04-12-2010 | رقم المشاركة : ( 14 ) | ||
ذهبي نشيط
|
رد: أم جنيب المعمرة
الله يقطع الحنشان , ويقطع الساعه والحزه اللي عرفناها فيها , عساها بالقطيعه حتى لو كانت من بلاستيك مثل حنشان ابو تركي اللي ما يصيدها ألا مع زغاليل الحمام , وفروخ الدجاج , وفرخنة الدجه ..
أقول الله يقطع الحنشان اللي تبي تكون السبب بيننا في الجفا , والا بعض قلة المزى وعلوم القفى . وهذا أنا داخل عليك يا حليفي عن الشرهه والكرهه اللي ما يفرح بها ألا العدوان ولا يحزن منها ألا الصدقان , واللي ربما سرت مع الركبان , وقذمت من سد الريعان , وتلقفها حزب الشيطان , حزب المخاوي الخاين التعبان , وخوياه اللي من شاكلة الشيهان .. وبعدين يا حليفي , تصدق أني أكتب العلوم الزينه اللي ما أحلا منها آخر الليل , ويوم أصبح واجي النهار الثاني أطالع فيها , ألا وهي مخلوطه بعلوم شينه أن ما شانت كلها ,, ولا أستبعد أن بعض المشرفين يحرفون الكلام عن مواضعه , حتى يخربون ما بيني وبينك .. وهذا حليفك ابو نقشه يعتذر منك , ومن العمده المقداد ألأصغر ابن المقداد ألأكبر, ويقول , يا ربعي أصبروا على شيخكم , وترى خشمك منك ولو كان أعوج . وخذوا في حسابكم أن أبو نقشه دايم في حالة أستنفار ويتلمض ويحد في سكينه , وأحيان تخطي المخاوي وتلفخ يمنه والا يسره وتشلف واحد منكم عن غير قصد... أعتذر لكم يا حليفي ويا صديقي يا ابو سيفين , وأتعهد بأحترام حقوق الحلف والصداقه اللي بيننا , الصداقه اللي أن شاء الله تكون من ثمارها تحقيق أحلا أمانيك وتعينك مشرف عام بعد نشلح ابو عبدالرحمن , وتعين المقداد مشرف على ألأستراحه بعد نطرد ابو تركي طرده بنت كلب على قول أخواننا المصريين , وشكرا... |
||
مواقع النشر |
|
|