أبشرك طيّب ...!!!!!

[{بعيدالنظر}]

أبشرك طيّب ...!!!!! أبشرك طيّب ...!!!!! أبشرك طيّب ...!!!!! أبشرك طيّب ...!!!!! أبشرك طيّب ...!!!!!

السلام عليكم ورحمة الله وبركاته
عيد سعيد على الجميع إن شاء الله
وعذراً على غيابي الخارج عن إرادتي
وتقبلوا هذه المتواضعه
والتي أتت هكذا .
.
.
.
.

[POEM="font="Arabic Transparent,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابشرك طيّب ماتأثرت يانواف=وصدري بحر وطعونهم ماْآثرت فيه

ضعيف الروابع يغرف البحر بالمغراف=زبون الشقا والبحر ميه على ميه

ضعوفٍ تشاور بالردى والهروج ضعاف=وتلقى الجنوب الجرب بالدهن مطليه

لوأسمع نباح كلابهم ماعليّ خلاف=تنابح ولاتاخذ عصاتي من يديه

أسج القدم قدام ماقد رجعت خلاف=على العز ماصدّت عن الدرب رجليه

ولاني بجاهل وآعترض حذفة الحذاف=ولامن بليت أعطيه فى الوجه مثنيه

ولي ماقفٍ لاجيت بين العرب ينشاف=أعدّل عواج المنعوج وأنضج الكيه

رفيقي لو إنه خبل مايحمي الميقاف=اداريه وأرفى خلته لو هو شويه

فما بالك إليا كان راعي سيوف رهاف=صميدع وله فى وجيه الأخصام أماريه

هذاك أفتخر به ثم أحيّر به الأوصاف=ولاعاد تلقى لاوصيفه ولا زيه

وإذاهي غريبه يوم نصبر سنين عجاف؟=فما هي غريبه ندعس الداب والحيه

وطيبك ليامن زاد ضربٍ من الإسراف=خبيث النبا ماقدّر الطيب موليه

وهجرك لقومٍ ماتعزّك تراه إنصاف=جنيه الذهب بيد الجهاهيل ربيه

ودارٍ هجرها الغيث ميرادها ينعاف=بدلها تحصّل دار بالغيث مرويه

وأنا أقول يانواف من لاسرق ماخاف=وحكم القضا يقطع يدين الحراميه

مادام النوايا طيبه والقلوب نظاف=ابو نيتين يطيح ويقوم ابو نيه[/POEM]