نار الفراق

[خلف بن عبدالعزيز الثمالي]

نار الفراق نار الفراق نار الفراق نار الفراق نار الفراق

[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
يا راعي البيت الشعَر والنجايب= والعاديات وشبّة النار والقاف
سلام ربي عد وبل السحايب=وعداد رعدٍ دن له برق خطّاف
وبْل أسعد الحي وهمَل بالشعايب=سيّل على الوادي ويهدم بالاجراف
فاضت به ابيار الحجاز الجدايب=ولياه بعد الجدب يرمي على الساف
غنّى له القمري وسوّى العجايب=يرقص على غصنه وينفر للاحقاف
احلى من الرمان هو والعنايب=واحلى من الشّهد المصفى بالاقحاف
واطعم من المشمش ليا كان طايب=واطعم من البرشوم والخوخ بالزّاف
واطيب من الورد الهداوي الجلايب=يُهدى مع الكادي لغايب ومصطاف
عليك يالبتار من راس هايب=هابك صقيل وشيخ تاقف بميقاف
ماهو على اللي حث يوم الركايب=واخلى ربوع قريش من عقب ميلاف
أخرج زهابٍ له وصك الضبايب=واقفى ولا ودّع بيومه وهو شاف
أثخن جراح القلب سيد الحبايب=يوم الفراق بدون مازِل بخلاف
قصده يزيد الجرح واذكره غايب=مدري هو احساسه على القلب خوّاف
عارف مدى مضنى من الوجد ذايب=لو غاب عنه يضيق والطرف ذرّاف
يدمح ويغضي مايحب النشايب=عن مايحز النفس بالحيل عزّاف
أعطى خفوقه والحقه بالذهايب=ما قال مرّه لا ولا كان سوّاف
ولا انتظر رد العطا والوهايب=ولا على ماعطى مع الوقت حسّاف
ماجات به الدنيا تذره الهبايب=من شخصه الفاني ليا مال ولحاف
يابو العيون السود حلو الرضايب=وبو الرموش اللي كست خد شفّاف
يلي انتثر شعرك على الخصر سايب=مس اخمص اقدامك وموّج بالارداف
لا هبّك الغربي وكنت انت آيب=أزعج وجَنْك وسيف زاهي له أوصاف
واثلج رياضك والنهود الصلايب=والخيزران يميل مابين الاطراف
ان كان مالك شف يابو العضايب=محدٍ على قلبك وقف باربع اشلاف
لكن انا لي حق والحق صايب=حق السلام اللي خفرته بالاجواف
وش كان ينقص منك وش كان عايب=لو ارسلت لي نظره وانا امسح بالاكفاف
كان ارتكيت العمر بالقلب دايب=وليا مشيت الراس عندك والاكتاف
واللي رفعها سبع مِجْلي الكرايب=ما سجّها ابحث عنك واطرق لك أدراف
جزا رُفوع ارقبك حدْر الهدايب=والفر عُقب الكر وجروح واجحاف
وان شد بي شوقك بنوش الرقايب=وابدي على مرباك الاول بمشراف
أهِل دمعي فيه وقت النحايب=وادفع ثمن ظني بمرقاب نوّاف
وانزل على اطلالك وذيك الخرايب=واسقي غروسٍ لك حنيني بالاكناف
وليا طواني الليل باغلى الجنايب=ابوضي الغدرا وسامرك رفّاف
واكسر على الجذوه وحُمر اللهايب=عيدان يبْست كانت بيوم وُرّاف
حتى ليا رديت لاغلى القرايب=واصحابي مبارك وبندر وعسّاف
يلقون هاجرهم عن البيض تايب=يهرج ويضحك وان كتم جرح نزّاف[/poem]