حسن الخاتمة

[عوض بن سلمان]

حسن الخاتمة حسن الخاتمة حسن الخاتمة حسن الخاتمة حسن الخاتمة

من وقت كنت في خلوة مع نفسي أقلب في أحوالي يمين ويسار ساعات أحس بالرضا وساعات يدخلني أفكار تصدر وتارد ومدري والا اني متهيض بالثلاثة الابيات الاولة من القصيدة التالية ثم دقرت العلوم اللي في راسي وقلبتها يمين وقلبتها شمال عساني أنهي بها هيضة مالقيت الا البنوك تذكرت اكتتاب بنك البلاد ويوم جزؤها كنها تساوي احد يتابعها وهي يوم فوق وعشره تحت ...ونا راس مالي منها ما غير 10000 سهم ( وعلى قولة أخوانا القصمان لا تحسدونن )



[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="0,0" break="breaklines/13.gif"]
يــاالله يــاالله تــهد يــني عــلى تــقواك والـديـن = تـحسـن لـي الـخاتـمة يـاالله في كل المعاني

لا والله ذهـبت وسـرت أشـوف الـزول زولين = والـصوت مـااحيه لين يقربونه في الأذاني

مـن بـعد ما كنت يا سلطان سلطان السلاطين = والـيوم دن الـبعـير وعـودة عـشره ثـمانـي

والـبنـك يـا اصـحابـنا مـابـين سـبعين وثمانين = لا راح عـني بـعيـد ولاقـرب مـني وجاني

اســبابــها الــتاجـرالـلي يـحتـكمـها بـالـملايـين = يـرمـش لـها بـالـعيـون ويـبتلعها في ثواني

وشــتبــت الــنار مــابــين الـمأذن والـمصـليـن = واحـد يـبي يـكسـب الغفران والثاني يعاني

مـن فـين يـالـتاجـرالـلي جـبتها من فين من فين = مـن بـر بـاريـس ولا جـبتـها مـن بـر ثاني

كـم واحـد مـات بـاسـباب الـبنـوك بدون سكين = يموت مثل الخروف اصبح مدلع باللساني

فكرت في اصحاب الاسهم كلهم مثل المجانين = يـمسـي ويصبح مع الامه سوات البهلواني

لـيا نـزل يـوم تـلقـاهـم عـلي الـشاشـه مـصفين = ولــيا طـلع يـوم تـلقـاهـم يـلجـون الـغنـانـي

وصـاروا يـمدون فـي حبل الشقا ماهم بدارين = ونــا طـويـته كـما تـطوي حـبال الـسوانـي

اخـتم كلامـي بـذكـر الله فـي الـساعات والحين = عـداد مـاهـبت الـهبـان واومة بـالـغصـاني



[/poem]