هنا المحاورة الشعرية المباشرة بين الشاعر بعيد النظر &والشاعر النادر

[عناد العصيمي]

ودك تزيد وتضيف ولابقى لك شيّ ينضاف=أبلشتني وآنت لو تهرج معي كني لحالي
أثر البحر مانقص لو يغرفه تسعين غراف=واللي بلا ذوق لو يشرب يقول المر حالي

اشوف المحاوره كل مالها تزيد حماس وهذا من طيب شعارها .

[أبو عبدالرحمن]

ما قصرت يا بعيد النظر

وبانتظار النادر...

[المشتاق]

قربوا اللحف يا ورعان عشان ابنسدح
خلاص الشعار يبيسرون

[مشاكس]

المشاركة الأصلية كتبت بواسطة {بعيدالنظر}

يالربع أعتقد إن اللي حصل يكفي
وبيض الله وجهك يالنادر وما قصّرت والعذر والسموحه .
والختام عندك طال عمرك

والشكر موصول للجميع لكل من تابعنا من الشعراء والإخوه الأعضاء
وأخص بالشكر الأستاذ والشاعر العلم : بدر العجمي الذي كان لحضوره التأثير الكبير في سير المحاوره
وكذلك شاعرنا المبدع الشاعر العلم : مشيلح الثمالي
والشكر لمنضمي هذه الأمسيه وكل الجمهور العريض ولكل من يتابعنا بدون تعليق من الزوار والاعضاء
والشكر للاخ العزيز ابو عبدالرحمن المشرف العام ولكل الأحبه بدون تخصيص
واقول تصبحون على خير................


سبحانك اللهم لا إله إلا أنت استغفرك وأتوب إليك
اللهم أجعل خير أعمالنا خواتمها وخير ايامنا يوم نلقاك
والحمدلله رب العالمين

تستاهل يامشتاق
سرو الضيفان وانت مابعت كل قشيشك
قوم شيل قمايمك يابو قمايم

[المشتاق]

مدحدر
امسك يمين وانت ساري
وانتبه من ملف الصخيرة
خل يدك على القير لو كذه والا كذه والياك تلهمها نمره ثقيلة

[ماجد الرداعي]

مشتاق هات الغله حقت اليوم
أشوف مشى سوقك اليوم

[المشتاق]

غلة قال غلة
ما فيه خوف انا شقى وانت تلهف يالضلالي
وش رايك تعطوني منتدى الطبخ

[مشاكس]

المشاركة الأصلية كتبت بواسطة المشتاق

قربوا اللحف يا ورعان عشان ابنسدح
خلاص الشعار يبيسرون

قوم قوم من تحت الجلالة
روح ارقد عند كفيلك ولا ناوي
تسرحة عند الغنم بكره

[المشتاق]

سرينا نسير ندور حمير
نبي نركبه الين السرير

[العائد]

ما قصروا الشعار
سليتونا الله يزين فالكم
تشكرون جزيل الشكر