حسبي الله عليك يبن سلمان

[ابوسيفين]

رد: حسبي الله عليك يبن سلمان رد: حسبي الله عليك يبن سلمان رد: حسبي الله عليك يبن سلمان رد: حسبي الله عليك يبن سلمان رد: حسبي الله عليك يبن سلمان

المشاركة الأصلية كتبت بواسطة @ بن سلمان @

هذه عانيها عند الله ثم عندك يا دكتور مشعان
رجال اقرأ في علومه وأتزهل له بالنقزات اللي أنت خابر وتاليها يبرق في علمي وهو يعرف صاحبه أبو زيت وابو حذيان شرقية.

يابن سلمان هذا حاج وتخلّف عن العوده والعواني خلّها عند القبايل 0

زيت الزيتون عرفنا سالفته وتراه اليوم كتب عنه يمكن خمس مرّت وإنه يعرف الحرامي معرفه شخصيّه وركب معه فالطيّاره ولا بقي الاّ يقول تنكه لله يامحسنين 0 لكن خويّه امّ بخيل ولاّ 00000
لكن أبسألك وش سالفه الحذيان الشرقيّه أخاف تعود تهوّن مثل ماهوّنت عن سالفه راعي القدّاحي ؟؟

[@ بن سلمان @]

المشاركة الأصلية كتبت بواسطة د\ مشعان

لكن أبسألك وش سالفه الحذيان الشرقيّه أخاف تعود تهوّن مثل ماهوّنت عن سالفه راعي القدّاحي ؟؟

الله يصلحك يا دكتور
والله ما ودي حديتني عليها
السالفة وما فيها إجتمعنا في الطائف قبل كم من سنة على عشاء مسويه الشيهان للمخاوي اللي تعشا وإستأذن على طول مثل العادة عجل تقول عريني ومشى وبعد السوالف كثرنا خير معزبنا ويوم جينا عند الباب وكل يبي يلبس حذيانه وأنت والسامعين بكرامة كان خوي اللي معي يدور في حذيانه ما لقيها , يابو فلان هذه قال لا وإلا هذه قال لا , قلنا كل يلبس نعاله والصافية أكيد راعيها تغالط فيها , إلا وتصفي زنوبة أم أصبع من زنانيب المعتمرين , قلنا هذه لمن قال الشيهان هذه للمخاوي شال أحاريمه ونسي زنوبته , أشرت لخوي ما حبينا نقول للشيهان ضيفك سرقنا , راحت الأيام وأقابل خوي قال لي أبي اسمعك يا بو هبة قصيدة , قلت , قول :
بدا صاحبي يتوجد في قصيدته إلين وصل آخرها وهو يحول بالموضوع ويقول :



[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]والعام مثل السنة ذية =في عطلة الصيف شيء ثاني
شريت حذيان شرقية=وأقول يازين حذياني
لكن جالها حرامية=وإشتالها ولد قوماني
والله لوطاح فيديه =لعلمه كيف يحزاني
لا آسم على الكف كم كيه=إلين ما عاد ينساني
لكني من رجال فداوية=ضبعاني وولد ضبعاني
مسدح الطول ذرعية=ومشارك الذيب سرحاني[/poem]





وسلامتك يا دكتور

[ابوسيفين]

المشاركة الأصلية كتبت بواسطة @ بن سلمان @

الله يصلحك يا دكتور
والله ما ودي حديتني عليها
قلنا هذه لمن قال الشيهان هذه للمخاوي شال أحاريمه ونسي زنوبته ,

ليتني ماسألتك ولاّ ليتك علّمتني بالعلم على الخاص0 وان كان الرجّال ماتورّع عن الاعتراف بسرقه زيت الزيتون 0

[مخاوي منقاش]

الساعة هالحين وحدة وثلث وجاي من الاستراحة وافتح الكمبيوتر والقا شخبط شخابيط ابا هبه ولخبط لخابيط مشعانوف فقلت في نفسي قاتل الله نانسي عجرم يوم تغنيها لها الاثنين0
وانت يابن سلمان تراني ماني في حاجتك وانا الحمد لله بشهادة الوزوز باني مثل القعقاع بن عمرو بالف رجل
لكن خذها على الطاير 0000
عندي للاخوان الفية
فيها سواليف مشعاني
ارسل لمنقاش برقية
خله يجي صوب ميداني

ونكملها بكرى باذن الله والبادي اظلم ودقة بدقة ولو زدت زاد السقاء

[@ بن سلمان @]

المشاركة الأصلية كتبت بواسطة مخاوي منقاش

ونكملها بكرى باذن الله والبادي اظلم ودقة بدقة ولو زدت زاد السقاء

وإني لوعدك منتظر