عمر شمعة

[سنا الهجرة]

رد: عمر شمعة رد: عمر شمعة رد: عمر شمعة رد: عمر شمعة رد: عمر شمعة

المشاركة الأصلية كتبت بواسطة ابو عادل

[poem="type=1 title="عمر شمعة" font="bold medium Tahoma, Verdana, Arial, Helvetica, sans-serif""]على اطلال الشباب وذكرياته والصبا غنيت=بعد خمسة عقود من العمر ولّت بلارجعة
تباطيت الليالي واثري اللي عبرها ماابطيت =وصلت لقمّة الخمس العقود بقمّة السرعة
وقفت انظر واعدّ اللي جرى في سكّتي وازريت=ألمّ بكل مامريت به والزود في جمعه
وتمنّيت اني ارجع واحسب الخطوة ليا سجّيت=واركّز بالنظر والسمع قبل ابحث عن السّمعة
وتمنّيت اكشف الصفحات وش قدّمت وش سوّيت= ولوالفزعات تنفع جيت باللي يحرز الفزعة
بعد رحلة طويلة والفكر مابين حيّ وميت=عرفت اني من الماضي القديم وعضو من ربعه
وعرفت اني مخاوي عهد واحد لامضى ولّيت= مداه بعمر شمعة يوم يمضي تطفي الشمعة
ووقفت احسب واراجع فالقصيدة كم مضى من بيت=لقيت اللي سلف منها يساوي بالعدد سبعة
لكنّي قلت الا ياليت عمر الآدمي ياليت =يحوّر مثل تحوير الشعر واكثر قبل طبعه
لقيت الشعر يتفوّق ويتجدّد بكيت وكيت= من اغراض ومعاني مفردة واحيان مجتمعة
لكن العمر له معنى فريد الخوف كان اخطيت= وفهمته فهم قاصر تاليته الحزن والدمعة
وصحيت من العسام اللي غشاني يوم رحت وجيت=وبديت أعدّ كم ساعة مابين السبت والجمعة
توالى كل يوم ان كان ماملّت فانا ملّيت=أكرر ماضي ايامي لمستقبل بلاطمعة
أنا وش باقي اتحرّى وانا ياكم نهار افنيت=وثوب ابليت حتى ملّ راسي واشهر اللمعة
أناملّيت ملبوس الهوى علّه لجمر وزيت =كماماملّ راسي من لباسه واعلن الصلعة[/poem]

الله الله

رجعت يابو عادل .. ورجعت معاك لمعان الشعر وبريقه

لله درك على هذي الفريده
استمتاع مع كل حرف . , وحكم بليغه .. تحتاج الكثير من الوقوف عندهاوالتأمل

الله يعطيك طولت العمر .. ونسمع منك الكثير والكثير

وصح لساااااااااااااااااااانك مداااااااااااااااااد يالغالي

[ابو عادل]

المشاركة الأصلية كتبت بواسطة سنا الهجرة

الله الله

رجعت يابو عادل .. ورجعت معاك لمعان الشعر وبريقه

لله درك على هذي الفريده
استمتاع مع كل حرف . , وحكم بليغه .. تحتاج الكثير من الوقوف عندهاوالتأمل

الله يعطيك طولت العمر .. ونسمع منك الكثير والكثير

وصح لساااااااااااااااااااانك مداااااااااااااااااد يالغالي

لاخوف على الشعر طالما أنت في هذا المنتدى
بارك الله فيك وشكراً لهذه الإطلالة الجميلة
لاعدمتك يابوعبدالله.

[عوض بن سلمان]

صح لسانك يا أبو عادل


أبيات مليئة بالحكم


بيض الله وجهك . .

[ابو عادل]

المشاركة الأصلية كتبت بواسطة عوض بن سلمان

صح لسانك يا أبو عادل


أبيات مليئة بالحكم


بيض الله وجهك . .

صح بدنك يابوشرف
فقد شرفتني بمرورك
سلم راسك.