هدفك واضح

[سنا الهجرة]

المشاركة الأصلية كتبت بواسطة النجم الساهر

هدفك واضح

[poem="font="Simplified Arabic,4,black,normal,normal" bkcolor="transparent" bkimage="" border="none,4,white" type=2 line=0 align=center use=ex num="0,black""]

هدفك واضح عارف مقصودك=ياليت تفهمني وتفهم قصدي
صحيح ماني برتبتك ونفودك=انت نفوذك لازم ومتعدي
ريس ومن قدك بوسط جنودك=جندي يمين وعن يسارك جندي
بينت للمسؤول حجم جهودك=ياليتني مثلك وابين جهدي
منطقك بين في كرمك وجودك=يانفس جودي من كرمهم جودي
ماكان ودي تختلف بردودك=وانت الذي واجب عليك تهدي
تقدح علينا دايم بزنودك=هون تراني وان كتبت لوحدي
اشتاق لك وارتاح عند وجودك=ولا غبت عني زاد فيني وجدي
افرح ليا هبت علينا نودك=واليوم هبتها تجيب البرد
جنتك برد وبردها منقودك=ونار الجفا فيها الدفا والبعدي
البيت بيتك والعطر من عودك=ومن بعد عطر العود مابقعودي
يادار دمعك سال فوق خدودك=وانا حرمت الدمع لمس خدودي
ماهي غريبة طلتك وصدودك=ولا هي غريبة يتبعونك ضدي
اليوم سيلك فاض فوق سدودك=ولها السبب بيحت مافي سدي

[/poem]

صح لسانك يا شاعرنا // النجم الساهر
مبدع ما شاء الله عليك .. ولاهي بغريبة عليك

البيت بيتك والعطر من عودك //// ومن بعد عطر العود مابقعودي

البيت للجميع ماهو مخصوص لحد عن حد .. واللي في البيت كلهم سوا لهم مالك وعليهم ما عليك

وتأكد إنك منت بوحدك .. وكلنا أخوانك
والمسألة وانا أخوك ما فيها مسئولين ولا جنود
ولا سدود ولا صدود ..ولا نكران ولا جحود
بس خذ الامور ببساطه تلقاها أبسط مما تتخيل