منقاش يستقبل التهاني بمناسبة الألفية الأولى

[منقاش]

ألأوله , أشكر المهنين وعلى راسهم حلفايه وأخلص أصدقايه , المشرف الفني والحاج سلام والدكتور مشعان .
أشكركم ولا هي غريبه منكم ها المشاعر الطيبه سواء كان سببها حبكم لي والا شغفكم وولعكم بحماري , والمثل يقول سب الرجال ولا تسب حماره , يعني حب الرجال في حبك لحماره , ومن أجل عين تكرم مدينه.
الثانيه , أعزي مخاوي منقاش في الحاله الكلابيه اللي هو فيها بسبب النجيمات الثلاث اللي ما ينبدي بها بين الرجال , واقول يا مسيكين خلي المعالي لأهلها وعيش بين الحفر , ومثلك ما هو كفو حتى لنجمه واحده لكن الزمن الردي والواسطه والمحسوبيات هي اللي رفعتك فوق قدرك , والا مكانك تقعد مع الضعيفين والمساكين آلبي نجيمه .
شوف النجوم السبع اللي عند أبو نقشه , شوفها واعرف أنها على عدد السموات السبع , يعني أن كل سما بنجمتها .
الثالثه , شوف يا مسكين (على قول الجيزاني , ماله ابن آدم مسكين ...الخ) , شوف ألأوسمه اللي أخذتها بجداره رغما عن أنوف ألأداره , شوفها وقارن نفسك بي وقول : وين أنا , ووين فخامة الشريف منقاش ؟ , وبعدها موت غم وكمد , ولو تنتحر يكون أحسن ....
الرابعه , وهذي موجهه لفخامتي واقول فيها , يبو نقشه , زادت مشاركاتك على ألف مشاركه , يعني لو حسبت معدلها في خمسه أسطر معناها أنك كتبت خمسة آلاف سطر , ولو قلنا كل صفحه من عشرين سطر كان أمديك كتبت كتاب من ميتين وخمسين صفحه .
يعني ما هو أولى كان تألف كتاب تبيع منه مليون نسخه تدخل في حسابك عشره مليون ريال ؟ مجرد سعال ....