منقاش مشرفا

[منقاش]

يا مشرفنا الفني أشكرك على ثقتك في الشيخ الشريف منقاش ولو كان أني آخذ عليك في نفسي مآخذ واحد منها أنك حطيتني في أقل من مقامي وان شاء الله أصرها لك يا شيخ وتشوف نتايجها في يوم من الأيام ..
يعني خذها على بلاطه وبدون مجاملات : أذا تبون تشرفون بي وتحطوني مشرف عام بدال أبو عبدالرحمن فأهلا وسهلا وفي النفس شي .
أما ابو عبدالرحمن الله يستر عليه ويخليه لعياله , رجال أعطى ما عنده وغدا مثل الليمونه أذا عصرتها وجاء الوقت اللي يضرب الباب ويروح لمهامله الله يستر علينا وعليه ويترك الراحله لواحد كفو مثلي حتى ياخذ بخطامها ويسلك بها الطريق الصحيح.
.وتراني أرشح ابن سلمان يكون مساعد لي لشعون الأستراحه رفع لمعنويته بعد الطرده القشراء اللي أنطردها هو والمسكين الثاني اللي يقولون له الشيهان (اللهم لا شماته) .
المخاوي المروح اللي راح يشعبن في استنبول ويلوا رايح أطرده من المنتدى طردة (؟) ولا أقبله لا عضو ولا مشرف ولا زفت , يذلف وبس , وابن عزاب يلحس كوعه ولا يتميلح ويحط في باله أني ماني حاطه لا شيخ ولا مشرف ولا مراقب وزين أن ما ألغيت عضويته .
ممكن أرشح رويعي الغنم أو ابن فنحاص مساعدين عامين للمشرف العام , وممكن أرشح التعبان زملوق مساعد مساعد مساعدي لشعون الأستراحه.
أما ابو كرداس فرشحهم مراقبين على قسم الأنساب ورايح أعطيهم صلاحية طرد أي عضو يرفع راسه والا يبربس في كنفيوترنا .
المشاكس والفين أرشحهم مخاوين لحماري يعلفونه ويغسلونه وياخذون بخاطره أذا نهق, وهم كفو لهامنصب ورايح أسميهم مخاوين حمار منقاش , وسلامتكم ...