فيتو ضد الفيتو

[ابو عادل]

فيتو ضد الفيتو فيتو ضد الفيتو فيتو ضد الفيتو فيتو ضد الفيتو فيتو ضد الفيتو

هذه محاولة لمجاراة قصيدة(نحت من صخر) للأخ بعيد النظر

[POEM="font="Simplified Arabic,5,crimson,normal,normal" bkcolor="transparent" bkimage="images/backgrounds/20.gif" border="none,4,gray" type=2 line=0 align=center use=ex num="0,black""]
جيت وهلا في روض عطر الزهر من زهره يفوح=وانته على موعد مع ازهاره لياصارت ثمر
قريت في متن الكتاب وفالحواشي والشروح=فيها من السيل العرمرم لين زخات المطر
ياهدهد الوادي تجيب اغرب نبا وانته تنوح=أترك سبا واخذالنبا لاجاك شرولاقشر
مافي مساحات الزمن توقيت كافي للنزوح=وان كان جافيت المقام نقول ماكذّب خبر
الملك للملاك والرعيان ترعى فالفسوح=والراس الاقرع لاشواه القيض يبحث عن شجر
فالليل اقدم لك غبوق وصبح اقدم لك صبوح=دافي ومتعافي ولاتلقى بعد هذي عذر
ان كان طبك للجروح يحير في طب القروح=اصبر وانا بصبر وازيد اصبر وغيري من صبر
الله يعين البوح لوقوبل بسبعين الف بوح =من كثر بوح الخافق المعنى تلعثم فالنحر
عينك على لوح القدر مدري نسيت الواح نوح=أصنع سفينة للبحر وانته على طاري القدر
اركب على ظهر السفينة لا ميول ولاجنوح=تمخر عباب البحر لاتلقى عسام ولاحجر
أنا على مرساي واراقب مراويح السروح=اللي سرح سابق شعاع النور مرواحه عصر
واللي على قمة مطلّة مايناظر للسفوح=وان مرّسوق البيع ماباع الجواهر بالبعر
اليالقيت اهل المروة (قرّ) خذها من نصوح=أفضل زمانك وانت بين اهل المغازي والسّير
نعم هلافي روض عطر الزهر من زهره يفوح=تاكل من اثماره وباقي الزهر يوعد بالثمر


[/POEM]


















ا