ستخرج من فمك ..... انتبهوا.... صور

[@ بن سلمان @]

الاخ عثمان /
موضوع جميل وسأسوق هذه القصة التي حدثت لاحد الزملاء ممن منحهم الله الحلم والاناة , يقول منت متجها لزيارة احد اقاربه شرق الرياض وهو في طريقه على طريق خريص مقابل شركة تويوتا ( ولمن لا يعرف طريق خريص اقول هو مضرب المثل في الزحمات ) يقول اسير في اقصى اليمين بمهل وهو خلفي انواع البواري وعلى يساري سيدين شبه واقفه , يقول وانا اطمر الكفر الايمن على الرصيف علشان اوسع ما يندرى وشهو ظرفه والا هويتجاوز ويومه يباريني وهويفتح القزاز ثم يتفل اكرمكم الله بوجهي , يقول والله وانا امسحها واقوله جزاك الله خير وهومير يرعد ويربد والسيارات تمشي على مهل حتى انه ما مداه يتجاوزني وظل وراي وهويزمر بواري وانا امشي واقول الله يخارجني من هذا اليوم وهو ماغير يزمر وراي ويشر بيده يبيني اوقف وانا اتعوذ منه ويوم وصلت الدايري الشرقي وانا افرق يمين وهو وراي ومخرج 14 وهو محاذيني ومخرج 15 ويحني يبيني اوقف ويوم وصلت مخرج 16 وهو يحدني لين وقفت غصب وجلست في سيارتي اتعوذ منه ومن هذا اليوم ويوم وصل الباب يقول وانا احول عاد وصلت النحر ويوم وقفت وهو يبادرني بالسلام يقول وارد عليه السلام والياه يوم قام يبكي ويحب راسي ومن لحيتي ويترجاني اسامحه وقلت له مسامح قال وهو يحلف انه لوما قدر يوقفني ويتسامح مني انه راع يقضي وقته متعذب .
هاه اطراها في موضوعك اخوي عثمان












9