يمه .......

[شموخ الساعدي]

يمه ....... يمه ....... يمه ....... يمه ....... يمه .......

والله لولا الخوف من ربي وكرهي للذنـوب
كان أقول عن التراب ابعد عليك من النجوم
يا إلهي تطمئن بذكرك أرواح وقلــــــــوب
لا إله إلا أنت نسجد له و لا غيره يدوم
يا لعظيم اللي في علمك جنة ونار وغيـوب
تنجي أمي من عذاب النار والقبر الكتوم
يمه الله اللي يعلم يوم أودعك مغصــــــوب
يوم أحطك في القبر ما ادري أقوم أو ما أقوم
ما هقيت أمشي ولا خطوة ولا ألحق غـروب
من عرفت عن الفراق اليوم صار أمر محسوم
صارت الدنيا تدور ولا عرفت الدرب بنوب
مثل الأعمى صرت يمه ما عليّ شرهه أو لوم
الوكاد إني غديت بصوب والدنيا بصــوب
والحياة الله يجيرك صارت أقسى من اللزوم
كلما أذكرك يمه ينحرق شمع ويــــــــذوب
يختنق صدر المفارق كثر ما صار محروم
أذكرك وأنتي هنا وهناك يا صعب الهروب
وين ما أناظر أشوفك في عيوني كل يوم
أتخيل طلتك ومشيك في هالـــــــــــدروب
حتى صوتك اسمعه نفس السوالف يا رحوم
صار بيتي في عيوني موحش وكله عيوب
من رحلتي لا خبر لا علم ولا عين تنوم
ما بقى للبيت نور وما بقى للجرح ثوب
لا بقى إلا ذكريات بيني وبينك تدوم
يمه الله لا يعاقبني ولكني أتـــــــــــوب
ليت ربي ما خلق فرقى ولا موت ولا هموم
ادري الجنة تحت رجليك ولله الوجوب
اسأل الله الرضا والفوز يالحي القيوم
.......