وين انت يامشاكس؟

[أبو عبدالرحمن]

المشاركة الأصلية كتبت بواسطة لبشة

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسلام الله على اللي يحتمل خيري وشرّي=وان مشى في طرقته ماطقّها والاّ لحقها
الضفا يضفي على الجنبين والقلاّ تعرّي= والخواجة كلما تنبت معه لحية حلقها[/poem]

المشاركة الأصلية كتبت بواسطة مشاكس

[poem="font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مرحبا ترحيبة تاقف على باب المقري = ان لقيها طيبه والا عن اصحابه درقها
مانت حسان ابن ثابت ولانت ولد ابن المعري = لا تلقى في جبال ذيابها تبرى وشقها[/poem]

المشاركة الأصلية كتبت بواسطة لبشة

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]البقا مير انت طابخ راس تيس وكوع حرّي=بالهنا والعافية كل لحمها واشرب مرقها
والله انّا مانقول الاّ الحقيقة لوتزرّي=المشاكس لولقي حاجة على دربه سرقها[/poem]

المشاركة الأصلية كتبت بواسطة مشاكس

[poem="font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الملابش ينفجع لا مر عنده بس عري = ون لقي له هامة فالارض يفرح لا سبقها
الحقيقه عند اهلها مانت جايب علم يفري = شوف هذي يالملابش طبخة مشاكس وذقها[/poem]

المشاركة الأصلية كتبت بواسطة لبشة

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]تتهم من تتهم والا تبري من تبري=ماعرفت السبع الأغبر غير من شهقة شهقها
لاتكبّر خنفرتك اللي ذراها مايذرّي=نشرم اذنك يوم نسحبها ولاتلقى حلقها[/poem]

المشاركة الأصلية كتبت بواسطة مشاكس

[poem="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما كتبنا لك كتاب انك فقيه ولانت مقري = السباع سباع والغربان طاقتها صعقها
ياملابش روح في دربك وخل الناس تسري =أنت عينك ماتبات الا بعد يندر حدقها[/poem]

المشاركة الأصلية كتبت بواسطة لبشة

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الضوايع ياالمشاكس ماتبا بحث وتحرّي =بينة متعينة لومدها يلحق فرقها
خل نابك ناب سبع وخل عينك عين مرّي=ينكر الريحة ولاياخذ حبقها من طبقها[/poem]

أدري أن المشاكس تركنا وراح نام