منقاش المتصهين/ الحلقة ألأولى

[منقاش]

منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى منقاش المتصهين/ الحلقة ألأولى

هاك اليوم كنت منتشي وطربان على ظهر حماري وأنشد بعض الزهم في محدراري السوق من عند مسجد ابن عباس ,,, الا وهاك الرجال ألاصهب اللي معترضني وموقفني , هاثم تشربطني وسلم عليه بالوجه ,, قلت يا ولد تراك نكره عليه؟ ,, أنت من أي القبايل ؟, رد عليه : أنا من متصهينة العرب , واسمي وباقي علومي تجيك بعدين .. ثم سعلني : وانت يا وجه الخير تعود في من ؟, ووين ديارك ؟, وويش أسمك ؟؟وويش شغلك , وويش أحوالك ؟؟.
رديت عليه : الاوله ونعم بك وبربعك المتصهينه , والثانيه , أنا الشيخ منقاش من كبار ثماله , وديرتي في ديار آل ساعد في شعاف جبال فرعة ثماله ,, وشغلي أزرع وأقلع وأضرم وأرعى رعيتي , والحال مستور ,,, لا أحتاج أحد ولا عندي زود ,,, يعني اللي نحصله من كدنا يسدنا في معيشتنا ويكرم ضيفنا ويجملنا مع مسترفدنا , وان ضاقت في سنه تجبرها السنة اللي بعدها , والحمد لله العافيه هي راس المال.. رد عليه : ونعم بك وبربعك وبديارك ,, والظاهر أن أمك دعت لك ليلة القدر, وأظنك تبي تطلع في العلالي ,, وتراني أبغي أجيك الى على حدك في بيتك ومعي رجال ما هو منا يالمتصهينين ,, لالا,,رجال من قبيلة الصهاينه أنفسهم ,, وعلومنا نعطيك أياها من على فراشك ,, بس ترانا نبي ندهمك بليل وننسل من عندك بليل , ولا نبغي أحد غيرك يدري عنا ولا عن غرضنا عندك ,, وترى خويي أذا سلم عليك يبي يقول : شالوم عليخم , وأنت رد عليه : عليخم شالوم ,, واذا قالك : ما أتا ؟؟, رد عليه : آني منقاش ,,, وباقي الهروج كلها رطانه , أنت ما تعرف رطنه وهو ما يعرف رطنك لكن انا بينكم أرطن لكل واحد فيكم برطانة الثاني ..
قلت يا ولد : الضيف ما يلفي معازيبه بليل ويسري بليل مثل الحرامي ,,, واعدوني كما الرجال وخلوني أكرم سبالكم وأجمع لكم وجيه ربعي يهرجون معكم على فراشي ويوسعون صدوركم .. ردعليه : لالالا ,,, حتى عيالك ما نبي نشوفهم ولا نبيهم يدرون عنا , ولا نبغي ضيافه ولا كيافه ,,, وتراها أقتربت من شاربك ولا يردها عنك الري الخايب ,,, وظربة الحظ أن كان جاتك مره في العمر يمكن ما تكرر ,,,, قلت : تدري تم وانا أبو نقشه ,,, بس خذ في حسابك , ترى عندي كلاب مغلث تقضم الحصى أبربطها بالليل حتى ما تشلويكم متى ما جيتم ,, لكن عجلوا عليه , ولا تأخرون ..
رد عليه : من ليلة القابله أحسب ثلاث ليالي نجيك في واحده منها بليل أظلم , ووقتها تعرف جابتنا ونعرف ردك ,, وترى العلوم تسرك وظني أن حظك يبي يقوم وأحوالك تبي تزين وتعود راس تدف القروش برجلك وتهرج من راس خشمك ولا يفتلون ربعك راي بدونك ,,, بس خلك سبع من السباع اللي تعرف أنها في ديار مسبعه وتغدى بغيرها من السباع قبل تعشا بها ..
الى عند المسبعه والسباع نتوقف ,, وتابعوا معي الحلقه الثانيه وفتحوا عيونكم , ضيوفي جوني في علم كبير كبير , ورفيقكم منقاش قدها وقد أكبر منها ,,, وسلامتكم ...

[ابو عادل]

شالوم عليخم
كيف حالك يامنقاش والله غيبت ، من زمان ماشفناك
المهم عساك بخير وعسى علومك الباقية مع ضيوفك زينة
عجل علينا بالسالفة وسلامتك ......قصدي شالوم عليخم.

[abonayf]

حياك الله يامنقاش

ننتظر بقية العلوم وقتها نعرف مدى ماوصل له التصهين

[أبو عبدالرحمن]

يا زين علوم المغاربة!!!

يا شيخ منقاش أظنك ستلحق بأهل الغنى والمال مثل رويعي الغنم..

لكن لا أستعجل الأحداث..بانتظار أخبار الضيوف المتصهينين..
وأن أقول صاحبك البكاش لو يحضر معاك ..عساه يسدك في الهرطلة

[بن عواض]

سالم وغانم عسي علم خير والله يرزقك من واسع بابه . عجل علينا بباقي علومك .

[منقاش]

يا الله صباح خير , أصبحنا واصبح الملك لله
يا جماعة الخير فكوني من أبو ملاك ,, الرجال عناد فيه أخذ موضوع زميلنا الرجال الطيب ثمالي برشلوني اللي عن التيوس والفياقرا وطيره من أسفل وحطه على راسي ..
وا معورتك يا منقاش من الباطل.
آسف ,,, نعود للردود بغيت أنساها ..
أبو عادل : عليخم شالوم , وطيب طبت , وسعلت عنك العافيه والحمد لله أنا بخير ,, وغيبتي عنكم سببها أني بغيت أغير أسمي لكن فكرت أنه حرام أغيره ومنقاش على لسان الشعار والقبايل يمدحون فيه ..
بس ابغي أسعلك عن صاحبك ابن عزاب اللي كان ودي ترمي على صحبته بسبعه حصى , الرجال ما عاد أشوفه يبدي على المنتدى , الظاهر أن رويعي الغنم جلاه ؟؟ لكن خليه ما جاه هناه ويستاهل أكثر هو وابو أمجد وابو هاشم..
ابو نايف : أبقاك الله , وباقي علوم الصهينه تجيكم قريب أن شاء الله ...
أبو عبدالرحمن : دخيلك لا تنزل مستوايه لمستوى سويد الوجه الرمه رويعي الغنم ,,, واما بكاش المسكين تكفى لا تذكرني أياه , ضميري يصحا أذا ذكرني أحد به وتسيل دمعتي على خدي من الحال اللي جرى له ...
ابن عواض : ومن قال يسلم ويغنم ,,, والعلوم أن سلمت من المناكعه وأخذتوا بخاطري تبي تكتمل وتعرفونها حتى نهايتها ..

[ABO TURKI]

والله منت بسيط يا منقاش
لكن انا عارفك تبي تنشبها وتخرب الماضوع كله
نحتري ونشوووف

[المبرِّد]

أنت جبت المصائب . أهم شيء موضوع زواجي لا يروح عن رطانتك. قلهم شالخوم زواكموا مبردكوا

[@ بن سلمان @]

ههههههههههههههه
لا والله الا المبرد غلبك يا منقاش
ما خليت لاحد صهونه يا مبرد

[ابو عادل]

يارفيقي يامنقاش خاف الله في المسكين بكاش اللي أخذت نحله ورجعه
أنا اليوم شايفك حاط النحل عند بيتك جنب الحصن واللي مايصدق يروح ويشوف .