بعـد أبوغـريب ........

[أبو عبيدة]

بعـد أبوغـريب ........ بعـد أبوغـريب ........ بعـد أبوغـريب ........ بعـد أبوغـريب ........ بعـد أبوغـريب ........

؟السلام عليكم ورحمه الله وبركاته .... هذه قصيده للشاعر عبدالله الطلحي .. ======================= لاتسولـف لـي عـن الهيـل والدلـه
والغضى المشبوب والليـل قمّـاري
وإجتمـاع الشمـل واللعـب والفـلـه
وقــاف غنـيـتـه وغـنــاه سـمــاري
كلما اقبل داعي الشوق نقبـل لـه
يوم كـان الهـم مالـه معـي طـاري
كان قلبـي كـل همـه رضـى خلـه
والخطـر قـادم ولااحــدٍ عـنـه داري
مادريـنـا لـيـن ضــاع العـمـر كـلــه
في هذاك الليل يوم القمر سـاري
خـل ذاك الـوقـت ياصاحـبـي خـلـه
وإن قدرت إنسى زماني وتذكـاري
كان راسـك يعشـق الكيـف ماملـه
عفت أنا كيفـي ومركـاي ووجـاري
وعفت وقـتٍ ماحمانـي مـن الزلـه
ولارفـع بـيـن الرجاجـيـل مـقـداري
والصديق اللي هقيته علـى الملـه
يوم طاحت خيمتي ماستـر عـاري
والمحلّى بالذهـب صافـي السلـه
لاقضى دينـي ولااخـذت بـه ثـاري
خان كفـي وإنكسـر قبـل ماأسلـه
واخسـارة يـوم أنـا بالـغـلا شــاري
وكل صاحب في اللزوم إختلف دله
لاولـد عمـي فـزع لــي ولاجــاري
لاتسولـف وانـت داري عـن العـلـه
السـوالـف كلـهـا ماطـفـت نـــاري
كان مريـت العـرب مـن نشـد قلـه
إن لقيت إنسان ينشد عن اخباري
قـل لهـم ياعـزوتـي يـاهـل الحـلـه
مادريتوا ؟ ( صوروني وانـا عـاري )