مشكله أستعصت على الحل .

[منقاش]

يا الله تمسيني وتمسي سنا الهجره والشيخ سلام والدكتور مشعان وابو عبدالرحمن وكل المسلمين الثملان بالخير, وتكفيني وتكفيهم شر عيال الحرام وبنات الحرام , أما بعد :
السلام عليكم ورحمة الله وبركاته , وصباح الخير , ولا عدوان ألا على الظالمين , وبعد :
حليفي الشاعر الكبير , سنا الهجره : نعم , طلعت واهم ,,, والشيخين (الحاج والدكتور) تبين لي كما تبين لغيري أنهم بحار لا تدغثرها الدلاء , وأنعم وأكرم بهم من حلفاء , وونعم بك وبأبو عبدالرحمن معهم .
أما ألألقاب اللي خلعتها عليك وأضفيتها على شرواك فهي كلها مدح وخاليه 100% من اللدح , ويشرح لك معناها سياقها اللي أنقالت فيه , فالبليه والمصيبه والداهيه ألقاب يحسن بها وصف الخصم اللي يثخن في خصومه , وهي أساسا من ألقابي اللي ما أعطيها ألا لمن له عندي معزه ومقدار كبير .
عميد الدكاتره وحليفي الوفي الدكتور مشعان قدس سره : هالني ما رأيت , فمرة ينتابني الخجل وأشيح بنظري عن الشاشه , ومره يجيني نوبات هستيريه من الضحك , ومرة أقول يستاهل المخاوي وعساه من هذي وأردى , وهذا فاله وجاه في ثفاله هو وحلفاه ومن لف لفهم .
ومره تغلب عليه العواطف وأشفق على الخصوم واقول في نفسي ليش الدكتور يستعمل معهم هذا النوع من الأسلحه المحظوره في العرف والشرع والقانون الدولي .
والحقيقه أنهم جاهم ما هناهم , ولا للحب المسوس ألا كيال لابس نظاره شمسيه .
والخلاصه أنك يا دكتور رميتهم رميه خاليه من الشفقه ولا عاد تبي تقوم لهم قايمه من بعدها ,,, لا قاموا منها , لا هم ولا من يتعاطف معهم ..
الشيخ سلام سلمه الله : يا رفيقي أنت محل رضى مني ومن الجميع , وأسأل الله أنه يرضى عنك وعني وعن الدكتور مشعان وسنا الهجره وابو عبدالرحمن ومخاوي منقاش والشيهان وجميع الأخوان , ويتجاوز عن زلاتنا واسرافنا في أمرنا ويختم لنا بالصالحات أعمالنا .
وأرجيك أنك تظهر العين الحمراء في ردودك على المخاوي , تراه مثل الماء من تحت التبن أو التبن نفسه , ولا يغرك هداياه اللي مغرقني بها , تراها بعيده على شواربك , وتراها ما هي كرم حاتمي من الماخوذ , وأنما جبن حائلي من الرعب اللي مدخله في قلب الهلامه .
الشاعر القزم الشيهان : أنت على قول المصاريه وقعتك وقعه سودا , يا غبي لا أنت اللي حصلت لك على شوية تميرات والا زويتات كما المشرف العام حتى نقول الرجال يبي ينافق ويلولس على المخاوي , ولا أنت اللي بقيت مع كبير ربعك وسيدهم سيدك وسيد الجميع غصبا عنكم الدكتور الشيخ الشريف منقاش , لا , راكب راسك ومتلقي الخليان مثل العنز الضايعه , ومسوي مخاوي أكثر من المخاوي نفسه وزفت أزفت منه , أسأل الله يهديك ويكفيك شر نفسك وشر رفاق السوء ....
مخاوي منقاش : أنت أقل شان من أني أرد عليك ......