ابو دبا ينتظر الترحيب بفارغ البطاطا

[ابو دبا]

اعطوني قروشي من عند ابو عبدالرحمن خلوني أذلف ماعاد ابغى حقي الا بذراعي خلاص ماعاد في الدنيا خير لاكان ابن داخل اللي يشهدون له بالخير
وقالو لي العراف انشد عنه ويبتل لك العلوم ولياه اصبح يسب فيه ويجيب ناس يسبون فيه وعوّد عدو لي ويجيب دعاوي عن رويعي الغنم يبي ينسيني دعوتي اللي لين ذالحين ماتدرون عنها وكلما جا واحد يبي يعلم عن رويعي
الغنم قال اقلب وجهك ماسمعتم ويش قال لراعي السواني الطيب ويزيد
يروح يتكلم على حمار القايله اللي من جده يوم قال المذهب مات
بس انا ماادري هي ليش النفس حقته محشوره عليه خلاص كبوه والله
لسدح به مع رويعي الغنم والا ماكون فجل بن خيار بن بقدونس البرشومي
والا انت يازهور الله ياولدي يوفقك لا تسوين قصيده فواحد يابنتي يبي يموت
والشعر وانا بوك مطلاة جربا تحسبين انك تب تدركين صاحبك وهو اللي يبي
يدرك واما انت ياخنساء ماقصرت النواعم يبي لهم واحد خشن وجدك فجل
ماهو اللي على خبرك ياوليدي يقع عاد بفياقرا وكبوت عن البرد الخطير
هي ياوليدي لاتنسين تجيبين لي معك مقص على شان الشنتوره لاتمتحن
النواععم


ياولدي يا اقزوز انا مريض وراح بي الكبر ابروح احل موضوع عيالي اللي تقاتلوا

لاتنسى تجيب لي معك دسته ابيها لرجال ثاني واعطني معك دوف دوف
هي عجّل وانا عمك

ورايه وان شاء الله ان حماطه من نصيبك ولاتنسى

[بن داخل]

هذا وانا ياعم فجل حشت لك الحمار علشان تركب عليه
واخرتها ترميني بهروج ماني راعيها لكن عليه الملازيم لو ماشيبة فراسك
بدت من جور السنين لاربطك فرجل حمار القايلة واخليه يسحبك لين يحدر بك مع الاصيفر 0
أنت قاطع مذهب ماغير تحرج على بنتك حماطة اللي علمتنا زهور عنها ايام هي فالمدرسة تقول انهم فصلوها علشان عندها تخلف عقلي
وتبلابها المسكين المنسم (عمنا ماهو خير وطاح عليه المنخل وكسره )
يامنسم والله ان البيض الفاسد يتليم على بعضه
الشرهه ماهي عليكم على اللي يقعد في مقاعدكم
فمان الله اعطوني المشلح ياعيال
قوام وقربو لي حمار القايلة خلوني احدر

[زهور الريف]

لحظه لحظه هييييييييه يابن داخل مقروع
انت واللى معاكم اشفيكم الله اكبر عليكم من يوم شفتوا الحمار طرتوا من الفرح وحجزتوه للعمل

خافوالله ترى يابن داخل ابوك كان الله يرحمه على ما نسمع انه رجال حقاني وانت وشبك تاخذ الحمار لاوبعد تتجمل به على عيال عمك

تروا هذا حمار جدي فاقده له اسبوع والسبب من مشتاق الباكستاني لابارك الله فيه تركه وراح للقرود عند البرشومي والحمار ماصدق بالفرصه ونكع وحط رجله

وتذمرنا عنه وقالوا انهم شافوه عند فضية الاعرج والحمد لله ان الله عقله

المهم هذا حمار جدي ولا تقلون كلام فاضي انا عندي مايثبت

لو رجعتوا لقصيدتي اللى سويتها في اقزوز الخبل تلاقون البيت التالي

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
ياخبل ياما عبيلك=ياشبيه حمار جدي[/poem]
وهذا الدليل على ان الحمار لجدي وانا ذاكرته في قصائدي من زمان

المهم كلا يلزم ماه في سماه وانا ابدق على المصرقع هو صاحبنا وبرسله يجيب مشتاق يستلم الحمار يرجعه لجدي

وانت يابو عبد الرحمن هذي امانه معك تربط هذا الحمار عندك هنا الين يجيك مشتاق وتسلمه له ولا يقربه بن داخل ولا غيره

[حمار القايلة]

كلكم اهل بكش واولكم ابو عادل وبن داخل والمنسم وابو دبى وراعي السواني " الا زهور " زهور هي القايله " والحمار حمار القايله .

[زهور الريف]

واسمع يابو عبد الرحمن

الحمد لله بعد ظهر الحق

خل طعام ابو يمن هذا الفجل يتوكل على الله اصلا ماهو وجه نعمه الرياجيل تعلمه الدرب وحتى البنات يعدلون عليه وهو الضاهر انه نفس حالت بنته حماطه عنده صعوبات تعلم

خله يذلف على قوله وان قلك فلوس قله عان الحكومه قدامك وترى عمي عميد في الشرطه وانا سالته وقالي زي هذولي اذا جونا يشتكون على طول نحولهم شهار يعدون عنهم تقرير قبل كل شي والنتيجه معروفه بس كبه خله يتوكل على الله

[بن داخل]

زهور بيض الله وجهك بعد رديت حمار جدك له

[أبو عبدالرحمن]

[qu]وتذمرنا عنه وقالوا انهم شافوه عند فضية الاعرج والحمد لله ان الله عقله [/qu]

[qu]وانت يابو عبد الرحمن هذي امانه معك تربط هذا الحمار عندك هنا الين يجيك مشتاق وتسلمه له ولا يقربه بن داخل ولا غيره[/qu]

ما أظنه ينتظر لأخر الأسبوع...لكن أوصي أصحاب الويتات ..ما يقصرون...

[مصرقع]

يا عمي يا ابو دبا انا جيت ومعي هريسه
ابغاك تاكل وتتغذى
وترانا جايينك انا وبن داخل وزهور بعد يومين ابخطب رمانه
ما عاد اقدر اصبر عنها
وانت يا ابو عبدالرحمن رجع فلوس عمي فجل لا اروح
اشكيك في الشرطة ترى عمي معه رياجيل
واعطوني حمار القايلة خلوني اعطيه المشتاق
يحمل البرشومي عليه لكن قبل لا يجي
اعطوه من التبن اللي عند رويعي الغنم لين يشبع
حتى يجينا شبعان ويتحمل يوم نشد عليه
وترى يا عمي فجل انا نفسي عافت حماطة بعد نقبتها الكعتان
ولا عاد ابغى الا حبيبتي رمانه انا افداها

[ABO TURKI]

يا بن داخل طول الله عمرك
انت ليه ما تخلي راعي السواني يجيب رويعي الغنم
ويعلم بمحله اللي بغا يذبحه فيه بعد الجمال
وليه ما تخاف الله في ها الشيبه اللي قاعد عندنا لا يموت علينا ونتورط فيه
جيبوا رويعي الغنم والمشكلة يمكن بسيييطة وتنحل ونفتك من الشيبه
وسيرته .
انا خايف عليك بعد يقتل رويعي الغنم يعود عليك
وحمار القايلة اظنه يعرف رويعي الغنم ويقدر يجيبه اذا ضغطتم عليه

[ابن ابي محمد]

يا ابو دبى : ابو عادل وبن داخل هم اللي ضيعوك وتوهوا دعوتك , نصيحتي سنعهم وريح المنتدى والبلاد والعباد منهم وبعدهم سنع الرويعي وخلف وبقية الشلة , تراك ماجور ومشكور .