منقاش المتصهين/ الحلقة ألأولى

[منقاش]

منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى

هاك اليوم كنت منتشي وطربان على ظهر حماري وأنشد بعض الزهم في محدراري السوق من عند مسجد ابن عباس ,,, الا وهاك الرجال ألاصهب اللي معترضني وموقفني , هاثم تشربطني وسلم عليه بالوجه ,, قلت يا ولد تراك نكره عليه؟ ,, أنت من أي القبايل ؟, رد عليه : أنا من متصهينة العرب , واسمي وباقي علومي تجيك بعدين .. ثم سعلني : وانت يا وجه الخير تعود في من ؟, ووين ديارك ؟, وويش أسمك ؟؟وويش شغلك , وويش أحوالك ؟؟.
رديت عليه : الاوله ونعم بك وبربعك المتصهينه , والثانيه , أنا الشيخ منقاش من كبار ثماله , وديرتي في ديار آل ساعد في شعاف جبال فرعة ثماله ,, وشغلي أزرع وأقلع وأضرم وأرعى رعيتي , والحال مستور ,,, لا أحتاج أحد ولا عندي زود ,,, يعني اللي نحصله من كدنا يسدنا في معيشتنا ويكرم ضيفنا ويجملنا مع مسترفدنا , وان ضاقت في سنه تجبرها السنة اللي بعدها , والحمد لله العافيه هي راس المال.. رد عليه : ونعم بك وبربعك وبديارك ,, والظاهر أن أمك دعت لك ليلة القدر, وأظنك تبي تطلع في العلالي ,, وتراني أبغي أجيك الى على حدك في بيتك ومعي رجال ما هو منا يالمتصهينين ,, لالا,,رجال من قبيلة الصهاينه أنفسهم ,, وعلومنا نعطيك أياها من على فراشك ,, بس ترانا نبي ندهمك بليل وننسل من عندك بليل , ولا نبغي أحد غيرك يدري عنا ولا عن غرضنا عندك ,, وترى خويي أذا سلم عليك يبي يقول : شالوم عليخم , وأنت رد عليه : عليخم شالوم ,, واذا قالك : ما أتا ؟؟, رد عليه : آني منقاش ,,, وباقي الهروج كلها رطانه , أنت ما تعرف رطنه وهو ما يعرف رطنك لكن انا بينكم أرطن لكل واحد فيكم برطانة الثاني ..
قلت يا ولد : الضيف ما يلفي معازيبه بليل ويسري بليل مثل الحرامي ,,, واعدوني كما الرجال وخلوني أكرم سبالكم وأجمع لكم وجيه ربعي يهرجون معكم على فراشي ويوسعون صدوركم .. ردعليه : لالالا ,,, حتى عيالك ما نبي نشوفهم ولا نبيهم يدرون عنا , ولا نبغي ضيافه ولا كيافه ,,, وتراها أقتربت من شاربك ولا يردها عنك الري الخايب ,,, وظربة الحظ أن كان جاتك مره في العمر يمكن ما تكرر ,,,, قلت : تدري تم وانا أبو نقشه ,,, بس خذ في حسابك , ترى عندي كلاب مغلث تقضم الحصى أبربطها بالليل حتى ما تشلويكم متى ما جيتم ,, لكن عجلوا عليه , ولا تأخرون ..
رد عليه : من ليلة القابله أحسب ثلاث ليالي نجيك في واحده منها بليل أظلم , ووقتها تعرف جابتنا ونعرف ردك ,, وترى العلوم تسرك وظني أن حظك يبي يقوم وأحوالك تبي تزين وتعود راس تدف القروش برجلك وتهرج من راس خشمك ولا يفتلون ربعك راي بدونك ,,, بس خلك سبع من السباع اللي تعرف أنها في ديار مسبعه وتغدى بغيرها من السباع قبل تعشا بها ..
الى عند المسبعه والسباع نتوقف ,, وتابعوا معي الحلقه الثانيه وفتحوا عيونكم , ضيوفي جوني في علم كبير كبير , ورفيقكم منقاش قدها وقد أكبر منها ,,, وسلامتكم ...