بعيد النظر"فصّ ملح وذاب"

[abonayf]

مرحبا بكم وبتواصلكم شاعرينا الكبيرين

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ثلاث امرار ادوّر والعرابي فصّ ملح وذاب=أوصّل له مراسيلـي ولاجتنـي مراسيلـه
صحيح ان المودّة ماتجي بالغصب والمشعاب=لكن الدرب ماحطّيـت لـه لفّـة وتحويلـة[/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو إتقول الف مره يالثمالي ما آنته بكذاب=لك الله يالعرابي مانوى يقطع مواصيلـه
تقوله والغلا دله تفوح وجمرهـا شبـاب=الا ياصاحبٍ في خاطري تغلـي معاميلـه [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا مانسى صحيبي كل يوم انشد عن الاصحاب=ولوطول غيابه نبحث الاسبـاب ونجـي لـه
وهذا هو عشمنا والعلوم الها وصـول وبـاب=وباب الوصل والمعـروف مانسعـى لتقفيلـه[/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عسى ربي يبارك فيك ياللي تبحث الأسباب=ولو بعض الظروف تصير ماللأدمي حيلـه
تقول أهل المثل لايسرق بنادم ولايرتـاب=وانا اقول الخبر ياهل الخبر تاصل تفاصيله [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أظنك بعدما غيّرت وضعك تفتل الاشنـاب=وتنسى اللي تقوله من كلام اليوم والليلـة
وتقعد في طردها لين تخلف حسبة الحساب=وراعي البن همّه كيف يطبخ بنّه وهيلـه[/POEM]