لعيونك يالنجم الساهر

[ابو عادل]

المشاركة الأصلية كتبت بواسطة زملوق

الإخوة الكرام
تنشطت قريحتي الشعرية فجادت بأبيات
أود تقديمها كعربون صداقة لكم عامة و للنجم الساهر خاصة


[poem="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ويا مل لقلب (ن)من خفوقه صار صدري له هيال = وامست لواعيجه فبحر الهم ترمي الاشرعه
قلب(ن)هواجيسه تلاعب به على مر الليال = تسقيه بالمر الذحاح اللي من اول تنقعه
تارد به حياض المنايا بعد ليل الهم طال = وتسوق في كفه تعاوين الزمان وتجمعه
أسير واحث الخطا لكن يا بعد المنال = يا بعدها لا كان به روس(ن) تحط الأقنعة
روس(ن) تمايل فالهوى مابين جد وبين خال = وروس(ن) على وضح النقا بحر الكرامه تشرعه
لكن مابين القسا واللين ممرسة الحبال = اللي على مر الليالي من هواها مترعة
أمد واقصر فالخطا واقول لله الكمال =وليا تحاقرني زماني قلت لله ما اشجعه
وانا ادري انك يابحر موجك يصافق كل جال = لكن نهر النيل موجه دوم يصفق منبعه
أتعبت رجلي يابحر اتقول لي روح وتعال = وانا معك بالسمع والطاعه وموجك بتبعه
وان هبت الهبان واشتدت على منشى الخيال = اما تسوقه للديار البور والا تقشعه
[/poem]

والله يازملوق قصيدة عليها الكلام
تراكيب ماشاء الله تبارك الله وكأنها من غيض
وين هذا الجمال من زمان ماشفناه
شاعر بهذا المستوى ومعنا ولاندري؟
صح لسانك ولاتقطعنا من روائعك
تقبل مروري.