا ضيوف ومعازيب **** ترى الكلام الزين ملحة قراكم

وتروا السبابة من كبار العذاريب **** وهرج البلايس ما يطول لحاكم

المذهب الطيب فهو مذهب الطيب ***والمذهب الخايب يبور نساكم

ياعيال ما سرحتكم باللواهيب ****** ياعيال ما عمر المعزب ولاكم

ياعيال ماضربتكم بالمشاعيب ****** ولا سمعوا الجيران لجة بكاكم

ياما توليت القبايل تقل ذيب ****** من خوف لاينقص عليكم عشاكم

وياما شربت السمن من عرض ماجيب ** يـــفــز قــلبي يوم يبكي حداكم

أحفيت رجليني بحامي اللواهيب ***** وخليت لحم الريم يخالط عشاكم

ياعيال دوكم لحيتي كلها شيب ****** هذا زمان قعودنا في ذراكم

قمت اتوكا فوق عوج المصاليب ****** قصرت خطانا يوم طالت خطاكم

عطوني القرضة عليكم مطاليب ****** عطوني القرضة جزى من جزاكم

لابد يوم عاوي دوني الذيب ********* بالقبر ما افرق طيبكم من رداكم

ماني بفاضحكم بوسط الاجانيب ****** باعمالكم يدرون كل اقرباكم

لوكان تدرون الردى والمعاييب ******** صرتوا مع المخلوق مثل خوياكم

خوالكم بالطيب تروي المغاليب ******* ولو تتبعون الجد محدن شناكم

وش علمكم يا تاركين المواجيب ****** حسبي عليكم هالردى وين جاكم

قصيتكم واسندت وادي سلاحيب ***** ولقيت بالصبخا مدافيق ماكم

ياعيال بعتوني (بصفر العراقيب)* ***** ما هي حقيقة سود الله قراكم

يالله عسى اعماركم شمسها تغيب *** يعتم قمركم ثم تظلم سماكم

يا علكم في حاميات اللواهيب ****** ياللي على الوالد خبيث لغاكم

شفت الجفا والحيف والغلب والريب **** بضلوعكم لابيض الله قراكم

عسى نساكم ما تحمل ولا تجيب **** ولا حدن من البزران يمشي وراكم

اخسوا خسيتوا يا كبار اللغابيب ***** اهبوا هبيتوا يقطع الله نماكم

================================================== ================

[/qu]


مشاركه جميله جدا

وقد تأثرت بقراءة القصيده الاخيره

ولا نقول سوى اصلح الله لنا ابنائنا ونسأل الله أن لايردنا الى ارذل العمر