يا أعضاء ويا مشرفين ...

[سنا الهجرة]

الله يمسيك بالخير يا شيخنا منقاش

شوف يا طويل العمر .
أنت تكلمت بما فيه الكفاية وغيرك تكلم ورد وقال ما عنده .

فاترك عنك أساليب التهديد والوعيد
اللي ما جابت لنا الا المشاكل وعمرها ما رايح تنفع بل قد تضر .

أنت رجال عاقل وتعرف خفايا الأمور

نبيك طال عمرك تحط لنا نقاط واضحه ومعقولة .
تساعد الادارة على وضع قوانين يلتزم بها الجميع وتكون واضحة للجميع
أما كثرة الكلام ما منه فايدة

وترى لو كل من لقي له حديث وقصه وجا لزقه هنا وسوى لي فيها مطوع وهو من جنبها
ويبي كل الناس تهتدي على ايده كان ما احتجنا لشيوخ وأئمة يحدثوننا

ولا تظن بكلامي هذا ان بيني وبينك خلاف والا قل محبه .! بل على العكس تماما .
ويشهد على كلامي هذا .
القصيدة اللي كتبتها فيك وشوفك إلى الآن حاطها في توقيعك .

وتراني ما قلتها الا لأني شفت انك تستاهلها .
وتستاهل أكثر منها .


الدعوة إلى الله يبيلها وأنا اخوك مصابرة وجهد مستمر واحتساب
ماهو بين يوم وليلة
تنقلب كل الأمور رأس على عقب

خليني أضرب لك مثل بسيط

خذ عندك سنا الهجره
مشرف على واحة شعراء المنتدى
يعني واجبي لا يتعدى هذا القسم

ولا يحق لك أن تعمم وتقول يا مشرفين
لاني أنا قايم بدوري على أكمل وجه

ومع هذا والله أني اعدل واحذف على مواضيع في أقسام ثانيه

وأرسل للمخالفين ويتجاوبون معي بدون أي تردد .. الا ما ندر منهم

ياخي . احنا نخسر من أموالنا ووقتنا وجهدنا .. وكل هذا ماهو مشكور .. وعند وجود خطأ سلختونا سلخ


يا أخوان شوية عقل ومنطق وتزين الامور

والا تبونا نكتب على واجهة المنتدى وبالبنط العريض

( هذا المنتدى خصص للعواجيز والمشايخ فقط )

على شان بناتنا وعيالنا يروحون للمنتديات اللي أنتم أعرف ببلاويها مني وهناك عادي يسوون ما بدالهم بلا رقيب ولا حسيب .. ارحموا عقولنا يا ناس