أستراحه مع سارفه من السوارف..

[منقاش]

عميد منتدى الحياه الفطريه , الشيخ سلام , سلمه الله : أشكرك على أطلاعك وتعليقاتك الجميله , وعذرك مقبول يا شيخنا ووعدك مامول , وأنت راعي الوافيه والعلوم الضافيه .
لكني من موقعي هذا , وبحكم مسئوليتي ربما أضطر لتعليق عضوية بعض أعضاء الفطريات بسبب أهمالهم وقلة مشاركاتهم , خصوصا بعض المشرفين اللي في مرحله من المراحل أهميت أحيلهم للتقاعد وأحط بدالهم حليفي الشيخ أبو سيفين , ولا ردني ألآ النزول عند رغبة الجماهير في وقتها .
أما السويرفه اللي ذكرت ذكرياتك معها أيام رعيتك للغنم , فهي نوع من الشرنبثات اللي تنتمي لعايلة العناكب , ولا تنتمي للعسودات السامه , وهذي الشرنبثه اللي أعتديتوا على بيتها غفر الله لكم وللشيخ ابن همام اللي أظنه كان يوذيها أكثر منكم .
هذي الشرنبثات اللي ذكرت , لونها رمادي داكن مايل للسواد , وشعراء , ويغلب طولها على أستدارتها , وتبني بيتها بالصفه اللي ذكرت , وتبرز أعلاه على وجه ألأرض مثل بروز خرزة البير , وأحسن طريقه لأخراجها , صب الماء في حفرتها .
أما عسودتنا ألأرمله , فهي سوداء صاقله , مكورة البدن , ولا تبني بيتها ألا في الهواء , خصوصا في الزوايا اللي مهجوره وهاديه ونورها خافت , مثل الغيران وتجاويف جذوع ألأشجار والبيوت المهجوره .
أما تجهيلي للأولين واللاحقين , فهذا تكتيك يدخل به أبو نقشه هاله ومزيج من الرهبه وألأعجاب في قلوب العامه من القراء , يعني , عمليات نفسيه , ونقدر فيما بعد نسحب كلامنا لو ظهر لنا معارضه قويه تستند قي معارضتها على أدله , وأقرب مثل على سحب الكلام , يوم حولنا أنكار طيران ألأمحوه الى حركه أنزلاقيه أو تزلجيه , وبهالحواله , طلعنا ألأولين والمؤيدين لهم ما عندهم سالفه .
قصة العيبه والبير وشل القريص فيها , فهذي معلومه معلومه من التاريخ بالضروره , وتقدرون تكلفون الشيخ ابن همام يسأل لنا عنها شيخه اللي أفتاه في طيران ألأمحوه ...


أخونا الفاضل , فوق الصفر : أشكرك على أطلاعك , وعلى تعليقك , وكثر الله من أمثالك ....