الفزعة يا ربعي والمشورة (عاجل جدا جدا )

[@ بن سلمان @]

ماجور يا بن عزاب
بس قوية قبضنا على السيارة
تبي تلقى الكلبشات في الكفر
أهم شيء لا تكون بالجرم

يا بن عزاب إذا أمنت العقوبة ساء الأدب
خذ عندك ضابط برتبة لواء في المباحث بالرياض راجع بيته في شرق الرياض من الدوام على حلول الاقامة لصلاة العصر وبسيارته الحكومية وتجي سيارة كامري فيها شخصين وتصدمه من الخلف ولأنها موضة قديمه صدمت الخلف سابهم وقال ابي أوقف عندالمسجد أصلي , يقول في الصباح شفت عند المسجد من الجهة الخلية بناء جدر جديد قلي فضولي روح شوفه ويوم جيت عنده الا والسيارة اللي صادمتني من وراء تجي توقف في الجهة المقابلة من الشارع ويقعدون يسبون ويشتمون
يقول نزلت من السيارة وواقف أطالع فيهم وافكر اش اسوي معاهم الا وذاك اللي جايني من الخلف ودافني وراكب السارة وداعس وهم وراه يقولوا تعيش وتاكل غيرها
لانه لواء في المباحث قوم الدنيا وقعدها ومع هذا من العصر يادوب حتى الساعة 2 في الليل والشرطه تزهم علية وتقول له سيارتك عند استراحة في غرب الرياض , لاحظوا من الشرق للغرب

يقول وصلتهم وكانت الدورية عندهم ولقيتهم مطفين سجاير حشيش في المقعده الخلفية وراشين السيارة من جوة بطفاية الحريق عشان يضيعوا البصمات , ويقول لقيت السيارة ماشية 1800كم على اول 600 كم استهلكتها انا بعد غيار الزيت

طبعا أدلى بأوصافهم وقال أحد رجال الشرطه هذولا معروفين سوايق واحد منهمك هو ..... أبو ه عقيد في المرور ’ يمسكون الولد في سرقة يدخلوه الغرفة ويطلع بعد ساعات وتمسح صحفة .

الله يرحم حالك يا بن عزاب
قفل عليك بيتك من جوة وسلسل السيارة في عمود النور