مشكلة الدجاجه والرز / ملطوشتان

[بيقبن بن فنحاص]

مشكلة الدجاجه والرز / ملطوشتان مشكلة الدجاجه والرز / ملطوشتان مشكلة الدجاجه والرز / ملطوشتان مشكلة الدجاجه والرز / ملطوشتان مشكلة الدجاجه والرز / ملطوشتان

القصتان مسروقتان
.........................
مشكلة الدجاجه
[align=center]جاء رجل ومعة دجاجة مذبوحة ( يعنى ميتة ) وكان رايح لمحل الدجاج
>عند راعى الدجاج علشان يقطع الدجاجة فقالة راعى الدجاج خلاص روح لك
>ربع ساعة وتعال لي تلقاها جاهزة
>قالة صاحب الدجاجة : خلاص اوكى
>
>
>فمر قاضى على راعى الدجاج وقالة :عطني دجاج
>قالة راعى الدجاج : والله ماعندى الا هذى الدجاجة وهى لرجال بيرجع الحين
>قالة القاضى : خلاص عطنى اياها واذا جاك صاحبها قوولة الدجاجة طارت
>قال راعى الدجاج : وشولون مايصير هو جايبها ميتة كيف ؟؟؟
>قالة القاضى : اقوووووولك قولة كذا ولا عليك وخلية يشتكى ولا يهمك
>قال راعى الدجاج : اوكى والله يستر
>
>
>جاء صاحب الدجاجة عند راعى الدجاج وقالة وين دجاجتى ماخلصت
>قالة راعى الدجاج : والله دجاجتك طارت
>قال صاحب الدجاجة : وش تقوووول كيف صاحى انت انا جايبها ميتة
>وصار بينهم شد فى الكلام وبغوا يتهاوشون
>فقال صاحب الدجاجة : امش معاى للقاضى علشان يحكم بينا هناك ويطلع الحق
>
>فراحوا للقاضى وعند ذهابهم للقاضى فى الطريق شافوا اثنين يتهاوشون
>واحد مسلم والثانى يهودى
>فجاء راعى الدجاج يفرع بينهم ( يعنى يفرق بينهم ) ولكن اصبع راعي الدجاج
>دخلت في عين اليهودى وفقعها
>فتجمع الناس ومسكوا راعى الدجاج وقالوا هذا اللى فقع عين اليهودى
>فصارت القضية قضيتين فوق راسة
>
>
>فجروة للمحكمة عند القاضى فيوم قربوا من المحكمة حاول يفلت منهم وهرب
>وجروا وراة يلحقونة يبون يحاكمونة لكنه دخل فى مسجد وهم وراة
>وركب فوق المنارة وهم وراة اخرتها طمر (نقز) من فوق المناره الا وهو على شايب
>فمات الشايب من اثر طيحت راعى الدجاجة علية
>
>
>فجاء ولد الشايب وشاف ابوة مات فلحق راعى الدجاج ومسكة هو ومعاة باقى الناس
>فذهبوا بة الى القاضى
>فلما شافة القاضى ضحك يفكرة علشان السالفة اللى قالة عنها الدجاجة
>مادرى ان راعى الدجاج علية ثلاث قضاياء :
>1) سرقت الدجاجة
>2 ) فقع عين اليهودى
>3) قتل الشايب
>
>فعندما علم القاضى مسك راسة وقال عز الله انك جبت العيد
>فجلس يفكر القاضى وقال خلونا ناخذ القضايا وحدة بوحدة
>
>
>فنادو صاحب الدجاجة
>فقالة القاضى وش تقول فى دعواك على راعى الدجاج
>قال صاحب الدجاجة : هذا ياقاضى سرق دجاجتى ونا معطية اياها وهى ميتة
>ويقووووول انها طاااارت كيف ياقاضى
>قال القاضى : هل تؤمن بالله
>قال صاحب الدجاجة : نعم اوئمن بالله
>قالة القاضى : ( يحيي العضام وهى رميم ) يلة قم مالك شى جيبو المدعى الثانى
>
>
>فجابوا اليهودى وقالوا هذا ياقاضى فقع عينة راعى الدجاج
>فجلس القاضى يحوس ويفكر ويطلع وينزل,,,,,
>فقال القاضى لليهودى : دية المسلم للكافر النصف يعنى نفقع عينك الثانية
>علشان تفقع عين وحدة للمسلم (راعى الدجاج )
>فقال اليهودى : خلاص انا اتنازل ماعد ابى شى منة
>فقال القاضى : عطونا القضية الثالثة
>
>
>جاء ولد الشايب اللى توفى وقال : ياقاضى هذا الرجل طمر على ابوى وقتلة
>ففكر القاضى وقال : خلاص روحوا عند المنارة وتركب انت يالولد فوق وتطمر
>على راعى الدجاج
>فقال الولد للقاضى : طيب واذا تحرك يمين ولا يسار يمكن اموت انا
>قال القاضى : والله هذى مو مشكلتى ابوك ليش ماتحرك يمين ولا يسار
>فطلع راعى الدجاج من القضايا الثلاث زى الشعرة من العجينة



--------------------------------------------------------------------------------
مشكلة الرز
الوجبه الوحيده اللي قد تخلو من الرز في السعوديه هي وجبة الفطور
مع اني اعرف واحد يسوي ساندودش رز في الصباح
بس نقول هذا حاله شاذه
لكن في باقي الاوقات كل الشعب ياكل رز
الغدى رز والعشاء رز و الوجبه الرئيسيه في المطاعم رز
في قصور الافراح والزواجات والمناسبات ولاعياد ياكلون رز
في طلعات البر يمكن ينسون الخيمه لكن ماينسون الرز
اذا نوى احد يسافر برا السعوديه يشحن معه كم قطمة رز حتى لو بيسافر للعلاج من السمنه
اذا واحد سعودي عايش برا السعوديه يوصي اهله يشحنون له رز او يوصي اللي جايين يقضون عنده الصيفيه
اعرف واحد تنوم في المستشفى مدة اسبوعين ومنعوه من الاكل نهائياً
وصار المغذي في يده على طول
من لهفته على الرز سأل الممرضه (عندكم مُغذي بنكهة الرز؟!)
حتى الاطفال ادمنوا على الرز
وحتى اللي يرضعون يسوون لهم سيرلاك بالارز
حسب إحصائيات التجارة الخارجية التي تصدرها مصلحة الإحصاءات العامة بوزارة المالية والاقتصاد الوطني عام 1999 م، بلغ إجمالي الكميات المستوردة خلال هذا العام أكثر من 700.000 طن وباجمالي فاق 1.8 مليار ريال
تخيلوا (700,000 طن) ويقولون ليش فشلت عندنا مشاريع الصرف الصحي !!!

الأنواع التي يتم استيرادها
أرز غير مقشور
أرز مصري
أرز أمريكي
أرز بسمتي عنبر
وانواع اخرى
أهم الدول المصدرة للمملكة عام 1999 م :

الكمية بالطن ـــ الدولة

531263 ــــ الهند
2240 ـــ مصر
53050ـــ تايلاند
120776ـــ الولايات المتحدة
21971ـــ استراليا
51459 ـــ باكستان
431ـــ بنغلاديش
300 ـــ سنغافورة
500 ـــ اليابان
508ـــ إندونيسيا
201 ـــ الصين


الهند في صدر قائمة الموردين للملكة
السعوديه اهم المستوردين من الهند
طيب لو زعلوا علينا الهنود وماصاروا يصدرون لنا رز, وش ناكل؟؟