عــــــــــــــــــــــــــــــاديْ

[خلف بن عبدالعزيز الثمالي]

عــــــــــــــــــــــــــــــاديْ عــــــــــــــــــــــــــــــاديْ عــــــــــــــــــــــــــــــاديْ عــــــــــــــــــــــــــــــاديْ عــــــــــــــــــــــــــــــاديْ

[POEM="font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]ياللي طلبت فراق من هو تمنّاك=إبشر بمطلوبك بحقق مناتك
يالله عسى ماكون غثٍ لشرواك=والا غثيثٍ كنت في وصل ذاتك
بالعكس أخّرت الطلب في حناياك=ليتك من أول قلت لي عن رجاتك
ماكان تلعب بي وتخفي نواياك=وانا على النيّه همومي هناتك
ماشي على ماقلت لي بيوم لقياك=إذْ قلت احبك حبني في حياتك
منها وانا اترك ناس قد قلت تفداك=عسايْ انا افداهم كذلك عساتك
حتى مواطيهم فِدت شبر ماطاك=واليوم لا بالله فدتها وطاتك
اللي نويت أبني بها قصر سُكناك=قصر المحبه ميْر شحّت حصاتك
حتى النّهَرْ دجله تكرّم وأسقاك=في وقت مااسقاني لك الله فراتك
عادي أعيش العُمْر من دون لاماك=ياكم حرمني الوقت وِش هي شفاتك
لاكن قبل امشي وودّع حلاياك=واترك ديارٍ وبْلها اسقى لهاتك
قل لي انا اش سويت من ذنب ينصاك=برضي ضميري قبل تحْصل رضاتك
ماهو على شان ارجع بثوب واهواك=والا تِبَلِلْ دمعةٍلك عباتك
أنا حليف البين في ذا و في ذاك=لابي جهة أهلي ولابي جهاتك
لي وجهةٍ ماحَيْ ظني ليا جاك=تقدر تعلّم له بها من سراتك
لاكن بمان الله وسفّر ثناياك=وانا لي الله وانت لاقي جزاتك[/POEM]