الـجـيـــوش الـبـاسـلــــه

[عوض بن سلمان]

الـجـيـــوش الـبـاسـلــــه الـجـيـــوش الـبـاسـلــــه الـجـيـــوش الـبـاسـلــــه الـجـيـــوش الـبـاسـلــــه الـجـيـــوش الـبـاسـلــــه

بدينا بالمعـارك وانتهينا والقلـوب صحـاح

ورسينا الجيوش الباسلـه في ساحـة الميـدان

وشغلنا المدافـع والقنابـل وأمهـات جنـاح

وصدينا الـعدو يرجـع وراه مقطـع السيقـان

بعد قرر مسـاره للسعوديـه وقـام وطـاح

ولاقى الصدمـه الي كان ما يحسب لها حسبان

تريحنـا وريحنـا البـلاد ودامـت الأفـراح

وطلعنـا الوبـاره والثعـالب من جبـل دخـان

وروّح كل ثعلـب يرجع بـلاده بدون سـلاح

ولو فكّـر وقـدّر كان ما يبـدي على جيـزان

ولو فكّر في مرواحه قبل لا ينوي المسـراح

يبات فجـوف بيتـه ما يبات يصالـي النيـران

بعد سرحتهـا روّح بها يا السـارق المـزاح

تـرى قبلك رياجـيـل تـدل التايـه الغلطـان

لكن من لا يحسّـب للعـواقب ما يبي يـرتاح

مضت من قبل في حرب الخليج وكان يا ما كان

بعد فكيت باب الشر صكـه وارفـع المفتـاح

تفك أبـواب وأنتـه منت قادر تقفـل البيبـان

ألا يا التاجر الي جيت من دارك تريد أربـاح

تـدوّر للمكاسـب والنهايـه أنتـه الخسـران

ليا انقصت حبال الـورد عنها يفلـح الفـلاح

ولا يبقى في حوشه فايده غير المعـز والظـان

بعد ضرب المدافع والقنابل والرجـال طيـاح

تعشـي يا طيـور الجـو يا خفاقـة الجنحـان

وبعد الي حصل ما عاد لك في قطرنا مسبـاح

على راي المثايـل عاد منت مخلـص الديّـان

لكن اصبر وصابر كن من لا جاء ولا من راح

وروّح صوب عمك واسكن فصنعاء مع السكـان

ترى من قبلك السلال نصب في البلاد أشبـاح

لكن قفا وراح وخلّـف المبنـا على السيسـان

يقولون الرجال أهل العقـول الزند له قـداح

بعد ما حفرتهـا الفيـر فيهـا تاقـع الثيـران