ســـؤال لم أطرحه؟؟ (( الحلقه الخامسه ))

[منقاش]

أشكرك يا دكتور مشعان على تعاطفك معي ونصرتك لي , الله ينصرك على من يعاديك مثل نصر السعودي يوم حرب الوديعه .
أما رواية الشوحطه فاللي بدا لك ربع الحقيقه والخافي أعظم , وعسى العلوم تدمدم وتبقى على كذه ولا تنشر وكالة ابو عبدالرحمن باقي ألأخبار, وتعرف لو أني أنكرت ما تبي تجي النهايه زينه لأن البحاثين حقين الغرفان اللي على بالك رايحه تثور شهيتهم للتبحثات ورايحين يبحثون ورا الموضوع حتى يجيبون العيد .
وبعدين مثلك يعرف أن المشاهير هذا حالهم , والشهره هذا ثمنها , والرجال تغلب وتغلب , وقبلي هتلر وموسيليني وماو والديلالاما وعيدي أمين تعرف ويش سار لهم كلهم وآخرهم بوش اللي ودع الرياسه أكرمك الله أنت ومن يقرا بحذا الزيدي اللي مرت على دومته بعد عفرت خشم المالكي.
وفي الختام أبدي عتبي عليك واقول يا دكتور ما يسير , يارجل ليش مقاطعنا ولا تفاعل معنا في موضوع الغرفان والعلفان والهشيم اللي يليم فيها لنا الشيخ سلام ؟ .