خذ علاجك

[منقاش]

بيض الله وجهك يا مدهش , وتراني هذي المره ما زعلت لكن أحبيت أحط موانع بسبب ما سبق , وعذرك مقبول واعتبرنا صفرنا العداد من جديد .
بس خذ في حسابك أنك تعرفني 100% وتعرف أن شخصية منقاش أمثلها لكنها ما هي خلقي الطبيعي ولا أرضاها لنفسي في عالم الواقع لأنها لا ترضي الله لكنها موجوده في مجتمعنا بصور واشكال مختلفه .
أما أنا والله ما أعرفك لكن أنطباعي عنك أنك رجال طيب القلب ومستقيم وراعي صلاح وخطاء وخير الخطائين التوابون , لكنك متسرع وعندك عنز تنطحك وتدهورك في حفر بسيطه .
ولو أني ما أنا معروف لأغلبة ألأعضاء , وكنت مثلك بمعرف مجهول كان خليت القاصي والداني يقول اللي يبي ,, لأني وقتها مجهول ,, لكن مشكلتي أني معروف , وأغلب معرفاتي معروفه .
شخصية منقاش اللي أمثلها لو ما ألأعوجاج اللي فيها والألتواء مع الغشامه والتخيبث والتخلف والتصلف ما كان أصبحت مسليه وفكاهيه , وثق أنت والأخوان أني ما أزعل بحق وحقيق الا أذا أستشفيت أن صاحبي جاد في تهجمه ويكتب عن حقد وهذا هو السبب اللي فجر الخلاف لأول مره بيني وبينك في أسابيع مضت .

الزبده : بعد الأعتذار عادت المياه لمجاريها واعتبر أنت والأخوان أنه ما سار شي أبد .